ახალი ამბები
„ევროპულმა საქართველომ“ თვითმმართველობებში მოსალოდნელ ცვლილებებზე ზუგდიდში შეხვედრა გამართა [ვიდეო]
FaceBook Twitter
E-mail Print
"მოძრაობა თავისუფლებისთვის - ევროპული საქართველოს" წევრებმა ადგილობრივ თვითმმართველობებში მოსალოდნელ ცვლილებებთან დაკავშირებით არასამთავრობო ორგანიზაციების ხედვები მოისმინეს. შეხვედრა ზუგდიდის დემოკრატიული ჩართულობის ცენტრში შედგა.

პარტიის წევრების თქმით, რომელთა შემადგენლობაში როგორც საპარლამენტო უმცირესობის ისე ადგილობრივი ორგანიზაციის წევრები იყვნენ, ხელისუფლების მიერ დაანონსებული ცვლილება თვითმმართველობების შესახებ უკან გადადგმული ნაბიჯი იქნება. პარტიაში მიაჩნიათ, რომ პირველ რიგში ეს ხელს შეუშლის თვითმმართველობის დეცენტრალიზაციის პროცესს.

როგორც საპარლამენტო უმცირესობის წარმომადგენელმა ლელა ქებურიამ აღნიშნა, არასამთავრობო სექტორის პარალელურად დაგეგმილი აქვთ შეხვედრა პოლიტიკურ პარტიებთან და სამოქალაქო სექტორთან, რადგან გაეცნონ მათ პოზიციას და არგუმენტებს. ამასთან მისივე თქმით, საკითხთან დაკავშირებით პარტიას ჯერ არ ჩამოუყალიბებია პუნქტობრივად მოსაზრება, რადგან შესწავლის და მსჯელობის ეტაპზე არიან.

დეპუტატ ლაშა დამენიას სიტყვებით კი, ქალაქის და მუნიციპალიტეტის კვლავ გაერთიანებით მოხდება ბიუჯეტის აღრევა, ეს კი ყოველთვის იქნება პრობლემური, რადგან თუნდაც ის ფაქტი, რომ მუნიციპალიტეტის საკრებულოს მაჟორიტარები, რომლებიც გაცილებით მეტი არიან ვიდრე ქალაქის საკრებულოში, მეტ ყურადღებას და დროს მოახმარენ სოფლების პრობლემების განხილვას.

"როდესაც ბიუჯეტი არსებობს ცალ-ცალკე ხდება მისი გათვალისწინება ცალ-ცალკე კონკრეტული პრობლემებისთვის კონკრეტულ უბნენბზე", - აღნიშნა მან.

რაც შეეხება არასამთავრობო ორგანიზაციების მოსაზრებას, "საუნჯეს" წარმომადგენელმა იაგო ფასანძემ შეხვედრაზე აღნიშნა, გამომდინარე იქედან, რომ მოსახლეობა ნაკლებად ინფორმირებულია მოსალოდნელ ცვლილებებზე, ზოგიერთი პოლიტიკოსი ამით სარგებლობს და აკეთებს რეალობას აცდენილ განცხადებებს. საუნჯეს წარმომადგენელმა პარლამენტის დეპუტატებს უთხრა, რომ უნდა გამოიყენონ ტრიბუნა, რათა საზოგადოებას მიეწოდოს სწორი ინფორმაცია.

ამავე ორგნიზაციის წევრმა ეგნატე შამუგიამ კი აღნიშნა, რომ მოქალაქეებისთვის ხელმისაწვდომი არ არის ინფორმაცია კონსტიტუციაში დაგეგმილ ცვლილებებთან დაკავშირებით. მაგალითისთვის როგორც მან თქვა, მხოლოდ მწირი ცნობა აქვს იმაზე, რომ იგეგმება დამატებით ჩანაწერის გაკეთება ადგილობრივი თვითმმართველობის შესახებ, თუმცა რა კონკრეტულად არ იცის. მან დეპუტატბს ჰკითხა თუ რა სახის ინფორმაციას ფლობენ ისინი თავად. საპასუხოდ ლელა ქებურიამ აღნიშნა, რომ სიახლეების დოკუმენტი წერილობითი ფორმით არ არსებობდა და სავარაუდოდ სწორედ დღეს უნდა მოხდეს მისი წარდგენა კომისიაში. პარლამენტის წევრების თქმით, შესაბამის კომისიაში მათი წარმომადგენელი დასვამს საკითხს, რომ ცვლილებების პაკეტი უფრო ხელმისაწვდომი გახადონ მოსახლეობისთვის.

რაც შეეხება თვითმმართველობებში მოსალოდნელ ცვლილებებს, ეგნატე შამუგიამ აღნიშნა, რომ ამ ეტაპზე მათ აქვთ მხოლოდ ზოგადი ხედვა, რადგან მმართველ გუნდს ჯერ კიდევ არ წარმოუდგენია საკანონმდებლო ცვლილების პაკეტი.

მმართველ გუნდში დაიწყო მსჯელობა თვითმმართველი ქალაქების რაოდენობის ისევ შემცირებაზე. რეგიონული განვითარებისა და ინფრასტრუქტურის სამინისტროს მიერ 29 მარტს გავრცელებულ განცხადებაში ნათქვამია, რომ შვიდი მუნიციპალიტეტის გაყოფას და თოთხმეტი ტერიტორიული ერთეულის შექმნის შედეგად არსებობდა მოლოდინი, ამ ცვლილებას ცალკეული პოზიტიური შედეგები უნდა მოეტანა, რაც ვერ მოხერხდა.

ჯერჯერობით უცნობია, რა ფორმით შეეხება ცვლილება ქალაქ ზუგდიდს, რომელმაც ათი წლის წინ ჩამორთმეული სტატუსი მხოლოდ სამი წლის წინ დაიბრუნა. მმართველ გუნდში ირწმუნებიან, რომ თუ საკითხი დღის წესრიგში დადგება, ის ფართო საზოგადოებრივი მსჯელობის საგანი გახდება.

Print E-mail
Twitter
სხვა მასალები
საქართველოს სახელმწიფო ენის დეპარტამენტმა აფხაზური ენის დისტანციური
სწავლების პროექტი
12:18 / 22.02.2020
საქართველოს სახელმწიფო ენის დეპარტამენტმა აფხაზური ენის დისტანციური სწავლების პროექტი
ლაივპრესის ინფორაციით, ორსანტია-ზუგდიდის გზაზე დააკავეს 25 წლის
მამაკაცი, რომელსაც თან
10:29 / 22.02.2020
ლაივპრესის ინფორაციით, ორსანტია-ზუგდიდის გზაზე დააკავეს 25 წლის მამაკაცი, რომელსაც თან
ეპარქიის მდივანი, მღვდელი დიმიტრი ვეკუა, სოციალურ ქსელში ზუგდიდის
18:24 / 21.02.2020
ეპარქიის მდივანი, მღვდელი დიმიტრი ვეკუა, სოციალურ ქსელში ზუგდიდის
ვიდეო
ენგურის ხიდი სოხუმის მიერ გამოცხადებული კარანტინის პირობებში [ვიდეო]
აფხაზეთის დე ფაქტო რესპუბლიკის პრეზიდენტის მოვალეობის
ქუჩისთვის შეცვლილი სახელი, რომელზეც ინფორმაცია მოსახლეობას არ ჰქონდა [ვიდეო]
არასამთავრობო ორგანიზაციების რეკომენდაციების შემდეგ ზუგდიდის
პორტის ერთ-ერთი მშენებელი კომპანია ანაკლიას ტოვებს [ვიდეო]
„ანაკლიის განვითარების კონსორციუმის“ ქვეკონტრაქტორ
ენგურის ხიდი, სოხუმში მიმდინარე საპროტესტო აქციების პარალელურად [ვიდეო]
ოკუპირებული გალის მცხოვრებლებს სოხუმში მიმდინარე
ღორის ხორცის საშობაო ბაზრობა ზუგდიდში [ვიდეო]
ზუგდიდის ცენტრალურ სუპერმარკეტში საშობაოდ
ფოტო
მამზიშხას მთა [ფოტო]
მამზიშხას მთა აფხაზეთში, გაგრიდან 6 კილომეტრში მდებარეობს.
ხანმოკლე თოვა ზუგდიდში [ფოტო]
ზუგდიდში გათოვდა. თოვა ხანმოკლე იყო და მალევე დადნა.
ოკაცეს ჩანჩქერი ყინულის ლოლოებით [ფოტო]
ოკაცეს ჩანჩქერი წლის ნებისმიერ დროს ლამაზია.
„სამოქალაქო აქტივიზმი“
ზუგდიდში, ცოტნე დადიანის #3-ში, მრავალბინიანი საცხოვრებელი
სამეგრელო-ზემო სვანეთის ნაძვის ხეები [ფოტო]
სამეგრელო-ზემო სვანეთის ყველა მუნიციპალიტეტში
მზარეულის მაგიდა
                                     ლეჭკერე
ხულიშ ლეჭკერე - ეს არის ძველი მეგრული კერძი,
ესპანური სასმელი საახალწლოდ [ვიდეო]
ესპანური სანგრია, რომელიც სასიამოვნო გემოვნური თვისებებით
მეგრული ჯანჯუხა ტრადიციული რეცეპტით [ვიდეო]
მეგობრები, 80 წლის ეთერ ფაჟავა და თამარ შარია მეგრულ
გოგრის მაფინები გვანცასგან
ყველამ ვიცით, რომ გოგრა გემრიელთან ერთად სასარგებლო
გოგრის კრემ-სუპი გვანცასგან
გოგრის კრემ-სუპი მარტივად მოსამზადებელი, გემრიელი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.