საქართველოს დამოუკიდებლობის აღგენის მიზნით 31 მარტს გამართულ რეფერენდუმთან და ზვიად გამსახურდიას დაბადების დღესთან დაკავშირებით, ზუგდიდში პირველი პრეზიდენტის ძეგლი გვირგვინებით შეამკეს. პატივი ზვიად გამსახურდიას საპარლამენტო უმცირესობის და ადგილობრივი ხელისუფლების წარმომადგენლებმა, მოქალაქეებმა მიაგეს.

„ჩვენი მოსახლეობა ირჩევდა დამოუკიდებლობას და ეს იდეა არის უკვდავი. ეს იყო თითოეული ქართველისთვის მნიშვნელოვანი მოვლენა. ეს დღე სიმბოლურია გარკვეულწილად. ზვიადის დაბადების დღეც არის. უკავშირდება ჩვენი ქვეყნის დამოუკიდებლობის აღდგენის სწყისებს“, - განაცხადა საპარლამენტო უმრავლესობის წევრმა მანანა კობახიძემ.

რეფერენდუმი 1991 წლის 31 მარტს ჩატარდა, რომლის მიზანიც 1918 წლის 26 მაისის აქტის საფუძველზე ქვეყნის დამოუკიდებლობის აღდგენა იყო. მონაწილეთა 99-მა პროცენტმა მხარი დაუჭირა საქართველოს დამოუკიდებლობის აღდგენას.