Ауaaжәлaррa
Абылреиапандемиеиамшалаазаралзаузауааҧсыра -галааирыцхраауа [афото/авидео]
FaceBook Twitter
E-mail Print
Импыҵахалоу Гал ауааҧсыра апандемиа амшала аҳәаа изахысуам, арҭ ауаа усгьы ауадаҩрақәа ирҭагылан, аха, мышқәак раҧхьа иҟалаз абылра амшала рҭагылазаашьа иаҳа ицәгьахеит. Абылра дырцәит, аха, ауаа азарал ду роуит -аҩнқәеи аҟашәа ишьҭаҵаны иахьрымаз ацхыраагӡатә ргыламҭақәеи блит. Аҭыҧантәи ауааҧсыра рхы зланыҟәыргоз арасаҭрақәеи ашәырбаҳчақәеи ҧхасҭоуп, арахәы рцәыӡит. Аҩадатәи Аладатәи Баргеби, Сида, Соҧчаи, Ҭагилони, Отобаиа - абарҭ галтәи ақыҭақәа рҿоуп абылра ахьыҟалаз.

"Анхашьас иҳауа ҳаздырӡом"

Абылра амшала азарал зауз ауааҧсыра азарал аҧхьаӡара иаҿуп. Ишырҳәо ала, дара ракәымзар,абри аус уаҳа аӡәгьы иҟаиҵараны дыҟам. Галтәи ақыҭа Набакеви анхаҩы ишиҳәаз ала, аҭыҧантәи "анапхгара" иблыз аҵакырадгьы агектарқәа рыла иршәоит, уаҳа акгьы ҟарҵом. Абылра есышықәса иҟалалоит, аха, ҧаса уи аӡәгьы интересс имамызт. Сынтәа Аҧсны егьырҭ араионқәа рҿгьы абылра ҟалеит, убри азоуп аинформациа заладырҵәаз.

Арасаҭра, ашәырбаҳча, ақыҭанхамҩатә дгьылқәа, зегьы ҧхасҭоуп. Абри зегьы аханатә арҿиара рықәшәоит. Убри азыҳәан иҵегьы шықәсқәак аҭаххоит. Уаанӡа ҧсыхәас ироуеи, абри азҵааразы аҭак рымам. Ишырҳәо ала, ақыҭа анапхгаҩы ауаа рпроблемақәа интересс имам, ак шәҭахызар ҳәа дааны дырмазҵааит:

"Абраҟа изакәызаалак цхыраарак иагьалацәажәом. Проблемақәас иҳамоу интересс ирымам. Иахьа уажәраанӡа аӡәгьы дмааиӡацт, зынӡаскгьы имааиргьы ҟалап. Сара сыстудентуп, Қарҭ аҵара сҵоит, аҵара шыназыгӡаша сыздырӡом. Араагьы нхашьас исомои, акгьы ҳзаанымхеит", - иҳәеит Аҧсны инхо ареспондент "Лаивпресс" акорреспондент данлацәажәоз.

Ҵыҧх, апандемиа амшала, рҽаҩра Қырҭтәыла егьы атерриториашҟа ииаганы ирзымҭиит, ҳаҧхьаҟа аҽаҩрагьы роуам. Набакеви инхо ареспондент ишиҳәаз ала, ақырҭуа политикцәа рҟынтә иаҳаит дара галаа ирыцхраар шырҭаху, аха, уи аконкреттә шьаҿақәа рыла ишьақәдырҕәҕәароуп.

Галтәи ақыҭа Соҧчаигьы абылра амшала азарал ду аиуит. Уаҟа инхо ауааҧсырагьы абри аҩызаҵәҟьа апроблемақәеи, аҭакда иаанхаз азҵаарақәеи рымоуп.

"Аӡынразы иҳаҧсыхәоузеи, арахә ираҳҭаша ҳамам. Амла иагоит. Ҳаҧхьаҟа араса аҽаҩра ҳауам. Шаҟа ҳхаагаараны иҟои? Абарҭ аҩнқәеи адгьылқәеи шаҟантә еиҭашьақәҳаргылои?!".

Гал анаваргыланы, Аҧсны егьырҭ араионқәа рҿгьы абылра иҟан.

"Дефакто анапхгара ахаҭарнакцәеи ҳареи аимадара ҳабжьоуп"

Қарҭ изныкымкәа аарыцҳахьеит абылра амшала азарал зауз Аҧснытәи арегион ацхраара ҳазыхиоуп ҳәа. Зны, Аҳәынҭқарратә шәарҭадара амаҵзура аҟынтә аарыцҳаит ацентртә напхгара хәажәкыра 5 рзы Ацәаҳәа ҷыда ала ампыҵахалатә режим адырра рырҭеит иарбанызаалак цхыраарак шәҭаххар, ҳазыхиоуп ҳәа. Анеҩс, Аинаалареи атәылауаҩратә аиҟарареи азҵаарақәа рзы аҳәынҭқарратә министр аилыркаарақәа ҟалҵеит Аҧсны абылра арцәараҿы ҳшәыцхраарц ҳахиоуп ҳәа, агежьҧрыга алагьы. Ақырҭуа аган аиҿцәажәарақәа рдетальқәа ирылацәажәом, аха, адиалог шымҩаҧысуа шьақәдырҕәҕәоит. Ҭеа Ахвледиани ишылҳәаз ала, рнапаҿы иҟоу аканалқәеи амеханизмқәеи зегьы рхы иархәаны, де-факто анапхгара рҟны аиҿцәажәарақәа мҩаҧыргоит, аконкреттә аҭак анроулак, абылра арцәара апроцесс рҽаладырхәоит.

Аҳәынҭқарратә министр лҳәамаҭаала,дара,апандемианӡагьы,еиуеиҧшым апрограммақәеи амеханизмқәеи рыла импыҵахалоу аҵакырадгьыл иқәынхо ауааҧсыра иреиҷаҳауан, апандемиа аангьы абри ацхыраара аанкыламызт.

Қырҭтәыла ахада Саломе Зурабишвилигьы апандемиеи абылреи амшала азарал зауз Аҧсны ауааҧсыра дышрыдгыло аалыцҳаит.

Аҟәа иҟарҵаз аҭак

Қырҭтәыла ацентртә напхгара ацхыраара ишазыхиоу азы изныкымкәа иҟарҵаз аҳәамҭақәа рзы аҭак ҟаиҵеит де-факто аиҳабыра Ашәарҭадара Ахеилак амаӡаныҟәгаҩ Сергеи Шамба. Сергеи Шамба ишиҳәаз ала, Қарҭынтә ацхыраара рҭахым,абылра арцәаразы рмаҵзурақәа рымч азхоит.

Нас,ус акәзар, ақырҭуа агани дареи излацәажәои? Аҧсуа политик иҟаиҵаз аҳәамҭаҿы аиҿцәажәарақәа рыӡбахә ҳәам. Насгьы, макьана идырым аиқәырхаратә цхыраара инаваргыланы, абылра амшала азарал зауз ауааҧсыра агуманитартә цхыраарагьы рыҭара азҵаара иалацәажәо иаламцәажәо. Иалацәажәозар, изакәытә цхыраароузеи излацәажәо.
Атәылауаа галаа рыцхрааразы.

Қарҭ, аофициалтә хаҿқәеи аусбарҭақәеи азарал зауз ауааҧсыра ишрыцхраааша иахьынӡазхәыцуа, ари аинициатива атәылауаа рхы иадырҵеит. Ари аганахьала проблемақәак иҟоуп – аиҭаҵра иадҳәалоу апроблемеи апандамиа амшала иарку Егры ацҳаи. Аха, ишырҳәо ала, ари азҵаара аӡбаразы мҩак ҧшааны, Аҧсныҟа аидара анагара рылшап ҳәа игәыҕуеит.

Атәылауаҩратә активист Давиҭ Какубавеи иҩызцәеи галаа ирыцхраарц азыҳәан аҧара еизыргарц рыӡбеит. Иара ихаҭагьы импыҵахалоу арегион далҵит, аха, иахьа Қарҭ дынхоит. Уаатәи анхацәа проблемақәас ирымоу ибзиаҵәҟьаны идыруеит. Абылра иахылҵыз алҵшәақәа ирызку аинформациа иоуит уаҟа инхо иуацәеи иҩызцәеи рҟынтә. Агәыҳалалратә акциа нагӡахоит амза анҵәамҭанӡа. Нас ауп ианырыӡбо шаҟа ҭаацәарақәа ирыцхраауа, насгьы, изларыцхраауагьы.

Галаа ирыцхраарц азыҳәан,Америкеи Европеи инхо аемигрантцәагьы аҧара аарышьҭит. Апандемиа амшала Гал изалымҵуа ауааҧсыра абри ацхыраара роуратәы ирзыҟарҵарыма ҳәа ҳаниазҵаа атәылауаҩратә активист ишиҳәаз ала, аимадара рымоуп, ари аус шынарыгӡаша рдыруеит.

Агәыҳалалратә гәыҧ "Ҳудгылоуп" алахәылацәагьы галаа ацхыраара рыҭара рҽазыркит, зыӡбахәы ҳәоу агәыҧ мызқәак раҧхьа еиҿкаан, зҭагылазаашьа цәгьоу ауаа рыдгылара амзызла. Агәыҧ амодератор Саломе Самушиа лоуп, ларгьы импыҵахалоу Аҧсны Гагиди ақыҭа далҵит. Агәыҧ алахәылацәа активла аус руеит Аҩадатәи Барҕеби инхо аишьцәа Зухбаиаа иблыз рыҩны аиҭашьақәыргылараҿы ирыцхраарц азыҳәан.

"Уажәазы 500 лари еизганы иҳамоуп, абзазаратә маҭәарқәа, амаҭәа, ахәмаргақәа.

15 рзы абри зегьы анашьҭыга змоу, Аҧсныҟа анеира азин змоу амашьынала идәықәаҳҵоит", - иҳалҳәеит Саломе.

Азарал зауз аҭаацәарақәеи ақыҭақәеи рхыҧхьаӡара иазкны аинформациа еизылгоит атәылауаҩратә активист, Аҧснынтә ихҵәоу, уажәы Жәыргьыҭ инхо Ҭеа Қардава. Лара ишылҳәаз ала, ацхыраара зҭахыз атәылауаа илыдҵаалан, дара рыҳәара ацентртә напхгара рҟынӡа иналгарц илыҳәеит. Убри азоуп абарҭ асиақәа асоциалтә аҳала аларҵәара зылыӡбаз. Нас, Феисбуқ пост аҿы иазгәалҭеит аӡбарақәа здызкыло ахаҿқәеиаусбарҭақәеи.

Ҭеа Қардава ишылҳәо ала, ацентртә напхагара ахаҭарнакцәа абарҭ адыррақәа цқьа игәаҭаны, идыриашароуп. Уажәазы, азарал зауз 130 раҟара аҭаацәарақәа ирызкны аинформациа лымоуп, аха, ишылдыруа ала,ас еиҧш иҟоу аҭаацәарақәа иаҳа ирацәоуп, 350 раҟара иаҟоуп.

Фымш ҵуеит Аҧсны амца иаҿагыланы иқәҧоижьҭеи. Гал адагьы, Гаграгьы абылра ҟалеит, ажьырныҳәа 7 рзы амца анхарҭатә пунктқәа ирзааигәахеит. Иаха, асасааирҭа"Москва" ааигәара абылра ахыҵхырҭақәа рацәан, Чагрыҧшь аиланхарҭаҿы анхарҭаҩнқәа ашәарҭара иҭагылан. Гәдоуҭагьы амца иаҿагыланы ақәҧара иаҿуп.
Print E-mail
Twitter
Ари aмaтериaлқәa
40 шықәса зхыҵуа Иракли Аҧсны дынхоит. Ҩышықәса ҵуеит
18:07 / 21.09.2021
40 шықәса зхыҵуа Иракли Аҧсны дынхоит. Ҩышықәса ҵуеит "метадон" аҧсахратә терапиа апрограмма ихы иаирхәоижьҭеи.
Амилаҭ-демократиатә институт NDI имҩаҧнагаз аҭҵаарақәа
инрықәыршәаны,
18:03 / 21.09.2021
Амилаҭ-демократиатә институт NDI имҩаҧнагаз аҭҵаарақәа инрықәыршәаны,
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы
иуоуам,
22:14 / 24.07.2021
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы иуоуам,
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
19:48 / 25.05.2021
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала