Ауaaжәлaррa
Атуристтә бизнес аҿы акризис аан, жәыргьыҭтәи ахаҵа аҭаацәаратә сасааирҭа ааиртит [афото]
FaceBook Twitter
E-mail Print
Апандемиа амшала атуристтә бизнес знапы алаку ауааҧсыра зегьы азарал ду анрымоу, рбизнес аркра ашәарҭара ианҭагыло, 27 шықәса зхыҵуа Иракли Џьиқиа ари аус дазҿлымҳахеит.

Кыраамҭа дзызхәыцуаз игәазыҳәара нагӡаны, Жәыргьыҭтәии амуниципалитет иаҵанакәа Дарчели ақыҭан, аҭаацәаратә сасааирҭа еиҿикааит. Абри апроцесс иалахәып иҭаацәара алахәылацәа зегьы.

Апандемиа амшала атәылаҿы ишьақәыргылоу аҧкрақәа дрыцәшәом, избанзар, агәра ганы дыҟоуп хара имгакәа атәыла абжьааҧнытә ҧсҭазаара ишазыхынҳәуа, иааҧсаны иҟоу ауааҧсыра ақыҭаҿ, ибзианы еиҿкаау аҭагылазаашьаҿы рыҧсы ршьар шырҭаххо. Уажәазы, иара, асасцәа рыдкылара дазыхиоуп. Аҭаацәаратә сасааирҭаҿы ачысҟаҵарҭеи аҽыкәабарҭеи реиҿкаара мацароуп изаанхаз. Ашьҭаларҭақәеи, асасдкыларҭеи, ашәҭқәа рыла иҩычоу абарҵеи мазеиуп.

Иракли ишиҳәо ала, иара асасцәа аинтериер ҷыда ала рхыхра акәӡам хықәкыс имоу. Зегьы реиҳа ихадоу – ибзианы еиҿкаау, аҧсшьаразы иманшәалоу аҭагылазаашьақәа реиқәыршәара ауп. Иара иҿы ауаа зегьы аҩны иҟоушәа ргәы иабаратәы иҟаиҵар иҭахуп.

Иҭаауа асасцәа, дара рҭахрақәа инрықәыршәаны, аҽаҩра аҭагалара, мамзаргьы арахәы ахылаҧшра уҳәа, ақыҭанхамҩатә усура апроцесс аҽалархәра рыдигаларц игәы иҭоуп.

Иракли иажәақәа рыла, исасцәа ирҭаххар, ажә рхьар рылшоит, мамзаргьы ашә ҟарҵар, ма ачашә рӡыргьы ҟалоит.

Аҧсшьацәа, бжеиҳарала, агыруа ачыс рыдигалоит, уи уааҵәҟьа иаадрыхуа аалыҵ иалхны иҟарҵоит.

Иракли иҳәамҭала, абри ауп иара исасааирҭа ҷыдарас иамоу. Игәы ишаанаго ала, ақыҭа бзиа избо аҭаацәарақәа роуп, бжеиҳарала иҭаауа. Убри азоуп иара ахәыҷқәа рзы агәырҿыхаратә қәыҧшыларагьы зеиҿикааз.

"Аковидпандемиа даараӡа иаҳҧырхагахеит. Асасааирҭа аиҿкаара апроцессгьы кыраамҭа инагӡахеит, абри аҟара аамҭа сҭаххоит ҳәа сыҟамызт. Аха, знымзар зны аҵыхәанӡа ҳашнеиуаз аадыруан.

Ҳгәы иҭаҳкыз аус хымҧада аҵыхәанӡа инагатәын, ҳаҟәыҵып ҳәа хаангьы ҳгәы иҭамшәацт. Еиҳангьы, ҳамчқәа зегьы еизганы, абри аус излауа ала ирласны аҵыхәанӡа ишнаҳгаша акәын ҳзызхәыцуаз. Апандемиагьы знымзар зны ииасуеит, атәыла аҧсы ҭалоит, аха, уажәазы ҳазҭагыло аамҭа цәгьа аан ауаа ибзианы еиҿкаау, ҭынч рыҧсы ахьыршьаша, шықәсыкибжаки аҩнуҵҟа ирыгыз зегьы ахарҭәаара ахьрылшаша, иманшәалоу алагылазаара рыдаагалар ҳҭахуп", - иҳаиҳәеит аҭаацәаратә сасааирҭа аҧшәма қәыҧш.

Иара ихықәкы наигӡеит Америкатә Жәларбжьаратәи аҿиара агентра (USAID) апрограмма (Азҳара) абзоурала.

Иракли, booking.com, Airbnb, TripAdvisor, уҳәа еиуеиҧшым ипопулиару арыцхәтә платформақәа рыла исасааирҭа аӡыргареи асезон аан атуристцәа рыдыҧхьалареи игәы иҭоуп.
Print E-mail
Twitter
Ари aмaтериaлқәa
40 шықәса зхыҵуа Иракли Аҧсны дынхоит. Ҩышықәса ҵуеит
18:07 / 21.09.2021
40 шықәса зхыҵуа Иракли Аҧсны дынхоит. Ҩышықәса ҵуеит "метадон" аҧсахратә терапиа апрограмма ихы иаирхәоижьҭеи.
Амилаҭ-демократиатә институт NDI имҩаҧнагаз аҭҵаарақәа
инрықәыршәаны,
18:03 / 21.09.2021
Амилаҭ-демократиатә институт NDI имҩаҧнагаз аҭҵаарақәа инрықәыршәаны,
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы
иуоуам,
22:14 / 24.07.2021
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы иуоуам,
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
19:48 / 25.05.2021
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
Акоронавирус

Асоветтә репрессиақәа
Ажәaбжь ҿыцқәa
Қырҭтәыла аҧыза-министр Иракли Ҕарибашвили,
2020 шықәсазы арҵаҩы имилаҭтә ҳамҭа лоуит
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала