TI საქართველო: ზუგდიდის სოფლებში გამოვლენილი პრობლემების დიდი ნაწილი გადაჭრილია [Video]
ზუგდიდის მუნიციპალიტეტში 2013-2015 წლების ინფრასტრუქტურული
პრობლემების და მათი მოგვარების დინამიკასთან დაკავშირებით
„საერთაშორისო გამჭვირვალობა - საქართველომ“ მედიას ინფორმაცია
მიაწოდა. საუბარი შეეხება ორგანიზაციის მიერ სხვა პარტნიორ
ორგანიზაციებთან ერთად 2013 წელს გამართულ შეხვედრებს მუნიციპალიტეტის
ოცდაათ სოფელში, პრობლემების იდენტიფიცირებას და შესაბამისი საჯარო
უწყებებისთვის მათ წარდგენას.
„გამჭვირვალობის“ ზუგდიდის ოფისის კოორდინატორ არჩილ თოდუას განცხადებით, ისინი დაინტერესდნენ, თუ რა რეაგირება მოჰყვა გუბერნატორის ადმინისტრაციისთვის, გამგეობისთვის, რეგიონული განვითარების და ინფრასტრუქტურის სამინისტროსთვის ამ ინფორმაციის მიწოდებას. ზუგდიდის მუნიციპალიტეტის გამგეობიდან მიღებული დოკუმენტების თანახმად, რომელსაც თან ფოტომასალაც ერთვის, ოცდაათი სოფლის მოსახლეობის მიერ გამოვლენილი 131 პრობლემური საკითხიდან 71 მათგანი უკვე გადაჭრილია, ან მიმდინარეობს მათზე მუშაობა, 16 საკითხი განიხილება, ან შეტანილია 2016-2017 წლების სამოქმედო გეგმაში, ექვსი პრობლემური თემის მოსაგვარებლად ადგილობრივმა გამგეობამ შესაბამის უწყებებს მიმართა წერილობით. ორგანიზაციამ რამდენიმე საკითხზე გამგეობიდან მიიღო პასუხად, რომ არ აქვთ შესაბამისი ფინანსური რესურსი მათ გადასაჭრელად, დანარჩენი საკითხები კი, როგორც განმარტეს, სხვა საჯარო უწყებების განხილვის კომპეტენციაა.
არჩილ თოდუას თქმით, ის ფაქტი, რომ გამოვლენილი პრობლემების დიდი ნაწილი მოგვარდა, მნიშვნელოვნად აუმჯობესებს მოსახლეობის ყოველდღიურ საცხოვრებელ პირობებს. მანვე აღნიშნა, რომ რადგან ბევრ სოფელში საექიმო ამბულატორიის საჭიროება დგას, ჯანდაცვის სამინისტრომ გაცილებით მეტი თანხა უნდა გამოყოს ამ მიმართულებით.
„დღეს მოსახლეობასთან შეხვედრის ფაქტობრივად ერთადერთი მექანიზმი არის სოფლის მხარდაჭერის ფარგლებში გასამართი კრებები. თუმცა, ადგილობრივებს ასევე უნდა მიეწდოთ ინფორმაცია, რომ მათ აქვთ უფლება დასახლების კრების გამართვისაც, სადაც შეუძლიათ განიხილონ სოფლად არსებული პრობლემები და არ დაელოდონ მაინცდამაინც სოფლის მხარდაჭერის პროგრამას“, - განმარტა მან.
არჩილ თოდუას თქმით, გამგეობის, საკრებულოს, სხვა საჯარო უწყებების ცალკეულმა სტრუქტურულმა ერთეულებმა პერიოდულად უნდა გამართონ შეხვედრები, რათა მიიღონ განახლებული ინფორმაცია მოქალაქეთა საჭიროებების შესახებ.
„გამჭვირვალობის“ ზუგდიდის ოფისის კოორდინატორმა ისაუბრა იმ ინფრასტრუქტურულ სამუშაოებზე, რაც მუნიციპალიტეტის მასშტაბით მიმდინარეობს, განხორციელდა და დაიგეგმა. მათ შორის აღნიშნა ანაკლიაში სანიაღვრე არხების რეკონსტრუქცია, ნაპირსამაგრი სამუშაოების მიმდინარეობა, რომელიც წელს უნდა დასრულდეს და პროექტის ღირებულება 28 მილიონ ლარზე მეტია, ასევე სოფლებში გზების ნაწილობრივი და სრული აღდგენა, მოხრეშვა, საბავშვო ბაღების სარემონტო სამუშაოები, ახალი ჯგუფების დამატება. ორგანიზაციის მიერ მომზადებულ მასალაში ასევე საუბარია იმ საჭიროებებზე, რასაც მოსახლეობა ითხოვს, როგორიცაა ხიდების აღდგენა, საკანალიზაციო სისტემის რეკონსტრუქცია, წყლის საჭიროებები, ელექტროსადენების პრობლემა, ინდივიდუალური გამრიცხველიანება, უგზოობა და სხვა ინფრასტრუქტურული აუცილებლობები.
„საერთაშორისო გამჭვირვალობა - საქართველომ“ პარტნიორ ორგანიზაციებთან ერთად, ასოციაცია „ათინათის“ პროექტის - „საზოგადოების ჩართულობა დემოკრატიული თვითმმართველობისთვის“ ფარგლებში შეხვედრები ზუგდიდის 30 სოფელში 2013 წელს გამართა.
„გამჭვირვალობის“ ზუგდიდის ოფისის კოორდინატორ არჩილ თოდუას განცხადებით, ისინი დაინტერესდნენ, თუ რა რეაგირება მოჰყვა გუბერნატორის ადმინისტრაციისთვის, გამგეობისთვის, რეგიონული განვითარების და ინფრასტრუქტურის სამინისტროსთვის ამ ინფორმაციის მიწოდებას. ზუგდიდის მუნიციპალიტეტის გამგეობიდან მიღებული დოკუმენტების თანახმად, რომელსაც თან ფოტომასალაც ერთვის, ოცდაათი სოფლის მოსახლეობის მიერ გამოვლენილი 131 პრობლემური საკითხიდან 71 მათგანი უკვე გადაჭრილია, ან მიმდინარეობს მათზე მუშაობა, 16 საკითხი განიხილება, ან შეტანილია 2016-2017 წლების სამოქმედო გეგმაში, ექვსი პრობლემური თემის მოსაგვარებლად ადგილობრივმა გამგეობამ შესაბამის უწყებებს მიმართა წერილობით. ორგანიზაციამ რამდენიმე საკითხზე გამგეობიდან მიიღო პასუხად, რომ არ აქვთ შესაბამისი ფინანსური რესურსი მათ გადასაჭრელად, დანარჩენი საკითხები კი, როგორც განმარტეს, სხვა საჯარო უწყებების განხილვის კომპეტენციაა.
არჩილ თოდუას თქმით, ის ფაქტი, რომ გამოვლენილი პრობლემების დიდი ნაწილი მოგვარდა, მნიშვნელოვნად აუმჯობესებს მოსახლეობის ყოველდღიურ საცხოვრებელ პირობებს. მანვე აღნიშნა, რომ რადგან ბევრ სოფელში საექიმო ამბულატორიის საჭიროება დგას, ჯანდაცვის სამინისტრომ გაცილებით მეტი თანხა უნდა გამოყოს ამ მიმართულებით.
„დღეს მოსახლეობასთან შეხვედრის ფაქტობრივად ერთადერთი მექანიზმი არის სოფლის მხარდაჭერის ფარგლებში გასამართი კრებები. თუმცა, ადგილობრივებს ასევე უნდა მიეწდოთ ინფორმაცია, რომ მათ აქვთ უფლება დასახლების კრების გამართვისაც, სადაც შეუძლიათ განიხილონ სოფლად არსებული პრობლემები და არ დაელოდონ მაინცდამაინც სოფლის მხარდაჭერის პროგრამას“, - განმარტა მან.
არჩილ თოდუას თქმით, გამგეობის, საკრებულოს, სხვა საჯარო უწყებების ცალკეულმა სტრუქტურულმა ერთეულებმა პერიოდულად უნდა გამართონ შეხვედრები, რათა მიიღონ განახლებული ინფორმაცია მოქალაქეთა საჭიროებების შესახებ.
„გამჭვირვალობის“ ზუგდიდის ოფისის კოორდინატორმა ისაუბრა იმ ინფრასტრუქტურულ სამუშაოებზე, რაც მუნიციპალიტეტის მასშტაბით მიმდინარეობს, განხორციელდა და დაიგეგმა. მათ შორის აღნიშნა ანაკლიაში სანიაღვრე არხების რეკონსტრუქცია, ნაპირსამაგრი სამუშაოების მიმდინარეობა, რომელიც წელს უნდა დასრულდეს და პროექტის ღირებულება 28 მილიონ ლარზე მეტია, ასევე სოფლებში გზების ნაწილობრივი და სრული აღდგენა, მოხრეშვა, საბავშვო ბაღების სარემონტო სამუშაოები, ახალი ჯგუფების დამატება. ორგანიზაციის მიერ მომზადებულ მასალაში ასევე საუბარია იმ საჭიროებებზე, რასაც მოსახლეობა ითხოვს, როგორიცაა ხიდების აღდგენა, საკანალიზაციო სისტემის რეკონსტრუქცია, წყლის საჭიროებები, ელექტროსადენების პრობლემა, ინდივიდუალური გამრიცხველიანება, უგზოობა და სხვა ინფრასტრუქტურული აუცილებლობები.
„საერთაშორისო გამჭვირვალობა - საქართველომ“ პარტნიორ ორგანიზაციებთან ერთად, ასოციაცია „ათინათის“ პროექტის - „საზოგადოების ჩართულობა დემოკრატიული თვითმმართველობისთვის“ ფარგლებში შეხვედრები ზუგდიდის 30 სოფელში 2013 წელს გამართა.