საარჩევნო სუბიექტებმა და არასამთავრობო სექტორმა ზუგდიდში სახელმწიფოს "ნარკოპოლიტიკაზე" იმსჯელეს [Video]
ნარკომანიასთან ბრძოლის საერთაშორისო დღესთან დაკავშირებით ზუგდიდში
შეხვედრა გაიმართა.
მონაწილე პოლიტიკური სუბიექტების და არასამთავრობო სექტორის
წარმომადგენლებმა ისაუბრეს იმ მიდგომებზე, რომელიც დღეს ქვეყანაში
არსებობს ნარკომომხმარებელთა მიმართ, კანონმდებლობის ნაკლოვანებებსა
და მათ გავლენაზე საზოგადოებრივ ცხოვრებაში, ადამიანთა უფლებების
ჭრილში. აუდიტორიამ აღნიშნა, რომ კანონში დღეს არსებული ჩანაწერები
დასახვეწია, და რომ აუცილებელია მკაცრი ნარკოპოლიტიკის ლიბერალიზაცია,
გაჰუმანურება, მოქალაქის ღირსების და პატივის მიმართ პატივისცემის
გზით.
შეხვედრის დასაწყისში ახალგაზრდა იურისტთა ასოციაციის ადგილობრივი ორგანიზაციის ხელმძღვანელმა მიხეილ ჯახუამ სახელმწიფო მიდგომის სამართლებრივ ასპექტებზე ისაუბრა, იმ ნორმებსა და რეგულაციებზე, რომელიც დღეს მოქმედებს. მისი თქმით, საქართველოს ადმინისტრაციულ სამართალდარღვევათა კოდექსის 45-ე მუხლით, რაც გულისხმობს ნარკოტიკული საშუალების მცირე ოდენობით უკანონოდ შეძენა-შენახვას გასაღების მიზნის გარეშე, ან მოხმარებას ექიმის დანიშნულების გარეშე, ხშირია ადამიანების დაკავების შემთხვევები მათი შემოწმების მიზნით და დაჯარიმება 500 ლარით. მიხეილ ჯახუამ ასევე ისაუბრა დაკავების პროცესში ადამიანის უფლებების უგულვებელყოფის და მათი პატივის შელახვის ტენდენციაზე, მიდგომაზე, რომლის მიხედვითაც, მსუბუქი ნარკოტიკული საშუალება მარიხუანას მომხმარებელი კრიმინალია.
„საკონსტიტუციო სასამართლოს გადაწყვეტილებამ არსებითად შეცვალა და მნიშვნელოვანი გავლენა მოახდინა მოქმედ ნარკოპოლიტიკაზე. ეს გადაწყვეტილება შეიცავს მთელ რიგ დებულებებს, რაც უბიძგებს სახელმწიფოს და ავალდებულებს, რეპრესიული დამოკიდებულება შეცვალოს ნარკოპოლიტიკასთან დაკავშირებით და გახადოს ის ადამიანსა და ადამიანის ღირსებაზე ორიენტირებული“, - განაცხადა საიას წარმომადგენელმა.
საკუთარი მოსაზრებები გამოთქვეს შეხვედრის მონაწილე პოლიტიკური სუბიექტების წარმომადგენლებმაც მთავრობის მიდგომებთან დაკავშირებით პრობლემის გარშემო. „ერთიანი ნაციონალური მოძრაობის“ წარმომადგენელმა ლელა ქებურიამ აღნიშნა, რომ სახელმწიფომ უკვე გაიარა ის ეტაპი, როცა მკაცრი პოლიტიკის გატარება იყო საჭირო ამ კუთხით. ფიქრობს, რომ დღეს უნდა გამოიჩინოს „სითამამე“ და შეიმუშაოს ლიბერალური მექანიზმი საკითხთან დაკავშირებით.
„ცალსახაა, რომ ნარკოტიკულ საშუალებაზე, როგორიცაა მარიხუანა, ადამიანები არ უნდა ისხდნენ ციხეში“, - განმარტა მან.
მოსაზრებას, რომ მარიხუანის მომხმარებლები არ უნდა ხვდებოდნენ სასჯელაღსრულების დაწესებულებებში, ეთანხმება ქალაქ ზუგდიდის საკრებულოში ფრაქცია „ქართული ოცნება-რესპუბლიკელების“ წევრი ნიკოლოზ ზარქუაც. მისი თქმით, მუდმივად საუბრობენ და განიხილავენ საზოგადოების მიმღებულობის თემას ამ საკითხზე, მათ განწყობა-დამოკიდებულებებს, თუმცა სახელმწიფოსთვის პრიორიტეტი კონკრეტული ინდივიდი და მისი უფლებები უნდა იყოს. ნიკოლოზ ზარქუა მომხრეა მარიხუანის დეკრიმინალიზაციის, რადგან მიიჩნევს, რომ ამ მიზეზით ციხეში მოხვედრილი ადამიანი შესაძლოა პიროვნულად უარესიც კი გახდეს.
მერაბ ქვარაიას შეფასებით, ალბათ კრიმინალი უფრო სხვა რამეა, ვიდრე მარიხუანას მოხმარება, თუმცა საკრებულოს თავმჯდომარის სუბიექტური აზრია, სახელმწიფომ მისი წახალისება არ უნდა მოახდინოს. მანვე აღნიშნა, რომ ქვეყნის მოქმედი კანონმდებლობა იდეალური არ არის და დასახვეწია, თუმცა როგორ, რა ფორმით, სხვა ქვეყნების პრაქტიკას უნდა გადახედონ, რას იწვევს ნარკოპოლიტიკის გამკაცრება ან ლიბერალიზაცია და შესაბამისად იმოქმედონ.
„უახლოეს მომავალში ალბათ საქართველოს ახალი პარლამენტი დაიწყებს მსჯელობას, რათა მოხდეს იმ საკანონმდებლო ხარვეზებზე მუშაობა, რომელიც არ არის მარტო დღევანდელი ხარვეზი, წლების განმავლობაში დაგროვილი პრობლემებია. ყველაფერი ეს მიმართული იქნება იქითკენ, რომ მივიღოთ მაქსიმალურად უკეთესი შედეგი, მაქსიმალურად ნაკლები ნარკოდამოკიდებული ადამიანი, მეტი ჯანსაღი ცხოვრების წესით მცხოვრები, ხოლო კანონმდებლობის ის ბერკეტები, რომელც თან უნდა ახლდეს მთელ ამ პროცესს, ორიენტირებული იქნება ადამიანის პატივსა და ღირსებაზე“, - განაცხადა მან.
ასოციაცია „ქსენონის“ საქმიანობის ერთ-ერთი მიმართულება, ზუგდიდში ზიანის შემცირების და ნარკოდამოკიდებულებს შორის დაავადებათა რისკის შემცირებაზე მუშაობაა. მისი წარმომადგენლის, დავით დგებუაძის თქმით, მომართვიანობა მაღალია, თუმცა ხშირად ადამიანებს უჩნდებათ შიშის გრძნობა, არ შეამჩნიონ სამართალდამცველებმა, ან საზოგადოებამ არ გაკიცხოს ისინი, ამიტომ ზოგჯერ ვერ ახერხებენ სრულყოფილად ისარგებლონ იმ სერვისებით, რასაც მათ ორგანიზაცია სთავაზობს ანალიზების თუ სხვადასხვა საინექციო, დაავადებებისგან გამოწვეული ზიანის შესამცირებელი საშუალებების სახით.
შეხვედრა არასამთავრობო სექტორის და პოლიტიკურ პარტიათა მონაწილეობით, დემოკრატიული ჩართულობის ცენტრში, ამავე ცენტრის ინიციატივით შედგა.
შეხვედრის დასაწყისში ახალგაზრდა იურისტთა ასოციაციის ადგილობრივი ორგანიზაციის ხელმძღვანელმა მიხეილ ჯახუამ სახელმწიფო მიდგომის სამართლებრივ ასპექტებზე ისაუბრა, იმ ნორმებსა და რეგულაციებზე, რომელიც დღეს მოქმედებს. მისი თქმით, საქართველოს ადმინისტრაციულ სამართალდარღვევათა კოდექსის 45-ე მუხლით, რაც გულისხმობს ნარკოტიკული საშუალების მცირე ოდენობით უკანონოდ შეძენა-შენახვას გასაღების მიზნის გარეშე, ან მოხმარებას ექიმის დანიშნულების გარეშე, ხშირია ადამიანების დაკავების შემთხვევები მათი შემოწმების მიზნით და დაჯარიმება 500 ლარით. მიხეილ ჯახუამ ასევე ისაუბრა დაკავების პროცესში ადამიანის უფლებების უგულვებელყოფის და მათი პატივის შელახვის ტენდენციაზე, მიდგომაზე, რომლის მიხედვითაც, მსუბუქი ნარკოტიკული საშუალება მარიხუანას მომხმარებელი კრიმინალია.
„საკონსტიტუციო სასამართლოს გადაწყვეტილებამ არსებითად შეცვალა და მნიშვნელოვანი გავლენა მოახდინა მოქმედ ნარკოპოლიტიკაზე. ეს გადაწყვეტილება შეიცავს მთელ რიგ დებულებებს, რაც უბიძგებს სახელმწიფოს და ავალდებულებს, რეპრესიული დამოკიდებულება შეცვალოს ნარკოპოლიტიკასთან დაკავშირებით და გახადოს ის ადამიანსა და ადამიანის ღირსებაზე ორიენტირებული“, - განაცხადა საიას წარმომადგენელმა.
საკუთარი მოსაზრებები გამოთქვეს შეხვედრის მონაწილე პოლიტიკური სუბიექტების წარმომადგენლებმაც მთავრობის მიდგომებთან დაკავშირებით პრობლემის გარშემო. „ერთიანი ნაციონალური მოძრაობის“ წარმომადგენელმა ლელა ქებურიამ აღნიშნა, რომ სახელმწიფომ უკვე გაიარა ის ეტაპი, როცა მკაცრი პოლიტიკის გატარება იყო საჭირო ამ კუთხით. ფიქრობს, რომ დღეს უნდა გამოიჩინოს „სითამამე“ და შეიმუშაოს ლიბერალური მექანიზმი საკითხთან დაკავშირებით.
„ცალსახაა, რომ ნარკოტიკულ საშუალებაზე, როგორიცაა მარიხუანა, ადამიანები არ უნდა ისხდნენ ციხეში“, - განმარტა მან.
მოსაზრებას, რომ მარიხუანის მომხმარებლები არ უნდა ხვდებოდნენ სასჯელაღსრულების დაწესებულებებში, ეთანხმება ქალაქ ზუგდიდის საკრებულოში ფრაქცია „ქართული ოცნება-რესპუბლიკელების“ წევრი ნიკოლოზ ზარქუაც. მისი თქმით, მუდმივად საუბრობენ და განიხილავენ საზოგადოების მიმღებულობის თემას ამ საკითხზე, მათ განწყობა-დამოკიდებულებებს, თუმცა სახელმწიფოსთვის პრიორიტეტი კონკრეტული ინდივიდი და მისი უფლებები უნდა იყოს. ნიკოლოზ ზარქუა მომხრეა მარიხუანის დეკრიმინალიზაციის, რადგან მიიჩნევს, რომ ამ მიზეზით ციხეში მოხვედრილი ადამიანი შესაძლოა პიროვნულად უარესიც კი გახდეს.
მერაბ ქვარაიას შეფასებით, ალბათ კრიმინალი უფრო სხვა რამეა, ვიდრე მარიხუანას მოხმარება, თუმცა საკრებულოს თავმჯდომარის სუბიექტური აზრია, სახელმწიფომ მისი წახალისება არ უნდა მოახდინოს. მანვე აღნიშნა, რომ ქვეყნის მოქმედი კანონმდებლობა იდეალური არ არის და დასახვეწია, თუმცა როგორ, რა ფორმით, სხვა ქვეყნების პრაქტიკას უნდა გადახედონ, რას იწვევს ნარკოპოლიტიკის გამკაცრება ან ლიბერალიზაცია და შესაბამისად იმოქმედონ.
„უახლოეს მომავალში ალბათ საქართველოს ახალი პარლამენტი დაიწყებს მსჯელობას, რათა მოხდეს იმ საკანონმდებლო ხარვეზებზე მუშაობა, რომელიც არ არის მარტო დღევანდელი ხარვეზი, წლების განმავლობაში დაგროვილი პრობლემებია. ყველაფერი ეს მიმართული იქნება იქითკენ, რომ მივიღოთ მაქსიმალურად უკეთესი შედეგი, მაქსიმალურად ნაკლები ნარკოდამოკიდებული ადამიანი, მეტი ჯანსაღი ცხოვრების წესით მცხოვრები, ხოლო კანონმდებლობის ის ბერკეტები, რომელც თან უნდა ახლდეს მთელ ამ პროცესს, ორიენტირებული იქნება ადამიანის პატივსა და ღირსებაზე“, - განაცხადა მან.
ასოციაცია „ქსენონის“ საქმიანობის ერთ-ერთი მიმართულება, ზუგდიდში ზიანის შემცირების და ნარკოდამოკიდებულებს შორის დაავადებათა რისკის შემცირებაზე მუშაობაა. მისი წარმომადგენლის, დავით დგებუაძის თქმით, მომართვიანობა მაღალია, თუმცა ხშირად ადამიანებს უჩნდებათ შიშის გრძნობა, არ შეამჩნიონ სამართალდამცველებმა, ან საზოგადოებამ არ გაკიცხოს ისინი, ამიტომ ზოგჯერ ვერ ახერხებენ სრულყოფილად ისარგებლონ იმ სერვისებით, რასაც მათ ორგანიზაცია სთავაზობს ანალიზების თუ სხვადასხვა საინექციო, დაავადებებისგან გამოწვეული ზიანის შესამცირებელი საშუალებების სახით.
შეხვედრა არასამთავრობო სექტორის და პოლიტიკურ პარტიათა მონაწილეობით, დემოკრატიული ჩართულობის ცენტრში, ამავე ცენტრის ინიციატივით შედგა.