ნატო-ს საპარლამენტო ასამბლეის პრეზიდენტი: ვგმობთ რუსეთის ოკუპაციას ოსეთსა და აფხაზეთში
ნატო-ს საპარლამენტო ასამბლეის პრეზიდენტის პაოლო ალის განცხადებით,
ასამბლეა მუდმივად გმობს რუსეთის მიუღებელ ოკუპაციას „სამხრეთ ოსეთსა“
და აფხაზეთში. მისი სიტყვებით, მცოცავი ანექსია აბსოლუტურად
მიუღებელია. ამის შესახებ პაოლო ალიმ ნატოს საპარლამენტო ასამბლეის
საგაზაფხულო სესიაზე სიტყვით გამოსვლისას დღეს განაცხადა.
„რუსეთი ცდილობს, საქართველოს მეტი და მეტი მიწები მიიტაცოს და გააძლიეროს თავისი ზეგავლენა აქ. რამდენიმე დღის წინ, სასაზღვრო ზოლი და რუსეთის მცოცავი ანექსია ვნახეთ. ეს აბსოლუტურად მიუღებელია. ამაზე დეკლარაცია გვექნება და მოგვიანებით ვიმსჯელებთ. ეს იქნება ძალიან მტკიცე განცხადება ჩვენი მხარდაჭერისა. ეს იქნება ჩვენი გამოხატულება, რომ საქართველო ნამდვილად ნატოს წევრი უნდა გახდეს. იმედი მაქვს, რომ ეს მიღებული იქნება უმრავლესობის მიერ და კიდევ ერთხელ დაამტკიცებს, რომ საქართველოსთან დაკავშირებით აბსოლუტურად კონსოლიდირებული აზრი გვაქვს“, - განაცხადა ალიმ.
მისი სიტყვებით, ნატო ზრდის თავის წარმომადგენლობას შავი ზღვის რეგიონში, რაც წარმოადგენს დემონსტრირებას მათი სოლიდარობისა რუსეთის მუქარის საწინააღმდეგოდ.
თბილისში ნატოს საპარლამენტო ასამბლეის ოთხდღიანი საგაზაფხულო სესია 26 მაისს დაიწყო და დღეს, 29 მაისს დასრულდება. სესია ორმხრივ და მრავალმხრივ შეხვედრებს, საკომიტეტო სხდომებსა და პრესკონფერენციებს ითვალისწინებს.
„რუსეთი ცდილობს, საქართველოს მეტი და მეტი მიწები მიიტაცოს და გააძლიეროს თავისი ზეგავლენა აქ. რამდენიმე დღის წინ, სასაზღვრო ზოლი და რუსეთის მცოცავი ანექსია ვნახეთ. ეს აბსოლუტურად მიუღებელია. ამაზე დეკლარაცია გვექნება და მოგვიანებით ვიმსჯელებთ. ეს იქნება ძალიან მტკიცე განცხადება ჩვენი მხარდაჭერისა. ეს იქნება ჩვენი გამოხატულება, რომ საქართველო ნამდვილად ნატოს წევრი უნდა გახდეს. იმედი მაქვს, რომ ეს მიღებული იქნება უმრავლესობის მიერ და კიდევ ერთხელ დაამტკიცებს, რომ საქართველოსთან დაკავშირებით აბსოლუტურად კონსოლიდირებული აზრი გვაქვს“, - განაცხადა ალიმ.
მისი სიტყვებით, ნატო ზრდის თავის წარმომადგენლობას შავი ზღვის რეგიონში, რაც წარმოადგენს დემონსტრირებას მათი სოლიდარობისა რუსეთის მუქარის საწინააღმდეგოდ.
თბილისში ნატოს საპარლამენტო ასამბლეის ოთხდღიანი საგაზაფხულო სესია 26 მაისს დაიწყო და დღეს, 29 მაისს დასრულდება. სესია ორმხრივ და მრავალმხრივ შეხვედრებს, საკომიტეტო სხდომებსა და პრესკონფერენციებს ითვალისწინებს.