Ауaaжәлaррa
Аинфекциа аҿкаара аганахьала апациентцәа изҭагыло ашәарҭара ду - араанқәа „Метадон апрограмма“ асервисцентр аҿы
FaceBook Twitter
E-mail Print
40 шықәса зхыҵуа Иракли Аҧсны дынхоит. Ҩышықәса ҵуеит "метадон" аҧсахратә терапиа апрограмма ихы иаирхәоижьҭеи. Иара ихәҭоу адоза иоурц азыҳәан, импыҵахалоу Аҧснынтә есымша жәыргьыҭтәи асервисцентр ахь даауан, аха, аепидҭагылазаашьа аицәахара амшала, шьҭахьҟа дзыхынҳәуам, абульвар аҿы дыцәоуп.

Ишиҳәо ала, ахәшә иоурц азыҳәан, араан ду дықәгылароуп, убри аҟынтә, авирус ихьны иҭаацәара ирызнеигар ҳәа дшәоит.

"Аҧшаҩнарсрак ахьыҟам ауада хәыҷык аҿы ҳазынтәгьы ҳаивагылоуп, аӡәгьы араан дахәаҧшуам, еигәҭасуеит. Абри апрограмма иалахәы рҟынтәи аҵыхәтәантәи амшқәа рзы 5ҩык авирус ҿыркааит. Насгьы, зегьы иреицәоу – ишчмазаҩугьы абрахь иаауеит. Аҩныҟа ахәшә рызнаргар ауеит, аха, ари апрограмма рхы ишадырхәо рҭаацәа ирзымдыруазар ҟалап, убри аҟынтә, абрахь иааны, егьырҭ ауааҧсырагьы авирус ддырхьоит. Уажәы, атәылаҿы абас аҭагылазаашьа аныцәгьоу, абри аганахьала акгьы зыҟарымҵои, сара Жәыргьыҭгьы ауацәа сымоуп, аха, исыргәамҵыр сҭахым, есымша ацара-аара сцәыуадаҩуп, абра, адәахьы саанхар еиҕьасшьоит. Уаҩыс урҧхьаӡом, абри ауп зегьы раасҭа сгәы иалоу", - иҳәеит Иракли.

Иара иеиҧшҵәҟьа, ҵхыбжьон абульвар аҿы дыцәоуп Шәантәыла, Местиа инхо апациентгьы, иаргьы ихәыҷқәа авирус рызнеигар ҳәа дшәоит.

"Абри ахәшә зжәырцаз есымша 260 километр сахысны, шьҭахьҟа, аҩныҟа схынҳәыроуп, автобус иныҟәаӡом, есымша атакси ахә абаазго, ахәыҷқәеи амаҭацәеи сымоуп, авирус рызназгар сҭахым. Мышқәак ҵуеит абра, абульвар аҿы сыцәоуп. 5ҩык иреиҳаны ҭыҧк аҿы игылазар ҟалом ҳәа рҳәеит, аха, акорридор аҿы 1000ҩык раҟара ҳгылоуп, иҳамаркуа сыздыруам ", - иҳәеит апациент.

Жәыргьыҭтәи анаркологиатә центр адиректор ихаҭыҧуаҩ Ната Абулаӡе ишылҳәаз ала, апациентцәа аҩныҟа ахәшә рызнагара азҵаара аҭыҧантәи асервисцентр аҿы ирзыӡбом, ари азҵаара иахәаҧшроуп Агәабзиарахьчара аминистрраҿы.

Лара лажәақәа рыла, апандемиа ианалага, аметадон 5 мштәи адоза аҩныҟа рыҭара азин рыман, аха, нас, аминистрраҿы ари аӡбара рыҧсахит.

"Ишыздыруа ала, хықәкыда ахархәара афактқәа аарҧшын, убри аҟынтә, аӡбара аҧыхын. Уажәааны иҳарҳәеит асиақәа ҳашәҭ ҳәа, аха, макьана аҭагылазаашьа ишыҟац иҟоуп", - илҳәеит Ната Абулаӡе.

Аҧсахратә программа апациентцәа аметадон 5мштәи адоза аҩныҟа рыҭара иазкны Агәабзиарахьчара аминистрраҿы ҵыҧх, хәажәкыразы аӡбара рыдыркылеит. Адҵа ишаныз ала, абарҭ аиҭакрақәа апандемиа аан авирус аларҵәара аҽацәыхьчара ауп хықәкыс ирымоу, аха, цәыббразы зыӡбахәы ҳәоу аӡбара аҧыхын. Рашәаранӡа иҟаз аӡбара жьҭаара инаркны еиҭашьақәдыргылеит.
Атәылаҿы аепидҭагылазаашьа абас ианыцәгьоу аамҭазы, апациентцәа аҩныҟа аметадон рыҭара иазкыз аӡбара заҧырырхеи ҳәа ҳанҵаа, аминистр ишылҳәаз ала, апрограмма ахылаҧшра аганахьала апроблемақәа иҟоуп.

"Абри азҵаара иадҳәаланы аӡәызаҵәык аӡбара изидикылом, ари апроблема алацәажәара ҳаҿуп. 5 мштәи адоза аҩныҟа рыҭара иазкны изныкымкәа аӡбарақәа ҳадаҳкылахьеит, аха, нас, апрограмма ахылаҧшра аганахьала азҵаарақәа цәырҵит. Убри азоуп апрограмма ҧасатәи арежим ашҟа издырхынҳәыз, апрепарат есымша ирырҭоит. Абри азҵаара алацәажәареи ацклаҧшреи нагӡатәуп, агхақәа зегьы аарҧшны иҧыхтәуп, уи аҵакы ду амоуп, анеҩс, апрограмма ахархәара аганахьала шәарҭак аныҟамлалак, иашьашәалоу аӡбара ҳадаҳкылоит", - илҳәеит аминистр.

Апациентцәа аметадон 5мштәи адоза аҩныҟа рыҭара иазкыз аӡбара аҧыхра ииашамызт ҳәа иҧхьаӡоит Қырҭтәылатәи аҳа адиректор Каха Квашилава.

"Атәылаҿы аепидемиологиатә ганахьаала ашәарҭара ду аныҟоу, аминистр илыдылкылаз аӡбара ииашам ҳәа сгәы иаанагоит. Асервисцентр аҿы шьыжь инаркны ауаа рацәа ираан иқәгылоуп. Ахәшә аҩныҟа ирырҭозаргьы, ҳәарада, зынӡаск ашәарҭара ҟалом ҳәа ҳзыҳәом, аха, аҭагылазаашьа хәыҷык еиҕьхоит. Араан ахылаҧшра ҳзымариахоит, ауаа ирыхәҭоу ахәшә роурц азыҳәан ианаамҭоу инеиуеит.

Дара аметадон рҭиуеит ҳәа агәаанагара иҟоуп, аха, уажәгьы абри аҩызаҵәҟьа ашәарҭара иҟоуп, азакәанеилагара аконкреттә фактқәа ҟалар, Аҩнуҵҟатәи аусқәа рминистрра ари аус аҽалагалара азин амоуп ҳәа сгәы иаанагоит. Намыс змам ахархәаҩцәа иҟазар ҟалап, аха, урҭ рымшала егьырҭ ауааҧсыра рзинқәа еилагатәума", - иҳәеит аексперт.

Иара иажәақәа рыла, егьырҭ аекспертцәа дрыдгыланы, иара изныкымкәа Агәабзиарахьчара аминистрра дадҵаалахьеит апандемиа аан апациентцәа аҩныҟа ахәшә ргаратәы азин рырҭарц, аха, ари азҵаара макьана иӡбам.

"Аӡбара адкылара апроцесс идыргәагәоит, абиурократиатә машьына ибзианы аус ауеит, ҳара ҧасагьы уажәгьы аминистррахь аҳәара ҟаҳҵахьеит, изныкымкәа ираҳҳәахьеит апандемиа аан, атәыла анарку аамҭазы, аметадон апрограмма асервисцентр аҿы араан ду аҟазаара ииашам ҳәа", - иҳәеит Каха Квашилава.

Аҧсахратә терапиа апрограмма аҳәаақәа ирҭагӡаны, жәыргьыҭтәи асервисцентр ашҟа есымша инеиуеит 800ҩык раҟара апациентцәа.

Print E-mail
Twitter
Ари aмaтериaлқәa
Амилаҭ-демократиатә институт NDI имҩаҧнагаз аҭҵаарақәа
инрықәыршәаны,
18:03 / 21.09.2021
Амилаҭ-демократиатә институт NDI имҩаҧнагаз аҭҵаарақәа инрықәыршәаны,
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы
иуоуам,
22:14 / 24.07.2021
Ашәҟәы анашанатә мчы амоуп, уи иаҳнаҭо ахырҳагара уаҳа џьаргьы иуоуам,
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
19:48 / 25.05.2021
Аҧсны, Гал араион иаҵанакәа Пирвели Отобаиа ақыҭаҿ, ауҭраҵыҵындра
Апандемиа амшала атуристтә бизнес знапы алаку ауааҧсыра зегьы
азарал ду анрымоу,
17:10 / 25.05.2021
Апандемиа амшала атуристтә бизнес знапы алаку ауааҧсыра зегьы азарал ду анрымоу,
Акоронавирус

Асоветтә репрессиақәа
Ажәaбжь ҿыцқәa
Қырҭтәыла аҧыза-министр Иракли Ҕарибашвили,
2020 шықәсазы арҵаҩы имилаҭтә ҳамҭа лоуит
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала