ახალი ამბები
თვითმმართველი ქალაქების გაუქმება ქვეყნის ინტერესებს არ ემსახურება - დისკუსია ზუგდიდში [ვიდეო]
FaceBook Twitter
E-mail Print
„საერთაშორისო გამჭვირვალობა-საქართველოში“ მიაჩნიათ, რომ მმართველი გუნდის მიერ წარმოდგენილი არგუმენტები გაყოფილი მუნიციპალიტეტების კვალვ გაერთიანებასთან დაკავშირებით უსაფუძვლოა და ეს ინიციატივა ცალსახად უარყოფითად უნდა შეფასდეს. არგუმენტები თუ რატომ ფიქრობს ორგანიზაცია ასე მან ახალ კვლევაში წარმოადგინა, რომლის პრეზენტაციაც დღეს ზუგდიდის დემოკრატიული ჩართულობის ცენტრში გამართა „საერთაშორისო გამჭვირვალობა-საქართველოს“ ზუგდიდის ოფისის კოორდინატორმა არჩილ თოდუამ.

შეხვედრას, რომელიც მოგვიანებით დისკუსიის ფორმატში წარიმართა, ესწრებოდნენ არასამთავრობო ორგანიზაციის, ადგილობრივი თვითმმართველობის წარმომადგენლები და პარტია „ევროპული საქართველოს“ წევრები.

„სამწუხაროა, რომ 2014 წელს ხელისუფლების მიერ გაცემული დაპირება იმის თაობაზე, რომ 2017 წლამდე კიდევ უფრო მეტი დეცენტრალიზაცია მოხდებოდა, არ შესრულდა, უფრო მეტიც, ამ კუთხით ვხედავთ უკუსვლას“ , - აღნიშნა არჩილ თოდუამ შეხვედრის დასაწყისში.

მან ისაუბრა ამ დროისთვის თვითმმართველობებში არსებულ მთავარ პრობლემებზე, მათშორის სერვისების ხელმისაწვდომობის, მოქალაქეთა ჩართულობის დაბალ დონეზე და მუნიციპალიტეტების მწირ ფინანსურ რესურსებზე.

არჩილ თოდუას თქმით, სამეგრელო-ზემო სვანეთი მუნიციპალიტეტების მაგალითზე ჩატარებული კვლევა ცხადყოფს, რომ ადგილობრივი თვითმმართველობის ორგანოთა საქმიანობაში მოქალაქეთა ჩართულობის თვალსაზრისით ორი მნიშვნელოვანი პრობლემა დგას. პირველი, რომ არსებული მექანიზმები არ იძლევიან ეფექტური ჩართულობის შესაძლებლობებსა და მოსახლეობის მიერ გამოვლენილი პრობლემის გადაწყვეტის მინიმალურ გარანტიას; მეორე ის, რომ მათ არ აქვთ საკმარისი ინფორმაცია ჩართულობის მექანიზმებსა და შესაძლებლობზე.

აქედან გამომდინარე, ორგანიზაციაში მიაჩნიათ, რომ დაუშვებელია მოქალაქეთა ჩართულობის დაბალი დონე მიჩნეულ იქნეს მუნიციპალიტეტების გამსხვილების ერთ-ერთ არგუმენტად. არჩილ თოდუას განცხადებით, ხელისუფლება და საქართველოს პარლამენტი ვალდებულნი არიან შეიმუშავონ მოქალაქეთა ჩართულობის იმდაგვარი მექანიზმები, რომ ადგილობრივი თვითმმართველობის ორგანოთა საქმიანობაში მოქალაქეთა ჩართულობის პროცესი იყოს მარტივი და იგი დაიყოს რამდენიმე ეტაპად, მაგალითად: პრობლემის იდენტიფიცირება, პროექტებისა და ალტერნატივების შექმნა, საბიუჯეტო და ფინანსური დაგეგმარება, განხორციელება; პროექტის მიმდინარეობის მონიტორინგი და შეფასება.

„ასევე საუბარია იმაზე, რომ ფინანსური თვალსაზრისით გაყოფამ ვერანაირი ეფექტი ვერ მოიტანა. არასწორია ეს ინფორმაცია იმიტომ, რომ თვითმმართველი ერთეულების ჯამური ბიუჯეტი წინა შვიდი მუნიციპალიტეტის ბიუჯეტთან შედარებით გაიზარდა, იმიტომ, რომ მათ უფრო მეტი შემოსავალი აქვთ, საკუთარი შემოსავლები“, - აღნიშნა არჩილ თოდუამ.

მისი სიტყვებითვე, საკუთარი შემოსავლების ზრდის პარალელურად თვითმმართველობებს პარალელურად შეუმცირდა ტრანსფერების მოცულობა, რამაც საბოლოო ჯამში რეფორმის დასაწყისისათვის განსაზღვრული ფინანსური დამოუკიდებლობის ეფექტი ვერ მოიტანა.
მიუხედავად ამისა, ორგანიზაციაში მიაჩნიათ, რომ დაანონსებული რეფორმა გამოსავალი ვერ იქნება, რადგან ჩამოთვლილი პრობლემები მახასიათებელია არ მარტო 7 თვითმმართველი თემისა და ქალაქისთვის, არამედ ქვეყნის მასშტაბით მუნიციპალიტეტებისთვის.

კვლევაში ნათქვამია, რომ ხელისუფლების მიერ გაცხადებული სურვილი თვითმმართველი ქალაქების რაოდენობის შემცირების შესახებ, განხორციელების შემთხვევაში, ცალსახად დააზარალებს ქვეყნის დემოკრატიზაციის პროცესს. აღნიშნული გადაწყვეტილება კიდევ უფრო მეტ ეჭვებს იწვევს თვითმმართველობის მოახლოებული არჩევნების კონტექსტში.

კვლევას დაეთანხმა შეხვედრაზე მყოფი არასამთვრობო სექტორი და პოლიტიკური პარტია. ადგილობრივი თვითმმართველობის წარმომადგენლებმა კი საკუთარი პოზიციის დაფიქსირებისგან თავი შეიკავეს.

ორგანიზაცია „საუნჯეს“ წარმომადგენელი ეგნატე შამუგია მიიჩნევს, იმისთვის, რომ ხელისუფლებამ არ განახორციელოს მსჯელობის დონეზე არსებული მოდელი, აუცილებელია საზოგადოების მეტი აქტიურობა. მისი სიტყვებითვე, სამოქალაქო სექტორის აქტიურობის მთავარი პირობა მათი ინფორმირებულობაა თემის ირგვლივ. არასამთავრობო ორგანიზაციის წარმომადგენელი აცხადებს, რომ საკუთარი პოზიცია როგორც განხორციელებულ რეფორმაზე ასევე მოსალოდნელ ცვლილებებზე დადებითი და უარყოფითი მხარეების არგუმენტირებული დასაბუთებით უნდა დააფიქსირონ თვითმმართველობების ხელმძღვანელმა პირებმა, მათ ვინც თავის დროზე აქტიურად იყო ჩართული გადაწყვეტილებების მიღების პროცესში.

იგივე პოზიციას იზიარებენ „ევროპულ საქართველოში“. პარტიის წარმომადგენელმა ირაკლი ღურწკაიამ აღნიშნა, რომ თვითმმართველობის საკითხებში მოქალაქეების ჩართულობის დაბალი მაჩვენებელი სწორედ მერიისა და გამგეობის წარმომადგენლებმა უნდა შეცვალონ და მათ უნდა გასცენ პასუხი საზოგადოებაში არსებულ კითხვებს.

Print E-mail
Twitter
სხვა მასალები
დღეს მერაბ კოსტავას გარდაცვალებიდან 30 წელი გავიდა. ამ დღესთან
დაკავშირებით,
15:02 / 13.10.2019
დღეს მერაბ კოსტავას გარდაცვალებიდან 30 წელი გავიდა. ამ დღესთან დაკავშირებით,
სოხუმში, მაიმუნების საშენიდან მაიმუნი გაიქცა. ის აღმოჩნდა ერთ-ერთი
ადგილობრივის
12:39 / 13.10.2019
სოხუმში, მაიმუნების საშენიდან მაიმუნი გაიქცა. ის აღმოჩნდა ერთ-ერთი ადგილობრივის
საქართველოს პარლამენტში 25-წლიანი მუშაობის სტაჟის მქონე
თანამშრომლებს სამკერდე ნიშნით
11:40 / 13.10.2019
საქართველოს პარლამენტში 25-წლიანი მუშაობის სტაჟის მქონე თანამშრომლებს სამკერდე ნიშნით
სამეგრელო-ზემო სვანეთის პოლიციამ განსაკუთრებით დიდი ოდენობით
10:34 / 13.10.2019
სამეგრელო-ზემო სვანეთის პოლიციამ განსაკუთრებით დიდი ოდენობით
ვიდეო
ბოტანიკური ბაღი გახსნამდე ერთი თვით ადრე [ვიდეო]
ზუგდიდის განახლებული ბოტანიკური ბაღი,
ბაღის იატაკი - საძინებელი თუ „მოსვენების კუთხე“?
ზუგდიდის მუნიციპალიტეტის სოფელ დარჩელის საბავშვო ბაღში უარყოფენ ბრალდებას,
თხილი ხარისხით ფასდება [ვიდეო]
სამეგრელოში თხილის მოსავლის აღება აქტიურად მიმდინარეობს.
27 წლის თვითნასწავლი ოსტატი ურთიდან [ვიდეო]
ზუგდიდის მუნიციპალიტეტის სოფელ ურთაში
ფოტო
გაფერადებული სვანეთი
სვანეთი წელიწადის ყველა დროს ლამაზია.
სპორტული მოედნები ზუგდიდში [ფოტო]
ზუგდიდის ცენტრალურ უბნებში სპორტული მოედნების ნაწილი დაზიანებულია,
ფოტოამბავი ოკუპირებული გალიდან
როგორ გამოიყურება ოკუპირებული ქალაქ გალის ცენტრი დღეს,
სახიფათო ორმოები საჯიჯაო-ნარაზენის გზაზე [ფოტო]
ზუგდიდის სოფელ ნარაზენის და ხობის მუნიციპალიტეტის
მესტიელი გიდი ტურისტებს ქორულდის ტბებზე ეპატიჟება [ფოტო]
სოციალურ ქსელში დაწყებული კამპანიის „გაატარე ზაფხული
მზარეულის მაგიდა
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.