ახალი ამბები
მიუსაფარ ძაღლებზე ზრუნვის მიზნით ზუგდიდში პროექტი შემუშავდა [Video]
FaceBook Twitter
E-mail Print

ქალაქ ზუგდიდში დაიწყო მუშაობა პროექტზე „მიუსაფარი ძაღლიც ადამიანის მეგობარია“. ის მიზნად ისახავს მიუსაფარი ძაღლების მოვლა-პატრონობაზე პასუხისმგებელი უწყების ჩამოყალიბებას და თავშესაფრის მოწყობას. პროექტის ავტორი არასამთავრობო ორგანიზაცია „სამოქალაქო მონიტორინგისა და კვლევების ცენტრია“. ორგანიზაცია დაგეგმილის განხორციელებას ადგილობრივი თვითმმართველობის დახმარებით გეგმავს. რას ითვალისწინებს პროექტი და რა სახის სამუშაოებია მის ფარგლებში დაგეგმილი - ეს საკითხები ზუგდიდის დემოკრატიული ჩართულობის ცენტრში გააცნეს დაინტერესებულ პირებს „სამოქალაო მონიტორინგისა და კვლევების“ ცენტრის წარმომადგენლებმა.  პროექტის კოორდინატორის თეონა კუკავას განცხადებით, ცენტრმა სამეგრელოს რეგიონის ადგილობრივი თვითმმართველობის გადაწყვეტილების მიმღებ პირებთან საინფორმაციო შეხვედრები მოაწყო, გააცნო მათ პროექტი, რათა შემდგომში მათ საკუთარი წვლილი შეიტანონ მიუსაფარ ძაღლთა თავშესაფრის მოწყობაში.  თეონა კუკავას თქმით,  თავშესაფრის მოწყობისთვის საჭირო თანხები გათვალისწინებულია 2016 წლის ქალაქ ზუგდიდის მუნიციპალიტეტის ბიუჯეტში. დაგეგმილია, რომ თავშესაფარი მოემსახუროს არამხოლოდ ქალაქ ზუგდიდს, არამედ რეგიონის ყველა მუნიციპალიტეტს. გარდა მუნიციპალური ბიუჯეტიდან მიღებული ფინანსური რესურსებისა ცენტრი ცდილობს დამოუკიდებელი შემოსავლებიც მოიძიოს დაინტერესებული პირებისგან, ორგანიზაციებისგან. ცენტრის წარმომადგენლები აცხადებენ, რომ პროექტი მთლიანად რეგიონისთვის იქნება სასიკეთო, რადგან შემცირდება ბუნებრივი გზით მიუსაფარი ძალღების რაოდენობა, მათი დაავადებათა მაჩვენებელი, ისევე როგორც მიუსაფარი ძაღების მიერ მოქალაქეთა დაკბენის რიცხვი. თავისმხრივ პროექტის მხარდასაჭერად სრულ მზადყოფნას გამოთქვამს ქალაქის თვითმმართველობა, რომელთა წარმომადგენლებიც დღევანდელ შეხვედრას ესწრებოდნენ. როგორც საკრებულოს საზოგადოებასთან ურთიერთობის სამსახურის წარმომადგენელი კონსტანტინე კაკავა აცხადებს, მათ თავიმხრივ შემუშავებული აქვთ ძაღლთა თავშესაფრის პროექტი. 

Print E-mail
Twitter
კორონავირუსი

საბჭოთა რეპრესიები

ვიდეო
პანდემიით დაზარალებული ფერმერები ახალი შესაძლებლობების ძიებაში
პანდემიის დროს გამოცხადებული კარანტინის გამო, ფერმერები დაზარალდნენ,
ეთნოსოფელი უცხოელი სტუმრების გარეშე
პანდემიის პირობებში დაწესებული შეზღუდვების გამო მნიშვნელოვნად იზარალა
ხანდაზმულთა ცხოვრება პანდემიის წესებით [ვიდეო]
ზუგდიდში მოქმედმა ხანდაზმულთა დღის
პანდემიაგამოვლილი თხილის გზა ექსპორტამდე
თხილის ბაღებში შეწამვლის სამუშაოები კარანტინს დაემთხვა.
ფოტო
სვანეთი შემოდგომის ფერებში [ფოტოამბავი]
სვანეთი წელიწადის ნებისმიერ დროს გამოირჩევა
ჭურია [ფოტორეპორტაჟი]
ფოტოები გადაღებულია მდინარე ჭურიის ხეობაში.
როგორ ხედავენ ბავშვები კორონავირუსს [ფოტოამბავი]
კოვიდ-19 მხოლოდ უფროსებს არ ეხებათ და მასზე ბავშვებმაც
ზუგდიდი კარანტინში [ფოტოამბავი]
კორონავირუსის გავრცელების შეჩერების მიზნით, სამეგრელო
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.