Асоветтә репрессиақәа
Аусумҭазы арепрессиа ззыруз аҵарауаҩ
FaceBook Twitter
E-mail Print
„Абас ауп с-Дуда аусқәа шыҟоу, сбыкәахшоуп, бҭагылазаашьа шыцәгьоу здыруеит, саргьы, абри аҟара аамҭа бымацара бынсыжьит, аҧсҭазаара бшақәҧоз бкарахазар ҟалап“, - ақырҭуа аҵарауаҩ Андро Хубутиа 1929 шықәсазы Берлинынтә иҧҳәыс абри ашәҟәы лзиҩит.

Усҟан, Қарҭтәи аҳәынҭқарратә университет аҟынтә аквалификациа ашьҭыхразы Германтәылаҟа идәықәырҵаз ақырҭуа аҵарауаҩ Андро Хубутиа ихаҿы изааигомызт асоветтә Қырҭтәылаҟа даныхынҳәлак иареи иҭаацәареи иҵегьы имаҷымкәа агәаҟрақәа ишырҭагылоз.

Андро Хубутиа диит 1891 шықәсазы, Џьвари ақыҭан, 1922 шықәсазы Қарҭтәи аҳәынҭқарратә университет агрономтә факультет далгеит, убри ашықәсҵәҟьа азы акафедраҿ даанхеит. 1925 шықәсазы ауниверситет аҵарадырратә хеилак абжьацәажәара ала, аквалификациа ашьҭыхразы Берлинҟа ддәықәырҵан, ҧшьышықәса уа дыҟан.

1930 шықәазы адоктортә диссертациа ихьчеит „Қырҭтәыла ақыҭанхамҩа аинтенсивра азонақәа“, абри аусумҭазы, Берлинтәи ақыҭанхамҩатә академиа ала ианашьан ақыҭанхамҩатә ҵарадыррақәа рдоктор иҩаӡара. Иҵегьы имаҷымкәа аҵарадырратә усумҭақәа дравторуп. 1933 шықәсазы Берлин, хазы шәҟәны иҭыҵит идиссертациатә усумҭа - "Қырҭтәыла ақыҭанхамҩатә ааглыхра аинтенсификациа азҵаарақәеи адгьылаарыхра аҿиареи".

Иара имаҭа Мака Хубутиа ишҳалҳәаз ала, абри аусумҭа амшалоуп асовет режим дышрылаӡаз.

Қарҭтәи аҳәынҭқарратә университет аекономикатә геоографиа акафедра ашьаҭаркҩи уи раҧхьатәи анапхгаҩи Гьаргь Гехтман абас дихцәажәон: "Андро Хубутиа акафедраҿы атеориатәи апрактикатәи азыҟаҵара ала егьырҭ дрылкаан, аҵарадырратә ҭҵаара амҩаҧгара агәырҵҟәыл иман, аҭакҧхықәра ду иман, дџьоушьаратәы, убас аусура илшон“, аха, абольшевикцәа ақәҿиара ду змаз аҵарауаҩ дрыцҳарымшьеит.

1936 шықәсазы агазеҭ «Коммунист» аҿы астатиа кьыҧхьын, уаҟа ишаныз ала, Адро Хубутиа истатиа Германтәыла икьыҧхьын абуржуазиатә ҵарауаҩ ибжьагара ала. Убри анеҩс, хара имгакәа, Андро Хубутиа дбаандаҩыртәит.

Ҧыҭраамҭак ашьҭахь, аҵарауаҩ иассистент, апрофессор Жҕенти игәалаиршәон усҟан Қырҭтәыла аҩнуҵҟатәи аҳәынҭқарратә комитет аквалификациатә комиссиаҿы абжьагаҩс аус шиуаз Шьалуа Нуцубиӡе. Иара иоуп аихшьаала аҟаҵаразы Андро Хубутиа иусумҭа зырҭаз. Ишеилкаахаз ала, алагалажәаҿы аҵарауаҩ игәы иалсны иазгәеиҭазаап 1921 шықәсанӡа Қырҭтәыла ихьыҧшым республикас ишыҟаз, насгьы агәыҕра ду ааирҧшит атәыла ахьыҧшымра еиҭашьақәгылар, иара иусумҭа атәылаҿы арыцтә культура ааглыхра аҿиара иацхраап ҳәа.

Шьалуа Нуцубиӡе агрономтә факультет адекан диҳәеит Андро Хубутиа иусумҭа шьҭахьҟа игаратәы иҟаиҵарц, аха, аҵарауаҩ мап икит, аҵыхәтәаны, абри аусумҭа амшала дбаандаҩыртәит.

Аҵаарауаҩ иассистент ишиҩуа ала, иаргьы изныкымкәа апартбиуро ашҟа иҧхьаны, ахара идырҵахьан Андро Хубутиа антимарксисттә лекциақәа рымҩаҧгараҿы уицхраауан ҳәа.

Жҕенти ишиҩуа ала, иара Лавренти Бериа иҧҳәыс, Нина Гегеҷкори лыбзоурала деиқәхеит, усҟан лара ауниверситет аҿы аспирантс дыҟан. Нина Гегеҷкори ацхырааразы длыдҵаалт Сандро Хубутиа иҧҳәыс .

„Санду, Лиудмила Ҵереҭели, Дуда ҳәа илышьҭан. Лара Лавренти Бериа иҧҳәыс Нина Гегеҷкори лахь днеины, ацхыраара даҳәеит. Нина Гегеҷкори ауниверситет аҿы сабду истудент лакәын. Лара лыбзоурала, аҵарауаҩ, абаандаҩтәра ацынхәрас, ахгара иқәырҵеит. Инықәырҧшны, ҩышықәса рышьҭахь ашьауҕа ихырхын, иашьа дааигаразы Абжьаратә Азиашҟа даннеи, мчыбжьык аҧхьа анышә даҳҭеит, иааиқәшәаны дыҧсит ҳәа иарҳәеит“, - илҳәеит Мака Хубутиа.

Акыршықәса рышьҭахь, иара имаҭа, Андро Хубутиа иҭижьыз иҵарадырратә усумҭа Берлин, библиотекак аҿы илыҧшааит. Арепрессиа ззыруз аҵарауаҩ иусумҭеи, ишәҟәқәеи, ифотоҭыхымҭақәеи аланарҵәеит Асоветтә ҭоурых аҭҵааратә лабораториа.
Print E-mail
Twitter
Ари aмaтериaлқәa
Иаб данхырга ҧшьышықәса ихыҵуан. 25 шықәса дизыҧшын.
18:08 / 13.11.2020
Иаб данхырга ҧшьышықәса ихыҵуан. 25 шықәса дизыҧшын.
1951 шықәса ҧхынҷкәын азы Аҧсны, Набакеви ақыҭаҿ инхоз Ехваиаа
ирарҳәеит 
14:08 / 25.09.2020
1951 шықәса ҧхынҷкәын азы Аҧсны, Набакеви ақыҭаҿ инхоз Ехваиаа ирарҳәеит 
В селе Ахути Чхороцкуйского муниципалитета, «утопая» в зелени,
09:18 / 13.06.2020
В селе Ахути Чхороцкуйского муниципалитета, «утопая» в зелени,
На дворе стоят 30 - е годы прошлого века, молодая женщина,
жительница села Шуа Хорга Хобского района,
11:54 / 31.05.2020
На дворе стоят 30 - е годы прошлого века, молодая женщина, жительница села Шуа Хорга Хобского района,
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала