Акоронавирус
Асимптомқәа змам апациентцәа акоронавирус аладырҵәо аладмырҵәо
FaceBook Twitter
E-mail Print
Акоронавирус ахкҿыц апандемиа ианалага инаркны иахьанӡагьы, аҵарауаа аҭак ззыҟарымҵо азҵаарақәа рацәоуп. Абарҭ азҵаарақәа иреиуп асимптомқәа змам апациентцәеи урҭ рҟынтә авирус аларҵәара ашәарҭареи. Аинфекционист Алеқсандр Гогинава "Лаивпресс" акорреспондент ишлеиҳәаз ала, ари азҵаара иадҳәаланы аҭҵаарақәа мҩаҧгоуп. Аҭҵаарақәа инрықәыршәаны, зынӡаскгьы асимптомқәа змам апациентцәа маҷуп. Дара авирус аларҵәара аганахьала усҟак ишәарҭам. Аха, аимҳәара, ахәдахьаа уҳәа, авирус азы иҟазшьарбагоу асимптомқәа змоу атәылауаа иҟоуп, дара абарҭ асимптомқәа усҟак рыхшыҩ рзыршьҭуам.

Аинфекционист ишиҳәаз ала, зыӡбахәы ҳәоу ауааҧсыра, ачымазара аформа хьанҭа змоу апациентцәа иреиҧшымкәа, авирус аларҵәара аганахьала шәарҭам. Иара иажәақәа рыла, џьоукы асимптомқәа ҳамам ҳәа рҳәоит, аха, цқьа уразҵаар, дара рҟнгьы симптомқәак ааурҧшуеит.

Абарҭ апациентцәа авирус аларҵәара аганахьала усҟак изшәарҭами?

"Асимптомқәа зцәырҵуеи? Избанзар аҧынҵахәлымшәаҿы авирус арепликациеи аларҵәареи иалагоит, убри ашьҭахь ауаҩы ихәда ихьуа иалагоит, аимҳәара далагоит. Авирус аларҵәара иаламгар, авирус ахаҭа рацәамзар, ауаҩы асимптомқәа изцәырҵуам. Убри аҟынтә, асимптомқәа змам ауаҩы авирус ихылҵуам. Иара авирус аларҵәара аганахьала усҟак дшәарҭам ҳәа иҧхьаӡоуп", - иҳаиҳәеит Алеқсандр Гогинава.

Аинфекционист ишиҳәаз ала, бжеиҳарала, аҿари ахәыҷқәеи роуп асимптомқәа змам. Аха, ахәыҷқәа рҿы иаҳа аилкаара уадаҩуп ахәыҷы иҵабыргны ассимпотқәа имоу имаму. Лымкаала, Алеқсандр Гогинава ишиҳәаз ала, ахәыҷы симптомқәакгьы имазар ауеит, аха, дахьыхәыҷу амшала урҭ раарҧшра илшом.

Алеқсандр Гогинава - афото: Ани Цхадаӡе

Апациент асимпотомқәа имамзар, акоронавирус ҧырхагак изааннажьуама ҳәа ҳаниазҵаа, аинфекционист ишиҳәаз ала, ас еиҧш иҟоу апациент ҧырхага иоуам, аха игәабзиара ҧырхагак аиур, иара асимптомқәа имам ҳәа дзыҧхьаӡахом.

Апациент асимптомқәа зимами, уи изхьыҧшуи ҳәа азҵааразы Алеқсандр Гогинава иҟаиҵаз аҭак инақәыршәаны, ари азҵаара макьана аҵыхәанӡа иҭҵаам.

"Ауаҩы ииммунитети, иара убас, ицәеижь шаҟа авирус алалаз ауп изхьыҧшу. Араҟа иҵегьы имаҷымкәа афакторқәа иҟоуп, аҵарауаа ари азҵааразы макьана аҭак рзыҟаҵом", - иҳаиҳәеит аинфекционист.

Ачымазарақәа рхылаҧшреи ауаажәларратә гәабзиареи амилаҭтә центр адиректор ихаҭыҧуаҩ Паата Имнаӡе иҳәамҭала, апациент асимптомқәа имазар, уи авирус аларҵәара аганахьала иаҳа дшәарҭоуп, имамзар - усҟак дшәарҭам:
"Авирус аларҵәара ҳаналацәажәо, иаадыруазароуп, ауаҩы асимптомқәа имазар, авирус аларҵәара аганахьала даараӡа дшәарҭоуп. Иара асимптомқәа изцәырҵаанӡа, ҩымш раҧхьагьы авирус алаирҵәар илшоит. Асимптомқәа змам апациентцәа ари аганахьала усҟак ишәарҭам, аха, даргьы иҿкуп".

Агәабзиарахьчара адунеизегьтәи аиҿкаараҿы ишырҳәо ала, акоронавирус ахкҿыц ала ичмазаҩу, аха, асимптомқәа змам апациентцәа, шамахамзар, авирус аладырҵәом.

Аиҿкаара ахаҭарнак Мариа ван Керхове лҳәамҭала, аханатә, агәабзиарахьчара аспециалистцәа, асимптомқәа змам апациентцәа ирласӡаны авирус аладырҵәоит ҳәа ргәы иаанагон, аха, иахьа ргәы ишаанаго ала, ас еиҧш иҟоу апациентцәа згәы бзиоу атәылауаа ҧырхагак рзааргом.

"Уажәазы иҳамоу аинформациа инақәыршәаны, асимптомқәа змам апациент, шамахамзар,авирус алаирҵәом. Аимадарақәа зегьы шьаҭанкыла иҭызҵаауа атәылақәа рҟны акоммуникациа ҳамоуп, даргьы асимптомқәа змам апациент иҟынтә авирус ҿызкааз аӡәгьы дрымбеит", - иҳәеит иара.
Print E-mail
Twitter
Ари aмaтериaлқәa
Covid-19 аҿагылара аан, егьырҭ авирусқәа рыҿагылара аан еиҧшҵәҟьа,
11:13 / 23.11.2020
Covid-19 аҿагылара аан, егьырҭ авирусқәа рыҿагылара аан еиҧшҵәҟьа,
ზუგდიდის მაცხოვრის კარის ეკლესია, 1924 წელს საბჭოთა ოკუპაციის
წინააღმდეგ
14:50 / 24.02.2020
ზუგდიდის მაცხოვრის კარის ეკლესია, 1924 წელს საბჭოთა ოკუპაციის წინააღმდეგ
ზუგდიდელი სოციალ-დემოკრატი კონდრატე შამათავა,
16:12 / 28.01.2020
ზუგდიდელი სოციალ-დემოკრატი კონდრატე შამათავა,
ოკუპირებული გალის რაიონის სოფელ ოტობაიაში დაბადებული ბოკო ბელქანია
10:40 / 25.01.2020
ოკუპირებული გალის რაიონის სოფელ ოტობაიაში დაბადებული ბოკო ბელქანია
Акоронавирус

Асоветтә репрессиақәа
Ажәaбжь ҿыцқәa
Қырҭтәыла аҧыза-министр Иракли Ҕарибашвили,
2020 шықәсазы арҵаҩы имилаҭтә ҳамҭа лоуит
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала