Ауaaжәлaррa
B612 – ашәҟәы бзиа избо аҿар „рпланета“ ҿыц Жәыргьыҭ ақалақь аҿы [афото]
FaceBook Twitter
E-mail Print
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы иуоуам, - илҳәеит 17 шықәса зхыҵуа Лизи Џьаҧариӡе жәыргьыҭтәи абиблиотека хада аҿы ашәҟәы ақәҵарҭаҿы лара илҭахыз ашәҟәы данашьҭаз. Абрааҵәҟьа иҟоуп Лизи лҩызцәагьы,16 шықәса зхыҵуа Ҭико Нарманиеи Ҭико Лагвилавеи.

Дара абри абиблиотекашҟа иныҟәоижьҭеи акрыҵуеит, ибзиаҵәҟьаны ирдыруа ақәҵараҭақәа рҿы еснагь ирҧыхьашәоит аинтерес зҵоу ашәҟә ҿыцқәа. Ашәҟәаҧхьара инаваргыланы, аҿар, абри ахыбраҿы даҽа ускгьы рнапы адыркит - ашәҟәқәа рыбзоурала рцәа ианырыз "анашанатә мчы" егьырҭ рҩызцәагьы иддырдырыр, иддырбар рҭахуп.

Апандемиа аан, ауаа рыҧсҭазаашьа иарымарыдоу аҟазшьа анамоу, аҿар а ус ҿыц рнапы адыркит - ашәҟәаҧхьара аӡыргара амзызла аинициативтә гәыҧ - B612 еиҿыркааит.

16 шықәса зхыҵуа Ҭико Лагвилава ишҳалҳәаз ала, агәыҧ аиҿкаара аидеиа рызцәырҵит абиблиотека адиректор Бесик Арахамиа аҧхьаҩцәа рҟны имҩаҧиго аиҧыларақәа руакы аан.

Аидеиа зегьы иргәаҧхан, хара имгакәа, аҿар, уи анагӡара иалагеит. Агәыҧ ахьӡ, алого, асоциалтә аҳаҿы аклуб адаҟьа аҧҵара уҳәа, - абарҭ азҵаарақәа зегьы рхала ирыӡбеит.

Аҧхьарҭашҟа иаҳа ирацәаны аҿар адзыҧхьалашаз ауснагӡатәқәа рхәыцит. Абиблиотека ацхыраарала иакымкәа аиҧыларақәа мҩаҧыргеит - ашәҟәы иазкыз асоциалтә акциақәа, азеиҧш аҧхьара амшқәа, абиблиотекатә лагерқәа, ашәҟәқәа рышьаҭала иҭыху афильмқәа рырбара. Аҿар ишырҳәо ала, абри зегьы алҵшәа ахылҵхьеит:

"Аҿар рҧсихологиа ҭҵааны, убри инақәыршәаны, иҟаҳҵашаз ҳаӡбар ҳҭахын. Убри азоуп иформалым ақәыҧшылара - афильм арбара зеиҿаҳкааз. Алагер аиҿкаара аидеиагьы дара рҧсихологиа аҭҵаара абзоурала иҳазцәырҵит.

"Барбекиу атур" еиҿаҳкааит, уи иазҿлымҳахаз аҿар рацәоуп. Убри ашьҭахь ашәҟәаҧхьара иалагеит", - иҳалҳәеит Ҭико Лагвилава.

Агәыҧ ахьӡ B612 афранцыз ашәҟәыҩҩы Антуан де Сент- Екзиупери иновелла "Апринц хәыҷы" афырхаҵа "ицәырҕьычит".

Аҿар ишырҳәаз ала, B612 – жәыргьыҭтәи аҿар рзы, агәазыҳәара змоу, аҧышәа заур зҭаху, азҵаарақәа иқәзыргыло, нас, урҭ аҭак рыҭара зҽазызкуа аҿар рзы, иҵабыргны, апланета ҿыцуп.

"Акыраамҭа ҳхәыцуан, нас, иаалырҟьаны, зегьы раасҭа бзиа избо ашәҟәы "Апринц хәыҷы" аҟынтә апланета B612 сгәалашәеит, апринц хәыҷы имацара дахьыҟаз, абгахәыҷи агәили, еихсыҕьыз авулкани ада уаҳа акгьы ахьыҟамыз апланета. Ҳаргьы абри аҩыза апланета ҳаиҧшуп. Апринц хәыҷы ахьӡ ицәаҳҕьычын, B612 ахьӡаҳҵеит, уаҟа ашәҟәқәа ҳамоуп, ҳгәаанагарақәа еибаҳҳәоит", - илҳәеит 16 шықәса зхыҵуа Ҭико Нарманиа.

Аҵыхәтәантәи аамҭазы аклуб алахәылацәа еиҿыркааз аиҧыларақәа руакы "Ҵхыбжьон абиблиотекаҿы уаанха" имҩаҧган Цаишьи ақыҭан, Иона Меунаргиа иҩны-музеи ақыҭатә библиотекеи агәараҿы.

Аҿар амшьамбақьалақәа дыргылеит, ашәҟәқәа рыман, ахәылҧазы Амилаҭтә библиотека агенералтә директор Гьаргь Кекелиӡеи иара ихаҭыҧуаҩ Мириан Хоситашвилии ашәҟәаҧхьара иазкны алекциа мҩаҧыргеит.

Аҿар Амимлаҭтә библиотека аҟынтә ашәҟәқәа ҳамҭас ироуит.

"Апланета B612" алахәылацәа еиуеиҧшым ахҭысқәеи аиҭакрақәеи ирышьҭоу аҿар зегьы ааҧхьара рырҭоит. Абраҟа дара Жәыргьыҭ ирыгу зегьы хадырҭәаар рҭахуп.
Print E-mail
Twitter
Ари aмaтериaлқәa
40 шықәса зхыҵуа Иракли Аҧсны дынхоит. Ҩышықәса ҵуеит
18:07 / 21.09.2021
40 шықәса зхыҵуа Иракли Аҧсны дынхоит. Ҩышықәса ҵуеит "метадон" аҧсахратә терапиа апрограмма ихы иаирхәоижьҭеи.
Амилаҭ-демократиатә институт NDI имҩаҧнагаз аҭҵаарақәа
инрықәыршәаны,
18:03 / 21.09.2021
Амилаҭ-демократиатә институт NDI имҩаҧнагаз аҭҵаарақәа инрықәыршәаны,
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
19:48 / 25.05.2021
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
Апандемиа амшала атуристтә бизнес знапы алаку ауааҧсыра зегьы
азарал ду анрымоу,
17:10 / 25.05.2021
Апандемиа амшала атуристтә бизнес знапы алаку ауааҧсыра зегьы азарал ду анрымоу,
Акоронавирус

Асоветтә репрессиақәа
Ажәaбжь ҿыцқәa
Қырҭтәыла аҧыза-министр Иракли Ҕарибашвили,
2020 шықәсазы арҵаҩы имилаҭтә ҳамҭа лоуит
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала