ზუგდიდის გამგეობის ყოფილი თანამშრომლები ამბობენ, რომ პოლიტიკური ნიშნით გაათავისუფლეს [Video]
ზუგდიდის მუნიციპალიტეტის გამგეობის გათავისუფლებული თანამშრომლების
ნაწილმა გამგეობის წინააღმდეგ საჩივარი უკვე შეიტანა ზუგდიდის რაიონულ
სასამართლოში. გამგებლის ყოფილი წარმომადგენლები ირწმუნებიან რომ
ისინი სამსახურიდან პოლიტიკური ნიშნით დაითხოვეს.
სოფელ ყულიშკარის ყოფილი რწმუნებულის მიხეილ ქვარაიას განცხადებით, უწყებაში საკონკურსო-საატესტაციო კომისიის დასკვნა მოიმიზეზეს, რეალურად კი მისი დათხოვნის მიზეზი სოფელში არჩევნების შედეგი გახდა, რომელიც „ქართული ოცნებისთვის“ მისაღები არ იყო.
„პარტიამ და მაჟორიტარებმა წააგეს ყულიშკარში და გამგებლობის კანდიდატმა ლაშა გოგიამ მოიგო 6 ხმით. როგორც ჩანს ეს არ იყო მათთვის მისაღები შედეგი“, - განაცხადა მიხეილ ქვარაიამ.
ჟურნალისტებთან კომენტარი გააკეთა დღეს გამგებლის ყოფილმა წარმომადგენელმა სოფელ აბასთუმანში, ვახტანგ კუტალიამ. მისი სიტყვებით, საკონკურსო-საატესტაციო კომისიას ის მოსწონდა როცა „რესპუბლიკური პარეტია“ კოალიციის წევრი იყო, ოპოზიციაში გადასვლის შემდეგ კი, როგორც ამ პარტიის წევრი მიუღებელი აღმოჩნდა.
მისი განმარტებითვე, კონკურსის ყველა ეტაპი დამაჯერებლად კარგად გაიარა, კმაყოფილი არიან მისი მუშაობით სოფლის მცხოვრებლებიც და გარდა პოლიტიკური მოტივისა, გათავისუფლების სხვა მიზეზებს ვერ ხედავს.
თავის მხრივ ბრალდებებს უარყოფენ გამგეობაში და დარწმუნებული არიან, რომ სასამართლო საკონკურსო-საატესტაციო კომისიის გადაწყვეტილებას არ შეცვლის.
გამგებლის პირველმა მოადგილემ მამუკა წოწერიამ ჟურნალისტებს განუცხადა, რომ თანამშრომლების გათავისუფლების მიზეზი მხოლოდ მათი კვალიფიკაცია და ის შედეგები გახდა რაც კონკურსზე აჩვენეს. მისი სიტყვებით, პოლიტიკური ნიშნით უწყებიდან არავინ გაუთავისუფლებიათ.
გამგეობიდან თანამშრომლების დათხოვნის პარალელურად საიამ დღეს გაასაჩივრა საკონკურსო-საატესტაციო კომისიის გადაწყვეტიოლება, რომ ორგანიზაციას არ მიეცა უფლება დასწრებოდა გამგეობაში 17, 18 და 19 ნოემბერს ჩატარებულ ატესტაციას.
საპასუხოდ მამუკა წოწერიამ აღნიშნა, რომ კომისიის შემადგენლობა კანონის სრული დაცვით შეირჩა და მიუხედავად დიდი პატივისცემისა საია-ს მიმართ გამგეობა ვალდებული არ იყო ის კომისიაში ყოლოდა.
17, 18 და 19 ნოემბერს ჩატარებული ატესტაციის შედეგად გამგეობიდან საერთო ჯამში 27 თანამშრომელი გათავისუფლდა, საიდანაც 11- მა სარჩელი სასამართლოში შეიტანა. აქედან რვა მათგანის ინტერესებს საია, ხოლო სამისას „საერთაშორისო გამჭვირვალობა-საქართველო“ იცავს.
სოფელ ყულიშკარის ყოფილი რწმუნებულის მიხეილ ქვარაიას განცხადებით, უწყებაში საკონკურსო-საატესტაციო კომისიის დასკვნა მოიმიზეზეს, რეალურად კი მისი დათხოვნის მიზეზი სოფელში არჩევნების შედეგი გახდა, რომელიც „ქართული ოცნებისთვის“ მისაღები არ იყო.
„პარტიამ და მაჟორიტარებმა წააგეს ყულიშკარში და გამგებლობის კანდიდატმა ლაშა გოგიამ მოიგო 6 ხმით. როგორც ჩანს ეს არ იყო მათთვის მისაღები შედეგი“, - განაცხადა მიხეილ ქვარაიამ.
ჟურნალისტებთან კომენტარი გააკეთა დღეს გამგებლის ყოფილმა წარმომადგენელმა სოფელ აბასთუმანში, ვახტანგ კუტალიამ. მისი სიტყვებით, საკონკურსო-საატესტაციო კომისიას ის მოსწონდა როცა „რესპუბლიკური პარეტია“ კოალიციის წევრი იყო, ოპოზიციაში გადასვლის შემდეგ კი, როგორც ამ პარტიის წევრი მიუღებელი აღმოჩნდა.
მისი განმარტებითვე, კონკურსის ყველა ეტაპი დამაჯერებლად კარგად გაიარა, კმაყოფილი არიან მისი მუშაობით სოფლის მცხოვრებლებიც და გარდა პოლიტიკური მოტივისა, გათავისუფლების სხვა მიზეზებს ვერ ხედავს.
თავის მხრივ ბრალდებებს უარყოფენ გამგეობაში და დარწმუნებული არიან, რომ სასამართლო საკონკურსო-საატესტაციო კომისიის გადაწყვეტილებას არ შეცვლის.
გამგებლის პირველმა მოადგილემ მამუკა წოწერიამ ჟურნალისტებს განუცხადა, რომ თანამშრომლების გათავისუფლების მიზეზი მხოლოდ მათი კვალიფიკაცია და ის შედეგები გახდა რაც კონკურსზე აჩვენეს. მისი სიტყვებით, პოლიტიკური ნიშნით უწყებიდან არავინ გაუთავისუფლებიათ.
გამგეობიდან თანამშრომლების დათხოვნის პარალელურად საიამ დღეს გაასაჩივრა საკონკურსო-საატესტაციო კომისიის გადაწყვეტიოლება, რომ ორგანიზაციას არ მიეცა უფლება დასწრებოდა გამგეობაში 17, 18 და 19 ნოემბერს ჩატარებულ ატესტაციას.
საპასუხოდ მამუკა წოწერიამ აღნიშნა, რომ კომისიის შემადგენლობა კანონის სრული დაცვით შეირჩა და მიუხედავად დიდი პატივისცემისა საია-ს მიმართ გამგეობა ვალდებული არ იყო ის კომისიაში ყოლოდა.
17, 18 და 19 ნოემბერს ჩატარებული ატესტაციის შედეგად გამგეობიდან საერთო ჯამში 27 თანამშრომელი გათავისუფლდა, საიდანაც 11- მა სარჩელი სასამართლოში შეიტანა. აქედან რვა მათგანის ინტერესებს საია, ხოლო სამისას „საერთაშორისო გამჭვირვალობა-საქართველო“ იცავს.