ზუგდიდში კანალიზაციის სისტემის მომწყობი კომპანიის გადასახადისგან გათავისუფლებას დისკუსია მოჰყვა [Video]
ქალაქ ზუგდიდის მუნიციპალიტეტის საკრებულოში მწვავე დისკუსია მოჰყვა
საქართველოს გაერთიანებული წყალმომარაგების კომანიის სამშენებლო
ნებართვისთვის დაწესებული გადასახადისგან გათავისუფლების საკითხს.
საუბარია ქალაქში საკანალიზაციო სისტემის მშენებლობის ნებართვის
თანხაზე, რომელსაც გაერთიანებული წყალმომარაგების კომპანიის დაკვეთით
გერმანული კომპანიააზიის ბანკის დაფინანსებით განახორციელებს.
მთლიანობაში საამისოდ 84 მილიონი ლარია განსაზღვრული.
საკრებულოს წევრი ბათლომე შელია ერთადერთი დეპუტატი იყო, რომელმაც საკითხს ხმა წინააღმდეგ მისცა. მისი განმარტებით, უმრავლესობამ რეალურად ადგილობრივი მოსაკრებლის გადასახადი მოუხსნა კომპანიას აზიის ბანკის დაფინანსებული მაღალბიუჯეტიანი პროექტიდან, ამ გადაწყვეტილებით კი იზარალა ადგილობრივმა ბიუჯეტმა. ბათლომე შელიასვე განცხადებით, გაერთიანებული წყალმომარაგების კომპანიას თავიდანვე ჰქონდა გათვლილი, რომ საკრებულო ამ გადაწყვეტილებას მიიღებდა:
„ეს თანხა თავიდანვე იყო გათვალისწინებული იმ 84 მილიონში. თანხა შეადგენს დაახლოებით 170 ლარს. ქალაქის საკრებულომ თანხა, რომელიც ეკუთვნოდა ქალაქს, დაუტოვა წყალმომარაგების კომპანიას. ეს არის ცენტრიდან წამოსული დავალების შესრულება“, - განმარტა მან.
მას არ დაეთანხმნენ საკრებულოს დანარჩენი წევრები და აღნიშნეს, რომ საუბარია უპრეცენდენტოდ მაღალბიუჯეტიან პროექტზე, რომელიც ქალაქში ყველაზე მნიშვნელოვანი პრობლემის მოგვარებას უნდა მოხმარდეს და მოსაკრებლისგან სახელმწიფო კომპანიის გათავისუფლება ამ შემთხვევაში ლოგიკური გადაწყვეტილებაა.
საკრებულოს თავმჯდომარის მოვალეობის შემსრულებელ გიორგი თოდუას სიტყვებით, გაერთიანებული წყალმომარაგების კომპანია არის სახელმწიფოს მიერ დაფუძნებული კომპანია და მისთვის სამშენებლო ნებართვაზე მოსაკრებლის დაწესება ამ შემთხვევაში აზრს მოკლებულია:
„ეს ნიშნავს სახელმწიფოს ერთი ჯიბიდან თანხის ამოღებას და მეორე ჯიბეში, ამ შემთხვევაში ადგილობრივ ბიუჯეტში მის განთავსებას“, - განმარტა მან.
გიორგი თოდუასვე თქმით, ამ შემთხვევაში გასათვალისწინებელია ქალაქისთვის ამ პროექტის მნიშვნელობა.
საკრებულოს თავმჯდომარის მოვალეობის შემსრულებელმა დეპუტატებს და ზუგდიდელებს „უპრეცედენტო“ პროექტის დაწყება მიულოცა.
გეგმის თანახმად, ზუგდიდის კანალიზაციის დაქსელვა და გამწმენდი ნაგებობის მშენებლობა 2017 წელს დაიწყება და 2019 წელს დასრულდება.
საკრებულოს წევრი ბათლომე შელია ერთადერთი დეპუტატი იყო, რომელმაც საკითხს ხმა წინააღმდეგ მისცა. მისი განმარტებით, უმრავლესობამ რეალურად ადგილობრივი მოსაკრებლის გადასახადი მოუხსნა კომპანიას აზიის ბანკის დაფინანსებული მაღალბიუჯეტიანი პროექტიდან, ამ გადაწყვეტილებით კი იზარალა ადგილობრივმა ბიუჯეტმა. ბათლომე შელიასვე განცხადებით, გაერთიანებული წყალმომარაგების კომპანიას თავიდანვე ჰქონდა გათვლილი, რომ საკრებულო ამ გადაწყვეტილებას მიიღებდა:
„ეს თანხა თავიდანვე იყო გათვალისწინებული იმ 84 მილიონში. თანხა შეადგენს დაახლოებით 170 ლარს. ქალაქის საკრებულომ თანხა, რომელიც ეკუთვნოდა ქალაქს, დაუტოვა წყალმომარაგების კომპანიას. ეს არის ცენტრიდან წამოსული დავალების შესრულება“, - განმარტა მან.
მას არ დაეთანხმნენ საკრებულოს დანარჩენი წევრები და აღნიშნეს, რომ საუბარია უპრეცენდენტოდ მაღალბიუჯეტიან პროექტზე, რომელიც ქალაქში ყველაზე მნიშვნელოვანი პრობლემის მოგვარებას უნდა მოხმარდეს და მოსაკრებლისგან სახელმწიფო კომპანიის გათავისუფლება ამ შემთხვევაში ლოგიკური გადაწყვეტილებაა.
საკრებულოს თავმჯდომარის მოვალეობის შემსრულებელ გიორგი თოდუას სიტყვებით, გაერთიანებული წყალმომარაგების კომპანია არის სახელმწიფოს მიერ დაფუძნებული კომპანია და მისთვის სამშენებლო ნებართვაზე მოსაკრებლის დაწესება ამ შემთხვევაში აზრს მოკლებულია:
„ეს ნიშნავს სახელმწიფოს ერთი ჯიბიდან თანხის ამოღებას და მეორე ჯიბეში, ამ შემთხვევაში ადგილობრივ ბიუჯეტში მის განთავსებას“, - განმარტა მან.
გიორგი თოდუასვე თქმით, ამ შემთხვევაში გასათვალისწინებელია ქალაქისთვის ამ პროექტის მნიშვნელობა.
საკრებულოს თავმჯდომარის მოვალეობის შემსრულებელმა დეპუტატებს და ზუგდიდელებს „უპრეცედენტო“ პროექტის დაწყება მიულოცა.
გეგმის თანახმად, ზუგდიდის კანალიზაციის დაქსელვა და გამწმენდი ნაგებობის მშენებლობა 2017 წელს დაიწყება და 2019 წელს დასრულდება.