არასამთავრობოების და ოპოზიციის პროტესტი საკრებულოს სხდომაზე [ვიდეო]
სიტყვიერი დაპირისპირების და არასამთავრობო თუ პოლიტიკურ პარტიათა
პროტესტის ფონზე
წარიმართა ზუგდიდის მუნიციპალიტეტის საკრებულოს სხდომა, სადაც
უმრავლესობამ მხარი დაუჭირა და მოიწონა საქართველოს რეგიონული
განვითარების სამთავრობო კომისიის მხრიდან მიღებული წერილი, სადაც
თემის და ქალაქის გაერთიანებაზეა საუბარი. სხდომის დასაწყისში
საკრებულოს თავმჯდომარე მაიზერ ნანავამ განმარტა, რომ პირიქით,
მსგავსი ნაბიჯი ხელს სწორედ მუნიციპალიტეტის განვითარებას შეუწყობს
ხელს. მისი თქმით, ბიუჯეტები თემის და ქალაქის გაერთიანდება და
თანხების რაოდენობაც, რაც უნდა დახარჯულიყო სხვადასხვა პროექტების
განსახორციელებლად, მუნიციპალიტეტს არ მოაკლდება:
„გაერთიანებულ ბიუჯეტზე იქნება იმდენი, რამდენიც დღეს ორივეს აქვს. დამატებით შემცირდება ადმინისტრაციული ხარჯები და გამოთავისუფლებული თანხები მოხმარდება მთლიანად ქალაქის თუ რაიონის აღორძინებას, ინფრასტრუქტურას“.
მაიზერ ნანავს ამ განცხადებას ოპოზიცია და არასამთავრობო ორგანიზაციები არ დაეთანხმნენ. „ქრისტიან-კონსერვატიული“ ფრაქციის თავმჯდომარე კახაბერ ჩანგელიამ აღნიშნა, რომ ადამიანებს ჰქონდათ იმედი უფრო მეტი დეცენტრალიზაციის, მეტი თანხების ჩადების სხვადასხვა მიმართულებით, სოფლების გაფართოვების, იმის, რომ მათ საკუთარი ბიუჯეტი ექნებოდათ, თუმცა დღეს საპირისპირო რამ ხდება. მან სხდომა პროტესტის ნიშნად დატოვა და განაცხადა „ამ ფარსში“ მონაწილეობას არ მიიღებდა.
ფრაქცია „ევროპული საქართველოს“ თავმჯდომარე თინათინ თოდუამაც მოუწოდა დეპუტატებს, არ დაეჭირათ მხარი და არ მოეწონებინათ დოკუმენტი. მისი განმარტებით, ეს ნაბიჯი სწორედ დეცენტრალიზაციის შესუსტებას შეუწყობს ხელს.
„თუ სამი წლის წინ აუცილებელი იყო მუნიციპალიტეტების დაშლა და ეს იყო ძალიან დიდი შეცდომა, დღეს რატომ ვართ დარწმუნებული, რომ იგივე შეცდომა არ განმეორდება“, - აღნიშნა მან.
„საერთაშორისო გამჭვირვალობა-საქართველოს“ ზუგდიდის ოფისის წარმომადგენელმა არჩილ თოდუამ განმარტა, რომ ადმინისტრაციული ხარჯების შესამცირებლად გამოსავალი არ არის მუნიციპალიტეტების გაერთიანება, ამისთვის სხვა მიდგომების შემუშავებაა აუცილებელი.
„მე დიდი იმედი მაქვს, რომ თქვენი უმრავლესობა დღეს მხარს არ დაუჭერს ამ დირექტივას. მე მჯერა, რომ აქ არიან ადამიანები, ვისთანაც ჩვენ ვთანამშრომლობთ.. და მითუმეტეს, ეს გადაწყვეტილება არ იქნება მიღებული მოსახლეობასთან კონსულტაციების გარეშე“, - განმარტა არასამთავრობო ორგანიზაცია „საუნჯეს“ ხელმძღვანელმა იაგო ფასანძემ.
საპასუხოდ მაიზერ ნანავამ აღნიშნა, რომ ის სხვადასხვა ადმინისტრაციულ ერთეულში იმყოფებოდა და ადგილობრივებს ესაუბრა აღნიშნულ საკითხზე. თუმცა სხდომაზე შესაბამისი დამადასტურებელი ოქმი წარმოდგენილი არ ყოფილა.
საბოლოოდ, პროტესტის და ხმაურის ფონზე, 24 ხმით სამის წინააღმდეგ ზუგდიდის მუნიციპალიტეტის საკრებულომ მოიწონა რეგიონული განვითარების სამინისტროს სამთავრობო კომისიის ინიციატივა. ამ გადაწყვეტილებას სტვენა და უკმაყოფილება მოჰყვა სხდომათა დარბაზში.
საკრებულოში არასამთავრობოები დღეს მივიდნენ პლაკატებით -- „ნუ მოკლავ თვითმმართველობას“, „მეტი დეცენტრალიზაცია“ და განაცხადეს, რომ აღნიშნული გადაწყვეტილების მხარდაჭერა სწორედ დეცენტრალიზაციის შესუსტებისკენ იქნებოდა მიმართული.
„გაერთიანებულ ბიუჯეტზე იქნება იმდენი, რამდენიც დღეს ორივეს აქვს. დამატებით შემცირდება ადმინისტრაციული ხარჯები და გამოთავისუფლებული თანხები მოხმარდება მთლიანად ქალაქის თუ რაიონის აღორძინებას, ინფრასტრუქტურას“.
მაიზერ ნანავს ამ განცხადებას ოპოზიცია და არასამთავრობო ორგანიზაციები არ დაეთანხმნენ. „ქრისტიან-კონსერვატიული“ ფრაქციის თავმჯდომარე კახაბერ ჩანგელიამ აღნიშნა, რომ ადამიანებს ჰქონდათ იმედი უფრო მეტი დეცენტრალიზაციის, მეტი თანხების ჩადების სხვადასხვა მიმართულებით, სოფლების გაფართოვების, იმის, რომ მათ საკუთარი ბიუჯეტი ექნებოდათ, თუმცა დღეს საპირისპირო რამ ხდება. მან სხდომა პროტესტის ნიშნად დატოვა და განაცხადა „ამ ფარსში“ მონაწილეობას არ მიიღებდა.
ფრაქცია „ევროპული საქართველოს“ თავმჯდომარე თინათინ თოდუამაც მოუწოდა დეპუტატებს, არ დაეჭირათ მხარი და არ მოეწონებინათ დოკუმენტი. მისი განმარტებით, ეს ნაბიჯი სწორედ დეცენტრალიზაციის შესუსტებას შეუწყობს ხელს.
„თუ სამი წლის წინ აუცილებელი იყო მუნიციპალიტეტების დაშლა და ეს იყო ძალიან დიდი შეცდომა, დღეს რატომ ვართ დარწმუნებული, რომ იგივე შეცდომა არ განმეორდება“, - აღნიშნა მან.
„საერთაშორისო გამჭვირვალობა-საქართველოს“ ზუგდიდის ოფისის წარმომადგენელმა არჩილ თოდუამ განმარტა, რომ ადმინისტრაციული ხარჯების შესამცირებლად გამოსავალი არ არის მუნიციპალიტეტების გაერთიანება, ამისთვის სხვა მიდგომების შემუშავებაა აუცილებელი.
„მე დიდი იმედი მაქვს, რომ თქვენი უმრავლესობა დღეს მხარს არ დაუჭერს ამ დირექტივას. მე მჯერა, რომ აქ არიან ადამიანები, ვისთანაც ჩვენ ვთანამშრომლობთ.. და მითუმეტეს, ეს გადაწყვეტილება არ იქნება მიღებული მოსახლეობასთან კონსულტაციების გარეშე“, - განმარტა არასამთავრობო ორგანიზაცია „საუნჯეს“ ხელმძღვანელმა იაგო ფასანძემ.
საპასუხოდ მაიზერ ნანავამ აღნიშნა, რომ ის სხვადასხვა ადმინისტრაციულ ერთეულში იმყოფებოდა და ადგილობრივებს ესაუბრა აღნიშნულ საკითხზე. თუმცა სხდომაზე შესაბამისი დამადასტურებელი ოქმი წარმოდგენილი არ ყოფილა.
საბოლოოდ, პროტესტის და ხმაურის ფონზე, 24 ხმით სამის წინააღმდეგ ზუგდიდის მუნიციპალიტეტის საკრებულომ მოიწონა რეგიონული განვითარების სამინისტროს სამთავრობო კომისიის ინიციატივა. ამ გადაწყვეტილებას სტვენა და უკმაყოფილება მოჰყვა სხდომათა დარბაზში.
საკრებულოში არასამთავრობოები დღეს მივიდნენ პლაკატებით -- „ნუ მოკლავ თვითმმართველობას“, „მეტი დეცენტრალიზაცია“ და განაცხადეს, რომ აღნიშნული გადაწყვეტილების მხარდაჭერა სწორედ დეცენტრალიზაციის შესუსტებისკენ იქნებოდა მიმართული.