ფრაქცია ენმ: ზუგდიდის ახალ უბანში წყლის მიწოდება პრობლემად რჩება [Video]
ზუგდიდში, თაბუკაშვილის ქუჩაზე მცხოვრები დევნილების პრობლემები
დაპირებების
მოუხედავად კვლავ მოუგვარებელი რჩება, ამის შესახებ განცხადება ქალაქ
ზუგდიდის საკრებულოს დღევანდელ სხდომაზე ანა წითლიძემ გააკეთა. მისი
ინფორმაციით, უბნის მცხოვრებლები მას დახმარების თხოვნით დილით
დაუკავშირდნენ.
ფრაქცია „ერთიანი ნაციონალური მოძრაობის“ წევრის განცხადებით, სხვადასხვა საჯარო სამსახურებიდან თუ საჯარო მოხელეების მხრიდან გამოთქმული დაპირებების მიუხედავად, რამდენიმე თვეა დევნილებს სასმელი წყლის მიწოდების და ინფრასტრუქტურული პრობლემები აწუხებთ.
დეპუტატის სიტყვებით, დასახლებაში დაიწყო ახალი ჭაბურღილის მშენებლობა და პირველივე საცდელ ჩართვაზე აბონენტებს უვარგისი - სილა ნარევი წყალი მიაწოდეს. ამასთან მისი ცნობითვე, მცირე წვიმის დროსაც წყლით ივსება კორპუსების სარდაფები და კვლავ აწვიმს შენობების ნაწილს. ოპოზიციური პარტიის წარმომადგენელმა შესაბამის სამსახურებს მოუწოდა სწრაფი რეაგირებისკენ.
ლტოლვილთა და განსახლების სამინისტროს სამეგრელო-ზემო სვანეთის სამმართველოს უფროსმა მანუჩარ ჩილაჩავამ „ლაივპრესს“ განუცხადა, რომ განმარტებებს ამ საკითხთან დაკავშირებით მოგვიანებით გააკეთებს.
ზუგდიდში, თაბუკაშვილის ქუჩაზე ახალი უბნისთვის გაერთიანებული წყალმომარაგების კომპანია ახალ ჭაბურღილებს თხრის. ახალი ჭაბურღილის ექსპლუატაციაში შესვლამდე იძულებით გადაადგილებული პირებისთვის სასმელი წყლის მიწოდება ცისტერნებიდან ხდება.
ზუგდიდის ახალ უბანში წყლის მიწოდების პრობლემა მას შემდეგ შეიქმნა, რაც მოსახლეობა მოიწამლა. პირველი შემთხვევა 7 აპრილს დაფიქსირდა. ზუგდიდის მუნიციპალიტეტის საზოგადოებრივი ჯანდაცვის ცენტრის ინფორმაციით სულ 111 მცხოვრები დაავადდა. მოსახლეობის ვერსიით, წყლის პრობლემა საკანალიზაციო მილებიდან დაბინძურებული წყლის გაჭონვამ გამოიწვია. ამ მოსაზრებას არ ეთანხმებოდა განსახლებისა და ლტოლვილთა სამინისტრო. მათი ცნობით, რამდენჯერმე აღებული სინჯებით გაირკვა, რომ წყალში ნაწლავური ჩხირის გაჩენა გრუნტის წყლების დაბინძურებამ გამოიწვია.
ფრაქცია „ერთიანი ნაციონალური მოძრაობის“ წევრის განცხადებით, სხვადასხვა საჯარო სამსახურებიდან თუ საჯარო მოხელეების მხრიდან გამოთქმული დაპირებების მიუხედავად, რამდენიმე თვეა დევნილებს სასმელი წყლის მიწოდების და ინფრასტრუქტურული პრობლემები აწუხებთ.
დეპუტატის სიტყვებით, დასახლებაში დაიწყო ახალი ჭაბურღილის მშენებლობა და პირველივე საცდელ ჩართვაზე აბონენტებს უვარგისი - სილა ნარევი წყალი მიაწოდეს. ამასთან მისი ცნობითვე, მცირე წვიმის დროსაც წყლით ივსება კორპუსების სარდაფები და კვლავ აწვიმს შენობების ნაწილს. ოპოზიციური პარტიის წარმომადგენელმა შესაბამის სამსახურებს მოუწოდა სწრაფი რეაგირებისკენ.
ლტოლვილთა და განსახლების სამინისტროს სამეგრელო-ზემო სვანეთის სამმართველოს უფროსმა მანუჩარ ჩილაჩავამ „ლაივპრესს“ განუცხადა, რომ განმარტებებს ამ საკითხთან დაკავშირებით მოგვიანებით გააკეთებს.
ზუგდიდში, თაბუკაშვილის ქუჩაზე ახალი უბნისთვის გაერთიანებული წყალმომარაგების კომპანია ახალ ჭაბურღილებს თხრის. ახალი ჭაბურღილის ექსპლუატაციაში შესვლამდე იძულებით გადაადგილებული პირებისთვის სასმელი წყლის მიწოდება ცისტერნებიდან ხდება.
ზუგდიდის ახალ უბანში წყლის მიწოდების პრობლემა მას შემდეგ შეიქმნა, რაც მოსახლეობა მოიწამლა. პირველი შემთხვევა 7 აპრილს დაფიქსირდა. ზუგდიდის მუნიციპალიტეტის საზოგადოებრივი ჯანდაცვის ცენტრის ინფორმაციით სულ 111 მცხოვრები დაავადდა. მოსახლეობის ვერსიით, წყლის პრობლემა საკანალიზაციო მილებიდან დაბინძურებული წყლის გაჭონვამ გამოიწვია. ამ მოსაზრებას არ ეთანხმებოდა განსახლებისა და ლტოლვილთა სამინისტრო. მათი ცნობით, რამდენჯერმე აღებული სინჯებით გაირკვა, რომ წყალში ნაწლავური ჩხირის გაჩენა გრუნტის წყლების დაბინძურებამ გამოიწვია.