Ауaaжәлaррa
5-мштәи акарантин ацынхәрас атестирра лас - галаа ирзыҧшу аиҭакрақәа
FaceBook Twitter
E-mail Print
Импыҵахалоу Аҧснынтә Қырҭтәыла анапхгара изхылаҧшу аҵакырадгьыл ашҟа ииасуа ауааҧсыра рзы 5-мштәи акарантин аҧыхреи атестирра лас рзымҩаҧгареи иаҳәо ауааҧсыра иаҳа-иаҳа ирацәахоит. Де-факто ареспублика иқәынхо ауааҧсыреи урҭ руацәеи инрываргыланы, абри аҳәара иадгылеит атәылауаҩратә активистцәагьы. Аҵыхәтәантәи мчыбжьык аҩнуҵҟала Қарҭи Жәыргьыҭи иакымкәа апротесттә акциақәа мҩаҧган.

Ажәлар ампыҵахалатә цәаҳәа ахысра иадҳәалоу апроблемақәа иаҳа рыхшыҩ азыршьҭит мшаҧы 7 рзы иҟалаз арыцҳара ашьҭахь, импыҵахалоу Галнтә Жәыргьыҭҟа ицоз 4ҩык ауааҧсыра Егры аӡиас ианага ашьҭахь. Егры аӡиа аҿы уаанӡагьы имаҷымкәа ауаа ҭахеит. 2020 шықәса нанҳәазы абри амҩаҿ дҭахеит атәанчахә игарцаз Жәыргьыҭҟа ицоз 70 шықәса зхыҵуаз ахаҵагьы. Егры аӡиас иара иҧсыбаҩ аҟәара ихықәнажьлеит жәыргьыҭтәи ақыҭа Орсантиа иазааигәаны. Убри ашықәс азы, цәыббразы, ампыҵахалатә цәаҳәа иазааигәаны, Жәыргьыҭ, Хурча ақыҭан дыҧсит дыӡсаны Егры иахысыз ахаҵа.

„Ҳара уаҳа ҧсыхәа ҳамам. Хьшәашәараха аӡы аҭалара аӡәыр иҭахума, насгьы уи шшәарҭоу идырны?! Аӡиас уагоу, аурысцәа уааныркылоу уздырӡом. Шьҭахьҟа ушхьаҧшуа уаауеит, аӡә душьҭалазар ҳәа ушәаны. Сара ҩынтә абри акаамеҭ схызгахьеит, избанзар Жәыргьыҭ сцаны зда ҧсыхәа сымам ахәшә аасхәар акәын. Галтәи апҭекаҿы иуҭаху ахәшә иҟам, иҟазаргьы даараӡа ахә цәгьоуп“, - илҳәеит импыҵахалоу Гал инхо ҧҳәыск „Лаивпресс“ акорреспондент ҭелла данлацәажәоз.

Галаа, афатәи ахәшәқәеи раахәареи, агәабзиарахьчаратә сервисқәа раиуреи азыҳәан, 1-2 мшы рыла ампыҵахалатә цәаҳәа ахысра рықәшәоит. 5-мштәи акарантин амшала, абарҭ аусқәа рыҟаҵара рцәыуадаҩуп. Уи адагьы, адгьылаарыхратә усурақәа рымшала рҭаацәара рзаанрыжьуам. Абарҭ апроблемақәа ирыцлоит де-факто ареспублика анапхгара арҭ ауаа ирзышьақәдыргылаз аҧкрақәагьы. Егры ацҳаҿы игылоу аҳәаахьчаҩцәа атәанчуааи, ачымазаҩцәеи, анашьҭыга ҷыда змоу ауааҧсыреи мацара иоурыжьҭуеит. Аамҭалатәи анашьҭыга Аҟәа мацароуп ахьрырҭо, уигьы 45 лари аҟара иаҧсоуп.

„Аҧсуаа рацәажәара иаҳа иаҳзыманшәалоуп. Аибадыррала, ма аҧара рыҭаны ҳаиасыр ҳалшоит. Абри акарантин аҧырхааит, нас, ҳара ҳхала ҳхы ҳацхраауеит“, - иҳәеит Гал инхо даҽа респондентк, иаргьы ихьӡ иҳәар иҭахымхеит.

Иара даараӡа дгәааны дыҟоуп, избанзар, ишиҳәаз ала, абарҭ ауаа аӡы иагаанӡа, галаа изыкәзаалак хшыҩзышьҭрак рмоуит. Игәы ишаанаго ала, атәылауаа апротест аныҟарҵа, атәыла анапхгара, авирус аларҵәара ашәарҭара иазҧхьагәаҭаны, 5мштәи акарантин ацынхәрас галаа даҽа мҩак рзыҧшаара рықәшәоит. Альтернативак ҳасабала, акоронавирус азы атест лас аҟаҵара иалагар ауеит ҳәа иҳәеит.

Галтәи ареспондент игәаанагара дақәшаҳаҭуп "Адемократиа аҭҵааратә институт" адиректор, ҧаса Жәлар рыхьчаҩс иҟаз Уча Нануашвили. Лаивпресс акорреспондент данлацәажәоз иара ишиҳәаз ала, атәылауаа атест лас рзыманшәалоуп, аҳәынҭқаррагьы, аекономикатә ганахьала хырҳага аиуеит, избанзар, уаҩҧсык хәымш асасааирҭаҿы иныҟәгара аасҭа атест лас аҟаҵара иаҳа ахә мариоуп.

Атәыла анапхгара уаанӡагьы ус изыҟарымҵеи ҳәа ҳаниазҵаа Уча Нануашвили ишиҳәаз ала, ацентртә напхгара галаа ирҭаху, проблемақәас ирымоу рыздырӡом:

„Ацентртә напхгара, уезгьы зҭагылазаашьа цәгьоу, ампыҵахалара амшала уезгьы азарал ду змоу галаа рыдгылара ацынхәрас, абрахь аиасраҿы ирҧырхагоуп. Аполитикатә ҭаххара иҟам. Аҳәынҭқарра галаа атәымтәылауаа реиҧш ирызныҟәоит. Фактла иуҳәозар, галаагьы атәымтәылауаа ирзышьақәыргылоу арегулиациақәа рыла Қырҭтәылаҟа аара рыдарцалоит. Атуристцәа рацәа ПЦР атест мацарала иаҳҭаауеит. Урҭ иреиуп ампыҵахаларатә тәыла атәылауаагьы, араагьы ибзианы иубарҭоуп Қырҭтәыла абри азҵаара ишазныҟәо. Абри аҩыза азныҟәашьа арқьиара ҟалом, реалра аепидҭагылазаашьа ахылаҧшра акәзар излацәажәо, арҭ ауаа, ауезгьы, „изакәаным мҩала“ иасуеит, ари апроцесс аӡәгьы дзахылаҧшуам“, - иҳаиҳәеит Уча Нануашвили.

"Адемократиа аҭҵааратә институт" адиректор игәаанагарала, импыҵахалоу Гал амедицинатә сервисқәа реиҕьтәреи аппаратура ҿыц ала реибыҭареи аӡәгьы дазхәыцуам. Уча Нануашвиил ишиҳәаз ала, абарҭ асервисқәа уааҵәҟьа, аҭыҧаҿы ирзеиқәдыршәазҭгьы, галаа, амедицинатә сервисқәа раиуразы ампыҵахалатә цәаҳәа ахысра рықәшәомызт.

Ацентртә напхгара ахаҭарнакцәа ишырҳәаз ала, ампыҵахалатә цәаҳәа ахысра аан амч змоу арегулиациақәа аус рыдулара иаҿуп.

Мшаҧы 13 рзы аилыркаарақәа ҟаиҵеит Аусбарҭабжьаратә координациатә хеилак аҳәаақәа ирҭагӡаны еиҿкаау Аоперативтә штаб аиҳабы Гьаргь Ҕибраӡе. Иара иажәақәа рыла, ахеилак алахәылацәа, аинтенсивтә режим аҿы аусура нарыгӡоит аепидемиологиатә ҭагылазаашьа инақәыршәаны арегулиациақәа зегьы реиҭахәаҧшразы, импыҵахалоу аҵакырадгьылқәа рзы амч змоу арегулиациақәагьы инрылаҵаны.

„Уи адагьы, жәларбжьаратәи аиҿкаарақәа рҟны ҳусеицуреи дара рыбжьацәажәареи абзоурала, импыҵахалоу Аҧсны иқәынхо атәанчуааи, социалла ихьчам ауааҧсыреи, зылшарақәа маҷу ауааҧсыреи, ахылҵ рацәа змоу аҭаацәарақәеи, акарантин иахымскәа, дара ирыхәҭоу аҧаратә цхыраара агара рылшаратәы аҭагылазаашьақәа рзеиқәыршәоуп. Егьырҭ, зыҧшра ҟамҵакәа амедицинатә цхыраара зҭаху ауааҧсыра, Қырҭтәыла ацентртә напхгара изхылаҧшуа аҵакырадгьыл аҿы аҽыхәышәтәра амзызла, изакәызаалак ҧырхагак рымамкәа, импыҵахалоу аҵакырадгьыл аҟынтә аареи шьҭахьҟа ахынҳәреи рылшоит“, – иҳәеит Гьаргь Ҕибраӡе.

Аҧснытәи автономтә республика аиҳабыраҿ ишаарыцҳаз ала, хәымштәи акарантин аҧыхра иазкны галаа иҟарҵаз аҳәара иадҳәаланы уажәакәӡам аусура ианалагаз, ари азҵаара аус адырулоижьҭеи крыҵуеит.

„Иааиуа амшқәа рзы аӡбара рыдыркылоит ҳәа сгәы иаанагоит. Ҳара ҳакәӡам абри азҵаара зыӡбо. Импыҵахалоу аҵакырадгьыл аҿы аҭагылазаашьа иазҧхьагәаҭатәуп. Убри аҟынтә, аимадара ҳабжьоуп, аҭагылазаашьа ҳазлалҵша мҩак ҳаҧшаар ҳҭахуп. Еиуеиҧшым ахырхарҭақәа рыла аусура мҩаҧысуеит, конкретла макьана исызшәаҳәом“, - иҳәеит аиустициеи атәылауаҩратә интеграциеи азҵаарақәа рзы Аҧсны аиҳабыра аминистр Давиҭ Ҧацациа.

Аҧснытәи автономтә республика аиҳабыра ринформациа инақәыршәаны, Егры аӡиас аҿы иҭахаз ауааҧсыра рҭаацәара алахәылацәа зныктәи аҧаратә цхыраара роуит. Дара „Лаивпресс“ акорреспондент ишларҳәаз ала, зыӡбахәы ҳәоу аҭаацәара ҳаҧхьаҟагьы ацхыраара рыҭаразы аусура нарыгӡоит.

Мшаҧы 7 рзы, Егры аӡиас аҟәараҿы, Гал инхоз ҧшьҩык ауааҧсыра рыҧсыбаҩқәа рбеит. Урҭ рҟынтә хҩык Ҵарче ақыҭан инхон, аӡәы - Ҷубурхинџьи. Аҧсцәа, Егры ацҳала ииаганы, рқыҭақәа рҿы анышә иарҭеит. Иҭахаз ауаа ҳаҭырла ргәаларшәаразы, 2021 шықәса мшаҧы 10 Қырҭтәыла зехьынџьара алахьеиқәҵаратә мшны рылаҳәан.

Атәыла анапхгара ишырҳәаз ала, ампыҵахалатә режим роуп абри арыцҳаразы аҭак зыҧхықәу, аха, Аҟәа ишырҳәаз ала, иҭахаз ауааҧсыра Қарҭ ирзышьақәдыргылаз акарантин иацәцарц азоуп Егры аӡиас арра зырыӡбаз. Де-факто анапхгара галаа ирыбжьаргоит Егры ацҳа мацара рхы иадырхәаларц, аха абри ацҳагьы апандемиа амшала шықәсык иаркын, 2021 шықәса жәабран азоуп атәылауаа ацҳа ахысра азин анрырҭа.
Print E-mail
Twitter
Ари aмaтериaлқәa
40 шықәса зхыҵуа Иракли Аҧсны дынхоит. Ҩышықәса ҵуеит
18:07 / 21.09.2021
40 шықәса зхыҵуа Иракли Аҧсны дынхоит. Ҩышықәса ҵуеит "метадон" аҧсахратә терапиа апрограмма ихы иаирхәоижьҭеи.
Амилаҭ-демократиатә институт NDI имҩаҧнагаз аҭҵаарақәа
инрықәыршәаны,
18:03 / 21.09.2021
Амилаҭ-демократиатә институт NDI имҩаҧнагаз аҭҵаарақәа инрықәыршәаны,
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы
иуоуам,
22:14 / 24.07.2021
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы иуоуам,
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
19:48 / 25.05.2021
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала