ოკუპირებული აფხაზეთის მოსაზღვრე სოფელ რუხში წინასაახალწლოდ კრეატიული ნაძვის ხეების გამოფენა გაიმართება. გამოფენაში მონაწილების მიღება ნებისმიერ მსურველს შეუძლია. კრეატიული ნაძვის ხის კონკურსში ცნობილი ბრენდები და კერძო კომპანიებიც ჩაერთვებიან.

ღონისძიება სახელწოდებით „შექმენი შენი კრეატიული ნაძვის ხე“, სამეგრელო-ზემო სვანეთის გუბერნატორის ადმინისტრაციის ინიციატივით, 30 დეკემბერს, რუხის სავაჭრო ცენტრში გაიმართება. გამოფენის მიზანია საახალწლოდ ბუნებრივი ნაძვის ხეების ჭრის შეჩერება. კონკურსის მონაწილეებს, კრეატიული ნაძვის ხის შეასქმნელად შეუძლიათ გამოიყენონ ყველაფერი ნაძვის ხის და მისი ტოტების გარდა.

ყველაზე კრეატიული ნაძვის ხის ავტორს დამთვალიერებელი, ფარული კენჭისყრით გამოავლენს, რომელსაც სპეციალურ პრიზს გუბერნატორი ლევან შონია გადასცემს.

მსურველებს დამატებითი ინფორმაციის მიღება შეუძლიათ ელექრონულ მისამართზე: This e-mail address is being protected from spambots. You need JavaScript enabled to view it ან ფესიბუკის ოფიციალურ გვერდზე: https://www.facebook.com/samegrelozemosvanetismxare, ან ტელლეფონზე: 591 41 77 25.