„ბურჯანაძე - ერთიანი ოპოზიციის“ ზუგდიდის ოფისი განცხადებას ავრცელებს
„ბურჯანაძე ერთიანი ოპოზიციის“ ზუგდიდის ოფისის ხელმძღვანელი გოგიტა
ბიგვავა ადამიანის წამების და სექსუალური ძალადობის ამსახველი
კადრების
საჯაროდ ჩვენებას ეხმაურება: „ქართულმა ოცნებამ“ მთლიანად დაკარგა
მორალი და აგრძელებს საზიზღრობის ჩვენებას ღია ცის ქვეშ, ბავშვების
თანდასწრებით, რომელიც მიუღებელი და გაუმართლებელია. ამასთანავე
აღსანიშნავია, რომ „ნაციონალური მოძრაობიდან“ პორტირებული ადამიანები
მოძღვრავენ საზოგადოებას და გვეუბნებიან, რომ უნდა ვიცოდეთ, თუ საიდან
მოვდივართ. თუმცა ეს არის დროებითი, საზოგადოება 2016 წელს „ქართულ
ოცნებას“ „ნაციონალურ მოძრაობასთან ერთად გაუშვებს პოლიტიკურ
მოუსავლეთში”, - აცხადებს გოგიტა ბიგვავა.
ზუგდიდში ადამიანის წამებისა და მასზე სექსუალური ძალადობის ამსახველი კადრების საჯაროდ ჩვენებაზე წინასაგამოძიებო მოქმედებები მიმდინარეობს. ამის შესახებ „ლაივპრესს“ საქართველოს შინაგან საქმეთა სამინისტროში განუცხადეს. მისივე ინფორმაციით, „გამოიკითხა ადგილზე მყოფი რამდენიმე პირი“.
კადრების საჯაროდ ჩვენების ორგანიზატორი ზუგდიდის მუნიციპალიტეტის საკრებულოს თავმჯდომარის თანაშემწე და ე.წ. ორგანიზაციის „საზოგადოებრივი აზრის დარბაზის“ წევრი, სოსო ლაგვილავა იყო. ჩვენებას სხვა საჯარო მოხელეებთან ერთად ქალაქის მერი ირაკლი გოგოხიაც დაესწრო. მან ჟურნალისტებს განუცხადა, რომ მისთვის უცნობია, თუ ვინ არის ვიდეომასალის ჩვენების ორგანიზატორი, თუმცა აღნიშნა - "ეს კადრები ყველამ უნდა ნახოს"-ო. გოგოხიამ მოგვიანებით საგანგებო განცხადება გაავრცელა, სადაც ნათქვამია, რომ ამ კადრების ჩვენების ორგანიზატორი ადგილობრივი თვითმმართველობა და მათ შორის ქალაქის მერია არ ყოფილა. პირადად კი ადგილზე იმიტომ იმყოფებოდა, რომ „გარკვეულ პირთა ჯგუფს პროვოკაციის მოწყობა სურდა, რის თავიდან ასაცილებლად ჩავთვალე საჭიროდ ადგილზე მივსულიყავი და აგვერიდებინა ეს დაპირისპირება, რაც საბედნიეროდ, მოვახერხეთ“-ო.
უკრაინულმა ვებ-გვერდმა tube.ua-მ 17 ოქტომბერს გამოაქვეყნა სავარაუდოდ სამეგრელოში, სამართალდამცავ უწყებაში გადაღებული ვიდეომასალა სათაურით - „როგორ აწამებენ რეფორმატორები ადამიანებს ჩვენების მიღების მიზნით". ვიდეოში ჩანს მამაკაცზე სექსუალური ძალადობის ფაქტი და "აღიარებითი ჩვენების" ჩამორთმევა წამების შემდეგ, ვიდეოდან კაურკვეველი დანაშაულის შესახებ.
ზუგდიდში ადამიანის წამებისა და მასზე სექსუალური ძალადობის ამსახველი კადრების საჯაროდ ჩვენებაზე წინასაგამოძიებო მოქმედებები მიმდინარეობს. ამის შესახებ „ლაივპრესს“ საქართველოს შინაგან საქმეთა სამინისტროში განუცხადეს. მისივე ინფორმაციით, „გამოიკითხა ადგილზე მყოფი რამდენიმე პირი“.
კადრების საჯაროდ ჩვენების ორგანიზატორი ზუგდიდის მუნიციპალიტეტის საკრებულოს თავმჯდომარის თანაშემწე და ე.წ. ორგანიზაციის „საზოგადოებრივი აზრის დარბაზის“ წევრი, სოსო ლაგვილავა იყო. ჩვენებას სხვა საჯარო მოხელეებთან ერთად ქალაქის მერი ირაკლი გოგოხიაც დაესწრო. მან ჟურნალისტებს განუცხადა, რომ მისთვის უცნობია, თუ ვინ არის ვიდეომასალის ჩვენების ორგანიზატორი, თუმცა აღნიშნა - "ეს კადრები ყველამ უნდა ნახოს"-ო. გოგოხიამ მოგვიანებით საგანგებო განცხადება გაავრცელა, სადაც ნათქვამია, რომ ამ კადრების ჩვენების ორგანიზატორი ადგილობრივი თვითმმართველობა და მათ შორის ქალაქის მერია არ ყოფილა. პირადად კი ადგილზე იმიტომ იმყოფებოდა, რომ „გარკვეულ პირთა ჯგუფს პროვოკაციის მოწყობა სურდა, რის თავიდან ასაცილებლად ჩავთვალე საჭიროდ ადგილზე მივსულიყავი და აგვერიდებინა ეს დაპირისპირება, რაც საბედნიეროდ, მოვახერხეთ“-ო.
უკრაინულმა ვებ-გვერდმა tube.ua-მ 17 ოქტომბერს გამოაქვეყნა სავარაუდოდ სამეგრელოში, სამართალდამცავ უწყებაში გადაღებული ვიდეომასალა სათაურით - „როგორ აწამებენ რეფორმატორები ადამიანებს ჩვენების მიღების მიზნით". ვიდეოში ჩანს მამაკაცზე სექსუალური ძალადობის ფაქტი და "აღიარებითი ჩვენების" ჩამორთმევა წამების შემდეგ, ვიდეოდან კაურკვეველი დანაშაულის შესახებ.