ახალი ამბები
სენაკში გაზის გაძვირების და პირვანდელ ფასზე დაბრუნების მიზეზები
FaceBook Twitter
E-mail Print
სენაკის მუნიციპალიტეტში ბუნებრივი აირის გაზრდილი საფასური ისევ ძველ ღირებულებას დაუბრუნდა. ეს ინფორმაცია „ლაივპრესს“ სენაკის საკრებულოს თავმჯდომარე ჯუმბერ ლაშქარავამ დაუდასტურა. მისი თქმით, მომხმარებლებმა უკვე მიიღეს შეტყობინება ცვლილების შესახებ. საკრებულოს თავმჯდომარემ აღნიშნა, რომ დღეს გამართულ ინფრასტრუქტურის კომისიის სხდომაზე მოიწვიეს კომპანია „გასკო პლიუსის“ მენეჯერი, რომელმაც განმარტა ის მიზეზები, თუ რამ გამოიწვია ტარიფის ჯერ გაზრდა, შემდეგ კი ისევ შემცირება. ჯუმბერ ლაშქარავამ გვითხრა, რომ გადაწყვეტილება კომპანიამ ენერგეტიკის სამინისტროს და მოსახლეობის პროტესტის შედეგად მიიღო. 68,8 თეთრის ნაცვლად სენაკელები კვლავ 40,8 თეთრს გადაიხდიან.

შპს „გასკო პლიუსის“ დირექტორმა დავით ბაღათურიამ „ლაივპრესთან“ საუბარში განმარტა ის მიზეზები და გარემოებები, რამაც ტარიფზე ფასის ცვლილება, შემდგომ კი კვლავ ძველი ღირებულების დაბრუნება განაპირობა. მისი თქმით, კომპანიას ქონდა მთელი რიგი ვალდებულებები, რომელთაც გვერდს ვერ აუვლიდნენ.

„სემეკის 2014 წლის 31 აგვისტოს დადგენილებით, ახალი მომხმარებლის ქსელზე მიერთება, ერთი წერტილის გაზმომარაგება და ერთი ხელსაწყოს ჩართვა 400 ლარის ოდენობით, კომპანიის მფლობელობაში არსებული გამანაწილებელი ქსელიდან 300 მეტრის რადიუსის მანძილზე - პირდაპირ ვალდებულება დაეკისრა კომპანიას. ეს არის ძალიან ისეთი დანახარჯები, რომლის თვითღირებულება 400 ლარი კი არა ბევრად ნაკლებია. შესაბამისად, დამატებითი ფინანსური ვალდებულებები დაეკისრა კომპანიას. სენაკი არ არის ბოლომდე გაზიფიცირებული. დადგენილება უნდა გავრცელებულიყო გაზიფიცირებულ ქალაქებზე. სენაკიც რატომღაც მოექცა ამ ნუსხაში. ამ ვალდებულებებს თავს ვერ ავარიდებთ. ვასრულებთ ნელ-ნელა შეძლებისდაგვარად, რაც ძალიან დიდ ფინანსურ ხარჯებთან არის დაკავშირებული“, - გვითხრა დავით ბაღათურიამ.

მეორე მიზეზი, რაზეც ის საუბრობს, არის შარშან დეკემბერში ბუნებრივი აირის მომწოდებელი კომპანიის მიერ მომდევნო საანგარიშო წლის ხელშეკრულების გაფორმებისას, მოსახლეობისთვის შესასყიდი გაზის ღირებულების დოლარში შეთავაზება. მაშინ, როგორც კომპანიის დირექტორი იხსენებს, დოლარის კურსი 2,80 ნიშნულს გასცდა. ამ პირობებში არ იცოდნენ მომავალში რა იქნებოდა, შესაბამისად მოხდა ტარიფის გადახედვა დერეგულირებადი აბონენტებისთვის, ანუ იმ მოსახლეობისთვის, რომელთა ქსელში ჩართვაც 2008 წლის 1 აგვისტოს შემდეგ მოხდა. დანარჩენებისთვის ბუნებრივი აირის საფასური უცვლელი დარჩა.

დავით ბაღათურიას თქმით, კომპანია ყოველდღიურად გაზიფიცირების სამუშაოებისთვის მოიხმარს ძირითად და დამხმარე მასალებს, რომლებიც უცხოეთიდან შემოაქვთ. ამიტომ, განმარტავს, რომ მხოლოდ ბუნებრივი აირი კი არა, ეს მასალებიც ძვირდება.

მანვე აღნიშნა, რომ შეეძლოთ 2008 წლიდანვე აემოქმედებინათ ახალი ტარიფი, თუმცა კომპანიის დამფუძნებლების და ხელმძღვანელი პირების კეთილი ნებით, რეგიონში ყველაზე დაბალი ბუნებრივი აირის საფასური სწორედ სენაკში იყო.

„ისე არ ხდება, რომ ხვალ მოსახლეობას მივახალოთ ღირებულების გაზრდის შესახებ. საინფორმაციო საშუალებით უნდა მომხდარიყო ამის გავრცელება. თუ სწორად მახსოვს, შარშან დეკემბერში დაიბეჭდა მასალა „ასავალ-დასავალში“ ტარიფის შეცვლასთან დაკავშირებით. ინფორმაციის გავრცელებიდან ორი თვის შემდეგ შეეძლო დადგენილებით კომპანიას, ტარიფის გაზრდა. ეს ორი თვე დადგა 1 მარტს“, - გვითხრა დავით ბაღათურიამ.

კომპანიის დირექტორი არ უარყოფს, რომ მოსახლეობისთვის შეთავაზებული საფასური მაღალი იყო, თუმცა განმარტავს - ეს სხვადასხვა, მათგან დამოუკიდებელი მიზეზით იყო განპირობებული. მისივე თქმით, აქვთ საკუთარი მომხმარებლების წინაშე ვალდებულებაც, უწყვეტ რეჟიმში უზრუნველყონ გაზის მიწოდება. სწორედ ამიტომ, აღნიშნავს, რომ კომპანია ქმედითი და გადახდისუნარიანი უნდა იყოს.

„დღევანდელი გადასახედიდან, იქიდან გამომდინარე, რომ ჩაერთო ამ საკითხების მოგვარებაში ენერგეტიკის სამინისტრო, სემეკიც და დოლარზე მიბმული ფასი შეჩერდა. შესაბამისად დაგვიტოვეს იგივე ფასი, რა ფასშიც გვაწვდიდნენ წლების განმავლობაში“, - განმარტა მან.

დავით ბაღათურიას თქმით, მომავალში ფასის კომპანიის მიერ გადახედვა არ იგეგმება. ეს მანამ, ვიდრე სემეკი არ მიიღებს ახალ ტარიფს. ის იმედოვნებს, რომ ფასი არ შეუშლის ხელს კომპანიის ფუნქციონირებას.

ბუნებრივი აირის საფასურის გაზრდის თაობაზე სენაკის საკრებულოს ფრაქცია „ერთიანი ნაციონალური მოძრაობის“ თავმჯდომარე ლაშა კუჭავამ 12 აპრილს გამართულ სხდომაზე განაცხადა. სიახლის შესახებ არც ის და არც საკრებულოს თავმჯდომარე ინფორმირებული არ ყოფილან.

კომპანია „გასკო პლიუსმა“ სენაკის მომხმარებლებს გაზის ტარიფი ორი წლის წინაც გაუძვირა, თუმცა საპროტესტო აქციების გამართვის შემდეგ მომატებული თანხა მომხმარებლებს დაუბრუნა.
Print E-mail
Twitter
სხვა მასალები
ინტერნეტგამოცემა
11:47 / 01.02.2023
ინტერნეტგამოცემა "ლაივპრესი" ინფორმაციას, რეგიონში, თუ ქვეყნის მასშტაბით მიმდინარე მოვლენებზე,
5 იანვრამდე საქართველოში უმეტესად უნალექო ამინდია მოსალოდნელი.
გარემოს ეროვნული
13:55 / 30.12.2022
5 იანვრამდე საქართველოში უმეტესად უნალექო ამინდია მოსალოდნელი. გარემოს ეროვნული
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც
უკრაინისა და საქართველოსთვის
10:28 / 30.12.2022
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც უკრაინისა და საქართველოსთვის
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი
მედლით დააჯილდოვა
16:13 / 29.12.2022
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი მედლით დააჯილდოვა
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.