Ауaaжәлaррa
Абиуџьет аҽаҧсахит, апандемиа алшаарас иаҳнаҭо инақәыршәаны - Жәыргьыҭ ахада иҟны аинтервиу
FaceBook Twitter
E-mail Print
Акоронавирус апандемиа аҭыҧантәи абиуџьет азы ныррас иамои, административтә харџьқәа еиҵхома, атәылауаа цхыраарас ироуеи? - абарҭ азҵаарақәа рзы "Лаивпресс" акорреспондент Жәыргьыҭ ахада Гьаргь Шенгелиа диацәажәеит.

Лаивпресс: Абиуџьет ҿыц алацәажәара ҳалагаанӡа, интересс иҳамоуп сынтәа ааҧынразы амҩақәа рыӡәӡәаразы абиуџьет аҟынтә иныхыз 27 035 лари иабантәаагаз?

Гьаргь Шенгелиа: Абри аҧарала амаҭәашьарқәа ааҳхәеит, аха, абарҭ аусурақәа рзы инеизакны иныхын 50 нызқь лари. Абри аҧара амҩақәа мацара рыӡәӡәара акәӡам изызкыз, аангыларҭақәа, ахәыҷбаҳчақәа, ахҵәацәа реиланхарҭақәа, анхарҭатә корпусқәа, аџьармыкьақәа, урҭгьы адезинфекциа рызун. Абарҭ аусурақәа аҧара рзоушьҭын амуниципалтә резервтә фонд аҟынтә.

Лаивпресс: Аепидемиологцәа ргәаанагарала, амҩақәа рыӡәӡәареи иарку акорпусқәа рдезинфекциеи азы бааша аҧара иныхын. Шәара шәгәы ишҧаанаго, ари аҧара баша иныхызма?

Гьаргь Шенгелиа: Аханатә дара абжьагара ҟарҵеит атәылауаа рыхьчареи авирус аларҵәара ашәарҭара аиҵатәреи азыҳәан излауа ала ирацәаны ауаажәларратә қәыҧшыларақәа адезинфекциа рзутәуп ҳәа. Абри аҩыза аусурақәа Қырҭтәыла мацара акәымкәа, егьырҭ атәылақәа рҿгьы имҩаҧган. Ҳәарада, ҳаргьы агәабзиарахьчара абьжьагарақәа ҳрықәныҟәон. Иахьа уахәаҧшыр, иацы иҟаҵаз аусқәа рыҟаҵара иахәҭамызт ҳәа иуҧхьаӡар ҟалоит, аха, усҟан абарҭ аусурақәа анымҩаҧаагоз, урҭ аҵакы ду рыман.

Лаивпресс: Ҳаҧхьаҟа абри аҩыза аусурақәа рымҩаҧгара шәгәы иҭоума?

Гьаргь Шенгелиа: Анеҩстәи ашықәс абиуџьет аҿы абри аҩыза аусурақәа рзы аҧара иазҧхьагәаҭам, аха, иааиуа ашықәс азгьы арезервтә фонд ҳамазаауеит, аспециалистцәа абжьагара ҟарҵар, ҳәарада, ҳара уи иазҧхьагәаҭаны, иашьашәалоу аусурақәа мҩаҧаагоит.

Лаивпресс: Апандемиа амшала, абиауџьет ҿыц аҿы конкретла иарбан харџьқәоу еиҵашәтәыз ма иазшәырҳаз?

Гьаргь Шенгелиа: Апандемиа амшала аиҭакрақәа рацәа рымҩаҧгара ҳақәшәоит. Акультуратәи аинфраструктуратәи проектқәа уҳәа, асоциалтә харџьқәа еиҵаҳтәит. Акультуратәи аспорттәи уснагӡатәқәа аҧара рзоушьҭым, 4 миллион лари рыла абиуџьет ариашара ҳақшәеит, ҳаҧхьаҟа абиуџьет аҿы 41 миллион лари ҳамазаауеит, абри абиуџьет анагӡара ҳалшоит, аха, апандемиа амшала аҭагылазаашьа шыҟало аӡәгьы издырӡом, убри аҟынтә, аҭагылазаашьа иашьашәаланы абиуџьет ҳариашоит.

Лаивпресс: Административтә харџьқәа еиҵхама?

Гьаргь Шенгелиа: Шықәсык иалагӡаны административтә харџьқәа еиҵхеит 200 нызқь лари ала. Даҽа 100 нызқь лари ала административтә харџьқәа реиҵатәра ҳгәы иҭоуп. Сара ахадас саналырх ашьҭахь, зыхә цәгьоу амашьынақәа ҳҭиин, зыхә мариоу амашьынақәа ааҳхәеит. Убри абзоурала, абылтәы азы 60 нызқь лари аиҷаҳара ҳалшеит. Абжьысралшара ду змоу машьына заҵәык ҳзаанхеит. Уигьы ҩынтә аукцион ашҟа ицәыраагахьеит, аха, иаҳзымҭиит. Ахә мариала иаҳҭиир аҵкыс иаанныжьны, еиуеиҧшым ахырхарҭақәа рыла ҳхы иаҳархәарц ҳаӡбеит.

Лаивпресс: Жәыргьыҭтәи амуниципалитет абиуџьет ҿыц аҿы апандемиа амшала азарал зауз ауаа рзыҳәан асоциалтә программа ҿыц иазҧхьагәаҭоума?

Гьаргь Шенгелиа: Агәабзиарахьчара ахырхарҭала иҟаз апрограммақәа зегьы аанхоит, идагәоу ахәыҷқәа акохлеартә имплант рзаахәареи, аутизм аспектр абжьысра ачымазара змоу ахәыҷқәа рзы атерапиатә курси уҳәа убас егьырҭгьы. Ацхыраара зҭаху ауааҧсыра зегьы афинансыркра роур ҳҭахуп. Иара убас, қәҿиарала имҩаҧысуаз апроектқәагьы аанхоит: асоциалтә ҩнқәа, иҧхоу уадак, аҩны ахылаҧшра апрограммақәа. Аҿыц программагьы ҳамоуп, социалла ихьчам ауааҧсыра амҿы рзаахәара ацынхәрас, агазмҩаҧгага аҟаҵаразы аҧара рзоуҳашьҭуеит, иара убас, акоммуналтә харџьқәа ршәара азгьы аҧара рзоуҳашьҭуеит, абарҭ аиҭакрақәа аицҽалархәра апринцип ала аларҵәара роуеит, социалла ихьчам ҳтәылауаа уи даараӡа ирыхәоит.
Print E-mail
Twitter
Ари aмaтериaлқәa
40 шықәса зхыҵуа Иракли Аҧсны дынхоит. Ҩышықәса ҵуеит
18:07 / 21.09.2021
40 шықәса зхыҵуа Иракли Аҧсны дынхоит. Ҩышықәса ҵуеит "метадон" аҧсахратә терапиа апрограмма ихы иаирхәоижьҭеи.
Амилаҭ-демократиатә институт NDI имҩаҧнагаз аҭҵаарақәа
инрықәыршәаны,
18:03 / 21.09.2021
Амилаҭ-демократиатә институт NDI имҩаҧнагаз аҭҵаарақәа инрықәыршәаны,
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы
иуоуам,
22:14 / 24.07.2021
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы иуоуам,
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
19:48 / 25.05.2021
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала