Асоветтә репрессиақәа
«Ачарҳәаразы» иршьыз аколнхара ахантәаҩы [авидео]
FaceBook Twitter
E-mail Print
Асоветтә режим ахаҭарнакцәа Ахали Абастумани инхоз Шьалуа Наҷҟебиа данааныркыла, иара 26 шықәса ихыҵуан. 1937 шықәазы „аҧсадгьыл аҧсахразы“ ашьра иқәырҵеит.

Аха, ахаҵа қәыҧш абри ақәҵара рыдыркылаанӡагьы иҧсҭазаара мариамызт. Дшысабиаз диеҭымхеит. Аҧсны, Очамчыратәи араион аҿы инхоз, иқәыҧшыз хаҵеи-ҧҳәыси Жәыргьыҭтәи амуниципалитет Ахали Абастумани ақыҭантә даарган, драаӡеит. Иара дшыхәыҷыз иани иаби иҧсит. Иаб иашьа диааӡон, аханатәгьы аусуреи аҵареи даиршьцылеит.

Ауадаҩрақәа шырацәазгьы, игәырҵҟәыл ду абзоурала, аҵара бзиа иоуит. 19 шықәса анихыҵуаз, Жәыргьыҭтәи амуниципалитет Рухи ақыҭаҿ инхоз Жижино Ҧациа ҧҳәысс дигеит.

26 шықәса анихыҵуаз, Шьалуа Наҷҟебиа аколнхара хантәаҩыс дҟарҵахьан. Ашәҟәқәа дрыҧхьон, аха, уи адагьы, ақыҭатә газеҭ аҿы астатиақәа иҩуан. Убасҟан ауп иара ицклаҧшра ианалагаз.

„Дхаҵа бзиан ҳәа зегьы ирҳәоит. Апартиатә школ дшалгахьаз здыруеит, усҟан абри аҩыза аҵара ду змаз маҷын. Иқыҭа иазкны агазеҭ аҿы иҩуан, усҟан абри аҩыза аҵара бзиа ахьиоуз, абри аҟара иахьидыруаз уамашәа избоит. Аџьықәреи лаҵатәуп ҳәа агазеҭ ианиҵон, аихьӡрақәа змаз ақыҭауаа ирызкны иҩуан“, - иаҳзеиҭалҳәеит Шьалуа имаҭа Магули Наҷҟебиа.

Аколнхара ахантәаҩы дызхааныркылаз амзызҵәҟьа аӡәгьы издырӡом, аха иара иҧҳәыс Жижино Ҧациа Наҷҟебиаа ирзеиҭалҳәаз аҭоурых аҟынтә ишеилкаахаз ала, аҵара бзиеи ақәҿиара дуқәеи змаз ахаҵа қәыҧш иҵашьыцуаз ауаа иҟан.

Шьалуа Наҷҟебиа имаҭа ишылҳәаз ала, ҧыҭҩык ақыҭауаа лабду иҿагылеит, Шьалуа Наҷҟебиа Ахали Абастумани аколнхара азарал азааигеит ҳәа изашшуан, ачаи илаиҵан, иазымҳаит ҳәа рҳәеит.

Уи адагьы, даараӡа изааигәаз иҩыза агәакьа Шьалуа Наҷҟебиа „аҧсадгьыл иҧсахит“ ҳәа ауаа ирылаиҵеит....

Аколнхара ахантәаҩы ашәарҭа дышҭагылаз еиликаауан, аха иара ихаҭагьы дбольшевикын, акгьы шихарамыз ашьақәырҕәҕәара шилшо агәра игон. Аха, уи изыҟамҵеит. Аҩнуҵҟатәи аусқәа аҳәынҭқарратә комиссариат (НКВД) аҿы иҟаз ахҩык ирыдыркылаз аӡбарагьы иазхон Шьалуа Наҷҟебиа ашьра иқәҵаразы.

„Сабду даныргоз аухаз санду илеиҳәеит, бымшәан, Сталин ишҟа сцоит ҳәа. Сара схала сцаны сышиашоу шьақәсырҕәҕәоит ҳәа. Мышқәак ақыҭаҿ дыҟамызт, нас, данааи ираҳазаарын, изааит. Урҭ ҳгәылагьы дрыцын. Аполициагьы ишьҭагыланы иаауазаарын, санду лызҿиҭит - Шьалуа абра дшыҟоу здыруеит, сшааз иаҳәаны биҧхьа ҳәа. Аха аполициа шицыз имҳәеит. Санду ашә аалыртит. Иаразнак даанкыланы дыргеит. Ҵхыбжьон ауп абри зегьы ианыҟалаз“, - илгәалашәоит Магули Наҷҟебиа ланду лҟынтәи илаҳаз ахҭыс.

Шьалуа Наҷҟебиа иаанкылара далахәын иқыҭаҿ инхоз абухгалтергьы. Аҭаацәара ари атәы анеилыркаа, уамашәа ирбеит. Жижино Ҧациа лоуп зегьы реиҳа игәааз, Шьалуа иҧҳәыс қәыҧш аҧшьбатәи ахылҵ изы лцәалтәымкәа дыҟан.

„Адәахьы иандәылҵ, санду ани ахаҵа ахаҳә ду игәыдылҵеит. Уара абри аҩыза шҧаҟауҵеи ҳәа. Ари ахаҵа сабду иҟны бухгалтерс аус иуазаарын. Араатәи игәыла иакәын, абраҟа ари ахҭыс зегьы ирдыруеит. Усҟан азакәан излаҟаз ала, хҩык рнапы аҵарҩуан. Хҩык роуп сабду иразҟы зыӡбаз. Рыхҩыкгьы игәылацәа ракәын“, - илҳәеит Магули Наҷҟебиа.

Шьалуа Наҷҟебиа данырга ашьҭахь, хара имгакәа, аҧшьбатәи рхылҵ диит. Қарҭ абахҭа иҭакыз ахаҵа адырра ирҭеит, уи иара иҭаацәара рҟынтә иоуз аҵыхәтәантәи адырра акәын.

„Саб абҵара 7 рзы диит. Абахҭа иҭакыз абду уи аниаҳа, Игор ихьӡашәҵа ҳәа ааицҳаит. Убри азоуп саб Игор зихьӡу“, - иаҳзеиҭалҳәеит Магули Наҷҟебиа.

Абҵаразы иааныркылаз Шьалуа Наҷҟебиа ҧхынҷкәын 31 рзы, „аҧсадгьыл аҧсахра“ ихараҵаны, игәыдҵаны дыршьит. Иҭаацәара уи рыздырӡомызт.

Ҧшьҩык ахәыҷқәа ран лымацара даанхеит. Жижино Ҧациа лхаҵа дхыргеит, знымзар зны дхынҳәуеит ҳәа агәра ганы дыҟан.

Магули Наҷҟебиа лҳәамҭала, ланду, лассы-лассы дгыланы, аҧенџьыр ашҟа днеины, адәахьыҟа дыҧшуан, аӡәы диасны данцоз, лхаҵа иакәызшәа лгәы иабон. Лхаҵа иҧеиҧшхаз лзымдыруа ауп лыҧсҭазаара дшалҵыз. Шьалуа Наҷҟебиа ихылҵ руаӡәы иоуп аиаша еилызкааз, ауниверситет данҭаз Аҩнуҵҟатәи аусқәа рминистрра дадҵаалан, аматериалқәа ирҭеит.

Шьалуа Наҷҟебиа ҧшьҩык ихылҵ рҟынтәи иахьа аӡәы иоуп зыҧсы ҭоу, Игор Наҷҟебиа. Аиарҭа иагәылаиоу ачымазаҩ ацәажәара ицәыуадаҩуп, аха ахаан иимбац иаб данихцәажәоз, илаҕырӡ ааит: „Аколнхара хантәаҩыс дыҟан, иакәым ак изыҟарҵеит, дхаҵа бзиан ҳәа рҳәоит...“, - иҳәеит 82 шықәса зхыҵуа Игор Наҷҟебиа.

Print E-mail
Twitter
Ари aмaтериaлқәa
„Абас ауп с-Дуда аусқәа шыҟоу, сбыкәахшоуп, бҭагылазаашьа шыцәгьоу
здыруеит,
12:52 / 30.11.2020
„Абас ауп с-Дуда аусқәа шыҟоу, сбыкәахшоуп, бҭагылазаашьа шыцәгьоу здыруеит,
Иаб данхырга ҧшьышықәса ихыҵуан. 25 шықәса дизыҧшын.
18:08 / 13.11.2020
Иаб данхырга ҧшьышықәса ихыҵуан. 25 шықәса дизыҧшын.
1951 шықәса ҧхынҷкәын азы Аҧсны, Набакеви ақыҭаҿ инхоз Ехваиаа
ирарҳәеит 
14:08 / 25.09.2020
1951 шықәса ҧхынҷкәын азы Аҧсны, Набакеви ақыҭаҿ инхоз Ехваиаа ирарҳәеит 
В селе Ахути Чхороцкуйского муниципалитета, «утопая» в зелени,
09:18 / 13.06.2020
В селе Ахути Чхороцкуйского муниципалитета, «утопая» в зелени,
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала