Ауaaжәлaррa
Асоветтә лагерқәа рҿы 17 шықәса зхызгаз, Чхороҵҟу ииз раҧхьатәи аҵарауаҩ ҧҳәыс
FaceBook Twitter
E-mail Print
Ҷхороҵҟу араион иаҵанакәа Ахуҭи ақыҭаҿы аиаҵәара иҭалаҳаны игылоуп ҩышә шықәса раҟара зхыҵуа агыруа ода. Аҩны иаркуп, аха, агәылацәа ари аҩни агәареи иахылаҧшуеит, аҩны аҧхьаӡатәи аҧшәма Антон Папаскири ихаан ишыҟаз еиҧш иаанхар рҭахуп. Уажәы ари ода Антон Папаскири иуа итәуп.

Папаскириаа алагала ду ҟарҵеит ақыҭеи, инеизакны арегиони рҿы аҵара аларҵәара аус аҿы. Антон Папаскири ақыҭаҿы ашкол ишьаҭеиркит, Иакоб Гогебашвили иҩыза гәакьа иакәын. 1898 шықәса лаҵара 3 рзы Антон Папаскири агазеҭ «Ивериа» аҿы иҩит Иакоб Гогебашвили Ахуҭтәи ашкол 30 цыра арҵагашҟәқәа ҳамҭас ишеиҭаз. Апап иҧҳа Лидиа раҧхьатәи ақырҭуа ҧҳәысын аҭҵаарадырратә аҩаӡара зауз, аекономикатә ҵарадыррақәа рдоктор лакәын.

Лидиа 1898 шықәсазы диит, лаб ишьаҭеиркыз ашкол аҿы аҵара лҵон. Ҩ-класск змаз аҵараиурҭа даналга ашьҭахь, зны Хониҟа диаргеит, анеҩс, Қәҭешьтәи аепархиатә ҵараиурҭаҿы аҵара налыгӡеит.

Иуане Џьавахьишвили ихьӡ зху ауниверситет анаадыртыҵәҟьа, абри иреиҳаӡоу аҵараиурҭа дҭалеит. Аекономикатә факультет дҭан. Уаҟа, егьырҭ иалкаау астудентцәа рыгәҭа, аҵара анагӡаразы аҳәаанырцәҟьа лдәықәҵара рыӡбеит. 1919 шықәсазы „Сақарҭвелос республика“ аҿы ианын ихьыҧшым Қырҭтәыла аиҳабыра иреиҳаӡоу аҵара ҷыда аиуразы Европаҟа ицараны иҟоу астудентцәа рсиа еиқәдыршәеит ҳәа. Инеизакны 121ҩык астудентцәа арзаҳалқәа аларҵеит, урҭ рҟынтәи 14ҩык мацара алырхит, урҭ рдеиун Лидиа Папаскиригьы.

Лара лыҧсҭазаареи лырҿиамҭеи иазку адыррақәа лыҧшааит Чхороҵҟутәи амузеи адиректор Наира Циминтиа. Амузеи аҿы ишьҭоуп Лидиа лбиографиагьы. Уаҟа ишану ала, раҧхьатәи аҵарауаҩ ҧҳәыс абольшевикцәа дкыдцаланы дрыман.

„1937 шықәса нанҳәа 12 рзы, сыҧсы сшьоит ҳәа сқыҭашҟа саннеи, сбаандаҩыртәит, араионтә аҩнуҵҟатәи комитет аҿы мызкы сҭакны срыман. Нас, срыҳәан, Қарҭтәи аҩнуҵҟатәи комитет ашҟа сиаргеит, анеҩс, бжьымз рышьҭахь, аҩадатәи Уралҟа сдәықәырҵеит жәашықәса аҭакра сықәҵаны.

1947 шықәсазы, жәашықәса анысхызга ашьҭахь, соурыжьҭын, Ахуҭи ақыҭашҟа схынҳәит, анеҩс, хәымз рышьҭахь, Сибраҟа схыргеит. 1954 шықәсазы, азеиҧш ҧҟарала схы сақәиҭыртәын, Қырҭтәылаҟа схынҳәит“, - илҩит Лидиа Папаскири 1956 шықәсазы лавтобиографиаҿы.

Германтәыла данынхоз аамҭа лавтобиографиаҿы иарбам, аха Наира Циминтиа ишылҳәаз ала, уаҟа имҩаҧылгаз ашықәсқәа рымшалоуп асоветтә напхгара дкыдцаланы дызрымаз.

„Лидиа данқәыҧшыз инаркны ақыҭанхамҩа аҿиара азҵаара дазҿлымҳан, ақыҭауаа русура аиҕьтәра дазхәыцуан. Германтәыла даныҟаз, апрофессор Вилбрандт дгәеиҭеит, уи инапхгарала аусумҭа лҩуан. Анеҩс, Даниаҟа ддәықәырҵан, уаҟа шықәсык даниатәи арахәааӡара аусхкы ақәҿиарақәа ҭылҵаауан. Берлинҟа даныхынҳәы, адиссертациазы аусура далагеит, темас алылхит - „Раҧхьатәи аилазаарақәа Даниатәи ақыҭанхамҩаҿы“, абри лусумҭа Берлинтәи ажурнал аҿы икьыҧхьын“, - иҳзеиҭалҳәеит Наира Циминтиа.

Лидиа Папаскири асоветтә лагерқәа рҿы 17 шықәса лхылгеит. Лхатә ҧсҭазаара иазкны адыррақәа иҟам. Наира Циминтиа ишылҳәаз ала, Лидиа хаҵа дымцеит. Раҧхьатәи аҵарауаҩ ҧҳәыс 1960 шықәсазы Қарҭ дыҧсит. Илызгәакьаз ақыҭаҿы анышә дарҭеит.Лнышәынҭра ахьыҟаз аӡәгьы издырӡомызт, аха, амузеи адиректор анышәынҭра лыҧшааит.

„Акыраамҭа лнышәынҭра сашьҭан, нас, ақыҭаҿы зықәрахь инеихьаз ҧҳәыск иаҳлырбеит Лидиа лнышәынҭра ахьыҟоу. Амармалташь иалхны анышәынҭрахаҳә ҟаҵаны, анышәынҭра рыцқьаны, иқәҳаргылеит, уаҟа лассы-лассы аҿар, ашколхәыҷқәа еиуеиҧшым ауснагӡатәқәа рзымҩаҧаагоит. Ақыҭа зегьы, Қырҭтәыла зегьы илылаҽхәаратәы дыҟан“, - илҳәеит амузеи адиректор.
Print E-mail
Twitter
Ари aмaтериaлқәa
Аҧҳәыс илзыҟамҵо уск иҟоуп ҳәа сыҟам,
12:07 / 12.08.2020
Аҧҳәыс илзыҟамҵо уск иҟоуп ҳәа сыҟам,
Зыҩнапык рыла аидара иаҵоу ауааҧсыра, агежьқәа зҵоу ачемоданқәеи,
10:42 / 08.08.2020
Зыҩнапык рыла аидара иаҵоу ауааҧсыра, агежьқәа зҵоу ачемоданқәеи,
Шьыжьнатә аџьықәреи ала итәу агәыблаа лыманы,
15:30 / 07.08.2020
Шьыжьнатә аџьықәреи ала итәу агәыблаа лыманы,
Ажәытәра иагаз, џьара-џьара иҧжәоу, аха, пату ақәҵаны иҵәаху
12:35 / 31.07.2020
Ажәытәра иагаз, џьара-џьара иҧжәоу, аха, пату ақәҵаны иҵәаху
Акоронавирус

Ажәaбжь ҿыцқәa
Сынтәa Гaли Ахaлгори рҟынтәи 360ҩык aбитуриентцәa Қaрҭтәи иреиҳaӡоу aҵaрaиурҭaқәa
Нaнҳәaзы Анaклиa имҩaҧысуеит aелектронтә музыкa aфестивaль «Лиси aиленд».
Импыҵaхaлоу aҵaкырaдгьылқәa ирықәынхо aбитуриентцәa Қырҭтәылa иреиҳaӡоу
Аҧсни Гыртәылеи еимыздо ацҳаҿы уаҩ ишимбац ала ҭынчроуп.
Амультимедиa
Ишәҳaрдыруеит aботaникaтә бaҳчa иaхылaҧшуa aуaaҧсырa [aфото]
Аботaникaтә бaҳчa aaдыртуеит шьыжьымҭaн aсaaҭ 6 рзы, нaс aусзуҩцәa
Жәыргьыҭтәи афермер апандемиа аан ашәҭқәа шиҭиуа [афото]
Хышықәса ҵуеит афермер Леван Берулава, агазаниа, петуниа,
Алакә афырхацәа аниматорцәа рҭаацәара аҟынтә
Раҧхьаӡа акәны абгахәыҷы аформа ҟаиҵеит иӡҕаб хәыҷы ашьыжьқәгылара
Ақырҭуа ашә ажәытәтәи аҿыци ахкқәа Жәыргьыҭтәи ацәыргақәҵаҿы  [афото]
Апырпыл злоу ашә, еиуеиҧшм ахәсқәа рыла иҟаҵоу ашә, саҧерави иӡаашьу
Аботаникатә баҳча аартранӡа мызкы шагу [авидео]
Жәыргьыҭтәи аботаникатә баҳчаҿы аиҭашьақәыргыларатә усурақәа