ახალი ამბები
მითები რუსეთზე და კრემლის პროპაგანდა - პიტერ პომერანცევის წიგნის პრეზენტაცია ზუგდიდში [ვიდეო]
FaceBook Twitter
E-mail Print
„არაფერია ნამდვილი და ყველაფერი შესაძლებელია: მოგზაურობა თანამედროვე რუსეთში“ - ასე ჰქვია ბრიტანელი მწერლის და ჟურნალისტის, პიტერ პომერანცევის წიგნს, რომელიც გვიყვება, თუ რა პროპაგანდისტული საშუალებებით იბრძვის ქვეყანა გარკვეული მითების შესაქმნელად, სხვადასხვა ეთნიკურ საზოგადოებებში პოზიტიური განწყობების მოსაპოვებლად, გამჭვირვალე და მშვიდობიანი სახელმწიფოს სახელისთვის, რომელიც ზრუნავდა და ზრუნავს მსოფლიო წესრიგის დასამყარებლად. ნახევრად მხატვრულ, სანახევროდ კი დოკუმენტური სახელმძღვანელო ამბობს, რომ ასეთი რუსეთი არ არსებობს, სინამდვილეში ის ავტორიტარული ფედერაციული რესპუბლიკაა, რომელიც ებრძვის დემოკრატიას და სიტყვის თავისუფლებას, აქ დამკვიდრებული სისტემისთვის კი მოქალაქე მხოლოდ ბრმა იარაღია პოლიტიკური ლიდერების და ამ ლიდერების გარემოცვის - ეს არის სახელმწიფო, რომელიც რეალით შოუებს, მედიას, ყველაფერს, რასაც კი მცირე გავლენის მოხდენა შეუძლია რაიმე ფორმით საზოგადოებრივ აზრზე, იყენებს სათავისოდ.

ილიას სახელმწიფო უნივერსიტეტის მკვლევარმა თაკო თოლორდავას თქმით, წიგნი ერთ-ერთი საინტერესო ნამუშევარია, რაც კი ბოლო დროს თანამედროვე რუსეთზე გამოქვეყნდა. აქ გაეცნობით ბევრ რამეს, მათ შორის ჩვეულებრივ ადამიანურ ისტორიებს, როგორ ცხოვრობენ ისინი, რა პირობებში უწევთ მუშაობა..

„საქართველოსთან კონტექსტში შეიძლება გაგვახსენდეს მაგალითად ღამის მგლები, ბაიკერთა კლუბი, რომელიც 9 მაისს შემოვიდა ჩვენს ტერიტორიაზე გეორგიევსკის ლენტით და უნდოდათ მსვლელობა მოეწყოთ. ამ ბაიკერების შექმნის ისტორიაზე საუბრობს ავტორი, იმაზე, თუ როგორ ტრანსფორმირდნენ ისინი პუტინის მხარდამჭერ ძალად“, - განმარტა თაკო თოლორდავამ.

მანვე აღნიშნა, რომ წიგნი ანგრევს მითებს, თითქოს რუსეთში ყველაფერი კარგადაა. პირიქით, გვიჩვენებს მძიმე რეალობას, იმას, თუ როგორ აღიქვამს სახელმწიფო საკუთარ მოქალაქეებს, როგორ ცდილობს ქალები ნივთებად წარმოაჩინოს ქმრების გვერდით, სექტების გამრავლების ხელშეწყობით როგორ ებრძვის თავისუფლად მოაზროვნე ადამიანებს.

შეხვედრის მონაწილე დავით ლოგუამ თავის მხრივ ისაუბრა პრორუსულ განწყობებზე, რომელიც მეტ-ნაკლებად უფრო მეტადაა შემორჩენილი სამეგრელოში, სხვა რეგიონებისგან განსხვავებით.

„არიან გარკვეული სოციალური ჯგუფები, რომლებიც ჩრდილოვანი პოლიტიკის გაგრძელებას წარმოადგენენ. ეს ადამიანები რაღაც ნიშას არიან ამოფარებულები. თუნდაც ის მეგრული ენის პოპულარიზაცია, ან თუნდაც გაეროს რეზოლუცია, რომელიც ითვალისწინებს რეგიონული ენების განვითარებას, და ამის აპელირებას.. თუმცა იგრძნობა აშკარად ამ ადამიანებთან დისკუსიაში შესვლისას, რომ სხვა ინტერესები დგას ამ ყველაფრის უკან“, - აღნიშნა მან.

დავით ლოგუას თქმით, დღეს რუსეთს შეუძლია გარკვეული „სენტიმენტების“ აღძვრა ძველი თაობის წარმომადგენლებში, თუმცა ნაკლებად ახალგაზრდებში, მას ამ სეგმენტში დასაყრდენი ფაქტობრივად არ აქვს.

„ეს არის ჩვენი მე-18 თარგმანი. მიზანი იყო ქართველი მკითხველისთვის ახლო თემატიკასთან მყოფი წიგნი გვეთარგმნა. თან თვითონ იყო დაინტერესება ავტორის მხრიდან, რადგან საქართველოში რამდენჯერმე არის ნამყოფი, ჰყავს ბევრი ქართველი მეგობარი. დამეთანხმებით, ძალიან მნიშვნელოვანია ჩვენი სივრცისთვის მსგავსი წიგნის ქართულად არსებობა, რადგან პირდაპირ კავშირშია საქართველოსთან ის, რაც რუსულ მედიაში ხდება“, - განაცხადა რადარამის წარმომადგენელმა მაია მესტუმრემ.

მისი თქმით, რუსეთი დღეს არამხოლოდ ტანკების და ბომბების საშუალებით იბრძვის, არამედ იბრძვის იდეოლოგიურად, პროპაგანდისტული მეთოდებით, რასაც უნდა შეეწინააღმდეგონ. ერთი სიტყვით, ამ „კამპანიას“ სწორი განათლება დაუპირისპირონ, რადგან სწორედ ასეთ ადამიანებს შეუძლიათ გაფილტრონ უტყუარი და ცრუ, უსაფუძვლო ინფორმაციები ერთმანეთისგან.

არასამთავრობო ორგანიზაციისთვის ეს მე-18 თარგმანია. წიგნი, რომელიც 2014 წელს გამოიცა, საქართველოში დაახლოებით ორი თვის წინ ითარგმნა. მისი ჩატანა სამეგრელოს შემდეგ ყველა რეგიონში იგეგმება.

Print E-mail
Twitter
სხვა მასალები
აფხაზეთის დე ფაქტო რესპუბლიკის ცენტრალურმა საარჩევნო კომისიამ
15:53 / 17.02.2020
აფხაზეთის დე ფაქტო რესპუბლიკის ცენტრალურმა საარჩევნო კომისიამ
82 წლის ასაკში კინორეჟისორი, რუსთაველის პრემიის ლაურეატი,
საქართველოს
13:26 / 17.02.2020
82 წლის ასაკში კინორეჟისორი, რუსთაველის პრემიის ლაურეატი, საქართველოს
საქართველოს ყოფილი პრეზიდენტი გიორგი მარგველაშვილი აცხადებს,
13:11 / 17.02.2020
საქართველოს ყოფილი პრეზიდენტი გიორგი მარგველაშვილი აცხადებს,
ხანძრის შედეგად დაზიანებული ერგეტის საბავშვო ბაღის
აღსაზრდელებისთვის სასწავლო პროცესი განახლდა.
12:57 / 17.02.2020
ხანძრის შედეგად დაზიანებული ერგეტის საბავშვო ბაღის აღსაზრდელებისთვის სასწავლო პროცესი განახლდა.
ვიდეო
ენგურის ხიდი სოხუმის მიერ გამოცხადებული კარანტინის პირობებში [ვიდეო]
აფხაზეთის დე ფაქტო რესპუბლიკის პრეზიდენტის მოვალეობის
ქუჩისთვის შეცვლილი სახელი, რომელზეც ინფორმაცია მოსახლეობას არ ჰქონდა [ვიდეო]
არასამთავრობო ორგანიზაციების რეკომენდაციების შემდეგ ზუგდიდის
პორტის ერთ-ერთი მშენებელი კომპანია ანაკლიას ტოვებს [ვიდეო]
„ანაკლიის განვითარების კონსორციუმის“ ქვეკონტრაქტორ
ენგურის ხიდი, სოხუმში მიმდინარე საპროტესტო აქციების პარალელურად [ვიდეო]
ოკუპირებული გალის მცხოვრებლებს სოხუმში მიმდინარე
ღორის ხორცის საშობაო ბაზრობა ზუგდიდში [ვიდეო]
ზუგდიდის ცენტრალურ სუპერმარკეტში საშობაოდ
ფოტო
მამზიშხას მთა [ფოტო]
მამზიშხას მთა აფხაზეთში, გაგრიდან 6 კილომეტრში მდებარეობს.
ხანმოკლე თოვა ზუგდიდში [ფოტო]
ზუგდიდში ცოტა ხნით გათოვდა. თოვა დაახლოებით 30 წუთს გაგრძელდა. 14 თებერვლის ჩათვლით
ოკაცეს ჩანჩქერი ყინულის ლოლოებით [ფოტო]
ოკაცეს ჩანჩქერი წლის ნებისმიერ დროს ლამაზია.
„სამოქალაქო აქტივიზმი“
ზუგდიდში, ცოტნე დადიანის #3-ში, მრავალბინიანი საცხოვრებელი
სამეგრელო-ზემო სვანეთის ნაძვის ხეები [ფოტო]
სამეგრელო-ზემო სვანეთის ყველა მუნიციპალიტეტში
მზარეულის მაგიდა
                                     ლეჭკერე
ხულიშ ლეჭკერე - ეს არის ძველი მეგრული კერძი,
ესპანური სასმელი საახალწლოდ [ვიდეო]
ესპანური სანგრია, რომელიც სასიამოვნო გემოვნური თვისებებით
მეგრული ჯანჯუხა ტრადიციული რეცეპტით [ვიდეო]
მეგობრები, 80 წლის ეთერ ფაჟავა და თამარ შარია მეგრულ
გოგრის მაფინები გვანცასგან
ყველამ ვიცით, რომ გოგრა გემრიელთან ერთად სასარგებლო
გოგრის კრემ-სუპი გვანცასგან
გოგრის კრემ-სუპი მარტივად მოსამზადებელი, გემრიელი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.