Асоветтә репрессиақәа
Абаандаҩы иҭаацәа асҧычкаҭра хәыҷы ала асоветтә лагер аҟынтә ироуз ашәҟәы
FaceBook Twitter
E-mail Print
Иҳаҩсыз ашәышықәса 30-тәи ашықәсқәа рзы, Хоби араион иаҵанакәа Шуа Хорга ақыҭаҿ инхоз аҧҳәыс, ҧшьҩык лхәыҷқәа ирфаша рымазаарц азыҳәан, лыҩны аҧхьа адгьыл лрашәон. Акоммунистцәа лыҧшәма Сибраҟа дхыргеит.

Иаалырҟьаны, бжьык лаҳаит - „Арахь бсыхәамҧшын“, анеҩс, аӡәы лгәарашҟа асҧычкаҭра хәыҷы иршәны, дыбналеит. Асҧычкаҭра иҭан Сибратәи аконцентрациатә лагер аҟынтә лыҧшәма илзааишьҭыз ашәҟәы.

„Есыуаха жәаҩыла ауаа акамера идәылганы иргоит, аха, шьҭахьҟа аӡәгьы дыхнымҳәыцт, ахысбжьы ҳаҳауеит, хара имгакәа саргьы сыргар ҟалап, - иҩуан иара, ахәыҷқәа иҧҳәыс лнапы ианиҵон, бшырхылаҧшша бдыруеит ҳәа. Ашәҟәы лҵәахыр лҭахын, аха, уи шәарҭан, убри аҟынтә, ҳанду иҟаӡамзшәа иқәылхит“, - иаҳзеиҭеиҳәеит арепрессиа иалаӡыз имаҭа аб Иакоб Сурмава.

Иара иабду, аменьшевикцәа реиҳабыра аофицар, Галактион Сурмава, 1924 шықәсазы антисоветтә ақәгылара далахәын. Ҩынтә дхыргеит, аҩынтәраан, Сибрантә дыхнымҳәит. Имаҭа ишиҳәо ала, асҧычкаҭра иҭаз ашәҟәы ада, иҭаацәара иара иҟынтә уаҳа изакәызаалак жәабжьк рмоуит.

„Раҧхьаӡа акәны 1935 шықәсазы дхыргеит, аха, 1937 шықәса алагамҭазы дхынҳәит, анеҩс, ари ашықәс анҵәамҭазы деиҭааныркылан, Тиуменҟа дхыргеит. Рыцҳарас иҟалаз, уаҟа шаҟа аамҭа ихигаз, шаҟа шықәса иҧсы ҭаз ҳаздырӡом. Акызаҵәык ауп иаадыруа, аҩынтәраан данааныркылоз, 3ҩык еизан, изакәызаалак шьаҭак зҵамыз, гаӡарак иҳарадырҵеит, иара аиҳабыра ишакәым ала дрыхцәажәазшәа. Анеҩс, аҭҵааҩы Гогита Читаиа иҟынтә ишеилыскааз ала, 1924 шықәсатәи ақәгылара аан, еицеибашьуаҩ иҩызцәа Палиастомтәи абнаҿ иахьтәаз, иаргьы уаҟа дрыцын, уигьы дызхааныркылаз амзызқәа иреиун“.

Иҭаацәара уаанӡагьы арепрессиақәа рыдкьыслахьан, избанзар иара апап ихылҵ иакәын. Асоветтә ампыҵахалара ашьҭахь апапи идикәани ауахәаматә маҭәарқәа аиашьықь иҭаҵаны, анышә иарҭеит. 1924 шықәсазы дыҧсит, амаҭәарқәа зегьы анышә аҵаҟа иаанхеит.

Акоммунистцәа ари аҭаацәара изныкымкәа рмал рымырхит. „Ажәлар раҕацәа“ ҳәа аӡәгьы рааигәара днеиӡомызт, аха, арыцҳара ианҭагылаз арыцхрааз ауаагьы иҟоуп.

„Ақыҭаҿы аӡәгьы рааигәара днеиӡомызт, аха, уезгьы, зымацара зхәыҷқәа зааӡоз аҧҳәыс илыцхраауазгьы иҟан. Зны, санду мҿык аазгап ҳәа, ааигәа иҟаз абнашҟа дцеит, усҟан аҵла аҧҟара ҟаломызт, аха, абна ахьчаҩ абжьы иаҳан, аҧҳәыс даниба, днеины длыцхрааит“.

Апап Иакоб Сурмава иабду изкны иидыруа ахьмаҷу игәы иалоуп, аҭҵааҩцәа акоммунистцәа ррепрессиақәа ирылаӡыз ауаа рҭоурыхқәа рыҧшаап ҳәа дгәыҕуеит, игыло аҿар ампыҵахалара иаҿагыланы иқәҧоз ауаа рдыруазарцаз.
Print E-mail
Twitter
Ари aмaтериaлқәa
„Абас ауп с-Дуда аусқәа шыҟоу, сбыкәахшоуп, бҭагылазаашьа шыцәгьоу
здыруеит,
12:52 / 30.11.2020
„Абас ауп с-Дуда аусқәа шыҟоу, сбыкәахшоуп, бҭагылазаашьа шыцәгьоу здыруеит,
Иаб данхырга ҧшьышықәса ихыҵуан. 25 шықәса дизыҧшын.
18:08 / 13.11.2020
Иаб данхырга ҧшьышықәса ихыҵуан. 25 шықәса дизыҧшын.
1951 шықәса ҧхынҷкәын азы Аҧсны, Набакеви ақыҭаҿ инхоз Ехваиаа
ирарҳәеит 
14:08 / 25.09.2020
1951 шықәса ҧхынҷкәын азы Аҧсны, Набакеви ақыҭаҿ инхоз Ехваиаа ирарҳәеит 
В селе Ахути Чхороцкуйского муниципалитета, «утопая» в зелени,
09:18 / 13.06.2020
В селе Ахути Чхороцкуйского муниципалитета, «утопая» в зелени,
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала