Ауaaжәлaррa
Отобаиа иҟоу аҵыҵындра арҧхарҭеи апандемиа аан иаҳа ирацәаны аҵыҵындра зҭиуа афермери [авидео]
FaceBook Twitter
E-mail Print
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра арҧхарҭа заҵәык ауп иҟоу. Ҭамар Ӡанӡава абри арҧхарҭа еиҿылкааит хышықәса раҧхьа. Аханатә, апланқәа лымамызт. Ҽнак, 100 цыра аиҭаҳатәқәа аалхәан, аҩны еиҭалҳалц иаалгеит. Нас, аҵиаа ахылаҧшра убас илгәаҧхан, аус ҿыц лнапы алыркын, 200 квадрат аҵакырадгьыл аҿы арҧхарҭа еиҿылкааит.

Убраҟа 1500 адац ауҭраҵыҵындра лымоуп, аахәаҩцәагьы лыгым. Аҽаҩра анлоулак, аҩны ддәылымҵкәа илҭиуеит, қыҭак аҿы илыцынхо, ма егьырҭ ақыҭақәа рҟынтә иаауа ауааҧсыра ирзылҭиуеит. Ауҭраҵыҵындра нылзымхогьы иҟоуп, галтәи аџьармыкьашҟа иналгаратәы, убри аҟара лымам.

"Гәыкала сахылаҧшуеит, схылҵ реиҧш. Уахгьы - ҽынгьы арҧхарҭаҿы сыҟоуп. Хшыҩзышьҭра ду аҭахуп. Хшыҩзышьҭра ацәмаҷхар, иаразнак иубарҭахоит, иҿиаауам. Ҷыдарас иамои? Сара ахәшә рацәаны иасҭом, егьырҭ ишыҟарҵо еиҧш, ашҳамхимикатқәа асҭом. Абиоҵыҵындра акәӡам, аха, ахимиатә маҭәашьарқәа алам", - илҳәеит Ҭамар Ӡанӡава "Лаивпресс" акорреспондент данлацәажәоз.

Шықәсык ала хынтә аҽаҩра лоуеит, инақәыршәаны, 2 тоннак аҟара. Зегьы реиҳа аҵыҵындра рацәоуп мшаҧы инаркны нанҳәанӡа. Апандемиа сҧырхагамхеит, еиҳангьы, аҽаҩра аҭираҿы исыцхрааит, илҳәеит Ҭамар. Аџьармыкьа, амҩақәа уҳәа, зегьы андыркы, агәылара иҟоу ақыҭақәа рҟынтә ауаа лассы-лассы иааны, аҵыҵындра аархәон. Афермер - ҧҳәыс лҳәамҭала, арҭ ауаа арҧхарҭа даараӡа иргәаҧхоит, ларгьы, уи анылбо лгәы иаахәоит.

Дацк 2 кьылак аҵыҵындра лнаҭоит. Раҧхьатәи ашықәс азы аҽаҩра бзиа лоуит. Аклиентцәа ҵыҧхгьы гәахәарыла лҵыҵындра аархәон, аха, лара лхаҭа ҵыҧхтәи аҽаҩара усҟак илгәаҧхомызт. Сынтәа лҽаҩра маҷхоит. Ҭамар Ӡанӡава ишылҳәаз ала, адацқәа иажәит, усҟак иҿиаауам. Убри аҟынтә, жьҭааразы иҵхны, аҿыц адацқәа еиҭалҳауеит, аха, иаҳа идуу аҵакырадгьыл аҿы, 1000 аквадраттә метр аҵакыраҿы арҧхарҭа еиҿылкаауеит. Хәынтә еиҳаны еиҭалҳауеит, 5 нызқь адацқәа, нас, галтәи аџьармыкьашҟа анагарагьы дазхәыцуеит.

"Спланқәа рынагӡара сылшап ҳәа сгәыҕуеит, галтәи аџьармыкьашҟа иназгар сҭахуп. Хәынтә еиҳаны аҽаҩра соуеит, галтәи аџьармыкьаҿы иазхаша аҵыҵындра соур, Аҟәатәи аџьармыкьанӡагьы снеип ҳәа сгәыҕуеит", - иҳалҳәеит Отобаиа инхо аҧҳәыс.

Афермер ҧҳәыс арҧхарҭа ахылаҧшраҿы илыцхраауеит лхылҵи, лхаҵеи, ланхәеи. Аха, арҧхарҭа лырдуур, аусуҩцәа лгар акәхоит.

Аҵыҵындра арҧхарҭа Отобаиа ада уаҳа ааигәа џьаргьы иҟам. Агәылара иҟоуа ақыҭақәа рҿы, бжеиҳарала, ауҭраҭыхи ашәҭқәеи рырҧхарҭақәа роуп иҟоу. Зехьынџьара еиҧш, Отобаиагьы аусурҭа аҧшаара уадаҩуп. Ҭамар Ӡанӡава лгәы ишаанаго ала, абри аҩыза аҭагылазаашьаҿы, ауааи ақыҭеи рыцхрааразы абри аҩыза анхамҩақәа аҵакы ду рымоуп.

"Шаҟа ирацәаны ауааҧсыра аусурҭа роуа, шаҟа ирацәаны аҽаҩра ҳауа, убри аҟара Аҧсни аҭыҧантәи ауааҧсыреи аҿиара рымазаауеит", - иҳалҳәеит Ҭамар.

Print E-mail
Twitter
Ари aмaтериaлқәa
40 шықәса зхыҵуа Иракли Аҧсны дынхоит. Ҩышықәса ҵуеит
18:07 / 21.09.2021
40 шықәса зхыҵуа Иракли Аҧсны дынхоит. Ҩышықәса ҵуеит "метадон" аҧсахратә терапиа апрограмма ихы иаирхәоижьҭеи.
Амилаҭ-демократиатә институт NDI имҩаҧнагаз аҭҵаарақәа
инрықәыршәаны,
18:03 / 21.09.2021
Амилаҭ-демократиатә институт NDI имҩаҧнагаз аҭҵаарақәа инрықәыршәаны,
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы
иуоуам,
22:14 / 24.07.2021
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы иуоуам,
Апандемиа амшала атуристтә бизнес знапы алаку ауааҧсыра зегьы
азарал ду анрымоу,
17:10 / 25.05.2021
Апандемиа амшала атуристтә бизнес знапы алаку ауааҧсыра зегьы азарал ду анрымоу,
Акоронавирус

Асоветтә репрессиақәа
Ажәaбжь ҿыцқәa
Қырҭтәыла аҧыза-министр Иракли Ҕарибашвили,
2020 шықәсазы арҵаҩы имилаҭтә ҳамҭа лоуит
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала