ზუგდიდის მუნიციპალიტეტის სოფლებში - ჭითაწყარში, ურთაში, ხეცერასა და აბასთუმანში დასახლების საერთო კრებები ჩატარდა. ადგილობრივ მოსახლეობას გამგებლის პირველი მოადგილე მამუკა წოწერია და საკრებულოს თავმჯდომარე მაიზერ ნანავა იმყოფებოდნენ.

ჭითაწყარში პრიორიტეტად საბავშო ბაღის მშენებლობა, გარე განათების მოწყობა, ცენტრალურ ტრასაზე სანიაღვრე არხების მოწესრიგება, შიდა გზების რეკონსტრუქცია, ქუჩების ნუმერაციის საკითხის დარეგულირება დასახელდა. მათ შორის ონარიის დასახლებაში საკანალიზაციო სისტემის გამართვა, დასასვენებელი პარკის აღდგენა-განახლება, მეფრინველეობის დასახლებაში კი დასასვენებელი პარკის მოწყობა.

რაც შეეხება სოფელ ურთას, აქ პრიორიტეტად აღინიშნა ურთის და აბასთუმნის დამაკავშირებელი საავტომობილო გზის სარეკონსტრუქციო სამუშაოებისთვის საპროექტო - სახარჯაღრიცხვო დოკუმენტაციის შედგენის მომსახურეობა, წყალსაქაჩი სადგურის შეკეთება და ახალი წყალგაყვანილობის ქსელის მოწყობა ლეპეტერეს უბანში. პრიორიტეტებში მოხვდა გარე განათების, მათ შორის საბავშვო მინი სტადიონზე გარე განათების, ამბულატორიის მოწყობა, ასევე მდინარე ჯუმზე ნაპირსამაგრი გაბიონის გაკეთება, ხიდ-ბოგირის შეკეთება ზანას უბანში, მეორე მსოფლიო ომის შინმოუსვლელთა ობელისკის აღდგენა, შიდა საუბნო გზების რეკონსტრუქცია და საბავშვო ბაღის კეთილმოწყობა.

ხეცერაში პრიორიტეტული აღმოჩნდა შიდა გზების და სასაფლაომდე მისასვლელი ბილიკების, სანიაღვრე არხების, მოსაცდელის მოწყობა. ასევე გარე განათება, ნარაზენის ცენტრალური გზიდან ხეცერას მიმართულებით მიმართულებით, საავტომობილო გზის შეკეთება.

კიდევ ერთი სოფელი, სადაც დღეს დასახლების საერთო კრება ჩატარდა, აბასთუმანია. მოსახლეობამ მნიშვნელოვან და საჭირო ღონისძიებებად დაასახელა შიდა გზების, წყალმომარაგების ქსელის რეკონსტრუქცია, საჩაკაბერიო-თათარაშვილების უბანში „წყალშემკრები ავზისა და წყალსაქაჩის მოწყობა დაქსელვით“, გარე განათების მოწყობა სოფლის ცენტრში, აბასთუმანი-ნარაზენის დამაკავშირებელი გზის, საცხადაიოს უბანში სარემონტო სამუშაოები, ჯახუთის უბანში „წყალშემკრები ავზისა და წყალსაქაჩის მოწყობა დაქსელვით“, ჭაბურღილის გაკეთება დაქსელვით სოფლის ცენტრში, ასევე საკუტალიოს უბანში და წყალშემკრები ავზისა და წყალსაქაჩის მოწყობა დაქსელვით.