ახალი ამბები
ზუგდიდში კონფლიქტით დაზარალებულთა და დევნილთა საკითხებზე ანგარიშები წარადგინეს [ვიდეო]
FaceBook Twitter
E-mail Print
საქართველოს სახალხო დამცველის აპარატის წარმომადგენლებმა ზუგდიდში ორი სპეციალური ანგარიში წარუდგინეს არასამთვრობო ორგანიზაციების და გამგეობის თანამშრომლებს.

„კონფლიქტით დაზარალებული მოსახლეობის უფლებრივი მდგომარეობის შესახებ“ სახალხო დამცველის მრჩეველმა მედეა ტურაშვილმა, ხოლო „იძულებით გადადგილებულ პირთა უფლებრივი მდგომარეობის შესახებ“ ანგარიში აპარატის მრჩეველმა დევნილთა საკითხებში, მერი კოჭლამაზაშვილმა წარადგინა. ორივე კვლევის მონაცემები ასახავს 2016 წლის შედეგებს. სახალხო დამცველის აპარატის თანამშრომლების თქმით, დევნილთა საკითხების და კონფლიქტური რეგიონების მიმართ ზუგდიდში ყოველთვის განსაკუთრებული ინტერესია და სწორედ ამიტომ გადაწყვიტეს ანგარიშების აქ წარდგენა.

სახალხო დამცველის მრჩევლის განცხადებით, კვლავ მძიმეა გამყოფი ხაზის სოფლებსა და ოკუპირებულ ტერიტორიებზე მოქალაქეთა სოციალური-ეკონომიკურ მდგომარეობა და პრობლემას წარმოადგენს უსაფრთხოების საკითხები. მედეა ტურაშვილის სიტყვებით, კონფლიქტით დაზარალებულ სოფლებში რეგულარულად ირღვევა ადგილობრივი მოსახლეობის პირადი და ოჯახური ცხოვრების ხელშეუხებლობის, ჯანმრთელობის, განათლების, საცხოვრებლისა და საკუთრების უფლებები, რასაც გამყოფ ხაზზე გადაადგილების შეზღუდვა უდევს საფუძვლად.

სახალხო დამცველის მრჩეველმა საოკუპაციო ხაზთან მოქალაქეების დაკავების შესახებ სახელმწიფო უსაფრთხოების სამსახურის მონაცემები მოიყვანა, რომლის მიხედვითაც 2016 წელს პირობითი საზღვრის უკანონო კვეთისთვის საერთო ჯამში 327 ადამიანი დააკავეს, აქედან 21 არასრულწლოვანი, 32 კი ქალი.

ადამიანის უფლებებზე საუბრისას მედეა ტურაშვილმა აღნიშნა, რომ ოკუპირებულ ტერიტორიებზე გაუმართავია სამედიცინო სერვისები და ინფრასტრუქტურა. მისი თქმით, განსაკუთრებით მძიმეა გალის რაიონში სამედიცინო დაწესებულებების მდგომარეობა, რადგან არ ფუნქციონირებს ნეონატოლოგიური სამსახური, შესაბამისად რაიონს არ ჰყავს მაოპერირებელი გინეკოლოგები, რის გამოც საფრთხე შეიძლება შეექმნას ახალშობილის სიცოცხლეს. მანვე აღნიშნა, რომ სახალხო დამცველის რეკომენდაციის მიუხედავად გალის სოფელ საბერიოსთვის საქართველოს ჯანდაცვის სამინისტროს არ გადაუცია სასწრაფო დახმარების მანქანა.

ომბუდსმენის მრჩეველმა აღნიშნა, რომ ჯანდასცვასთან ერთად ირღვევა უფლებები განათლების ხელმისაწვდომობის კუთხითაც, რადგან მოზარდებს არ აქვთ საკუთარ ენაზე განათლების მიღების შესაძლებლობა და გაკვეთილები უტარდებათ რუსულად. მედეა ტურაშვილის თქმით, მოსწავლეებმა და ხშირ შემთხვევაში არც მასწავლებლებმა არ იციან სათანადოდ რუსული ენა, ამიტომაც ბუნებრივია, რომ განათლების ხარისხი არის მკვეთრად დაბალი.

„სახალხო დამცველის აპარატის რეკომენდაციები ძირითადად ეხება სოციალურ-ეკონომიკური მდგომარეობის გაუმჯობესებას. მათ შორის სამეურნეო საქმიანობის მიზნით სპეციფიური პროგრამების შემუშავებას, სოფლებში ინფრასტრუქტურის გაუმჯობესებას, ჯანდაცვის პროგრამების და მასზე ხელმისაწვდომობის გაზრდას“, - აღნიშნა მედეა ტურაშვილმა.

რაც შეეხება ანგარიშს „იძულებით გადაადგილებულ პირთა მდგომარეობის“ შესახებ, აპარატის მრჩეველმა დევნილთა საკითხებში აღნიშნა, რომ 2016 წელი ყველაზე მასშტაბური დევნილთა გრძელვადიანი განსახლების პროცესით გამოირჩეოდა. მისი სიტყვებით, მიუხედავად იმისა, რომ საანგარიშო პერიოდში ნგრევად და სიცოცხლისთვის ან ჯანმრთელობისთვის საფრთხის შემცველ განსახლების ობიექტებში მცხოვრები 179 დევნილი ოჯახი დაკმაყოფილდა ფართით, ავარიულ შენობებში იძულებით გადაადგილებულ პირთა ცხოვრების საკითხი კვლავ მწვავე პრობლემად რჩება.

მერი კოჭლამაზაშვილის განმარტებით, დევნილთა ძირითადი პრობლემები წლების განმავლობაში უცვლელია. ესენია: ინფორმირებულობის დაბალი ხარისხი იძულებით გადაადგილებულ პირთა უფლებრივი მდგომარეობის სფეროში მიმდინარე მოვლენების შესახებ; რიგ ობიექტებში იძულებით გადაადგილებულ პირთა მძიმე საცხოვრებელი პირობები, ასევე, ყოფილი კოლექტიური ცენტრების რეკონსტრუქციის პროცესი და სარემონტო სამუშაოების დაბალი ხარისხი.

სახალხო დამცველის რეკომენდაციაა დევნილთა და განსახლების სამინისტრომ 2017 წელს გრძელვადიანი განსახლების პროცესში პრიორიტეტი მიანიჭოს ნგრევად და სიცოცხლისათვის საფრთხის შემცველი კომპაქტური განსახლების ობიექტებიდან დევნილთა განსახლებას; სამინისტრომ მიიღოს ზომები დევნილთა ინფორმირებულობის გაზრდისათვის ყველა იმ საკითხზე, რომელიც მათ უფლებრივ მდგომარეობას შეეხება.

Print E-mail
Twitter
სხვა მასალები
ინტერნეტგამოცემა
11:47 / 01.02.2023
ინტერნეტგამოცემა "ლაივპრესი" ინფორმაციას, რეგიონში, თუ ქვეყნის მასშტაბით მიმდინარე მოვლენებზე,
5 იანვრამდე საქართველოში უმეტესად უნალექო ამინდია მოსალოდნელი.
გარემოს ეროვნული
13:55 / 30.12.2022
5 იანვრამდე საქართველოში უმეტესად უნალექო ამინდია მოსალოდნელი. გარემოს ეროვნული
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც
უკრაინისა და საქართველოსთვის
10:28 / 30.12.2022
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც უკრაინისა და საქართველოსთვის
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი
მედლით დააჯილდოვა
16:13 / 29.12.2022
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი მედლით დააჯილდოვა
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.