GEM fest-ზე დასაქმებულები პროტესტს წყვეტენ, თუმცა სამართლებრივ ბრძოლას აგრძელებენ [ფოტო]
განმუხურში, ელექტრონული მუსიკის ფესტივალზე დასაქმებულები GEM
fest-ის
ადმინისტრაციას სასამართლოში უჩივლებენ. ბილეთების კონტროლის
განყოფილებაში დასაქმებულებმა კუთვნილი ანაზღაურების მიღების
მოთხოვნით გამართული აქცია წუხელ დაასრულეს ფესტივალის ტერიტორიაზე.
როგორც აქციის მონაწილეებმა ჟურნალისტებს განუცხადეს, ამ ეტაპზე
საპროტესტო გამოსვლებს წყვეტენ, თუმცა ბრძოლას უკვე სასამართლოში
გააგრძელებენ.
„გვინდოდა ადმინისტრაციასთან შეხვედრა და ჩვენი ხმა რომ მიგვეწვდინა მათთვის ამიტომ მივმართეთ პროტესტის ამ ფორმას, მაგრამ ამ ფორმით გაგრძელებას არ ვაპირებთ. ეს იყო გამაფრთხილებელი, საჩვენებელი პროტესტი, რომლის შემდეგაც აუცილებლად სამართლებრივ ჩარჩოებში განვიხილავთ სხვა ყველა ნიუანსებს“, - განაცხადა აქციის მონაწილე ცოტნე ვართაგავამ.
საპროტესტო აქცია ბილეთების კონტროლის განყოფილებაში დასაქმებულებმა 14 აგვისტოს დილიდან დაიწყეს. თავდაპირველად 42 თანამშრომელი გამოთქვამდა პრეტენზიებს ფესტივალის ადმინისტრაციის მიმართ, თუმცა მოგვიანებით ციფრი შემცირდა. როგორც აქციის მონაწილეებმა განაცხადეს, რამდენიმე დასაქმებული ადმინისტრაციამ მოატყუა, რომ ხელფასს მისცემენ და ამ მიზეზით პროტესტი შეწყვიტეს.
ფესტივალის ადმინისტრაციის მხრიდან საპროტესტო აქციაზე გაჟღერებული მოთხოვნების საპასუხოდ განმარტებები არ გაკეთებულა. GEM Fest-ის საზოგადოებასთან ურთიერთობის სამსახურის წარმომადგენელმა მაია სიხარულიძემ „ლაივპრესს“ 14 აგვისტოს უთხრა, გაერკვეოდა საქმის დეტალებში და განცხადებას მოგვიანებით გააკეთებდა. მას შემდეგ ის სატელეფონო ზარებს არ პასუხობს.
ელექტრონული მუსიკის ფესტივალის GEM Fest-ის დამფუძნებელმა გიორგი სიგუამ გასულ კვირაში განცხადება გაავრცელა, სადაც ფესტივალის ფინანსურ წარუმატებლობაზე ისაუბრა.
„გვინდოდა ადმინისტრაციასთან შეხვედრა და ჩვენი ხმა რომ მიგვეწვდინა მათთვის ამიტომ მივმართეთ პროტესტის ამ ფორმას, მაგრამ ამ ფორმით გაგრძელებას არ ვაპირებთ. ეს იყო გამაფრთხილებელი, საჩვენებელი პროტესტი, რომლის შემდეგაც აუცილებლად სამართლებრივ ჩარჩოებში განვიხილავთ სხვა ყველა ნიუანსებს“, - განაცხადა აქციის მონაწილე ცოტნე ვართაგავამ.
საპროტესტო აქცია ბილეთების კონტროლის განყოფილებაში დასაქმებულებმა 14 აგვისტოს დილიდან დაიწყეს. თავდაპირველად 42 თანამშრომელი გამოთქვამდა პრეტენზიებს ფესტივალის ადმინისტრაციის მიმართ, თუმცა მოგვიანებით ციფრი შემცირდა. როგორც აქციის მონაწილეებმა განაცხადეს, რამდენიმე დასაქმებული ადმინისტრაციამ მოატყუა, რომ ხელფასს მისცემენ და ამ მიზეზით პროტესტი შეწყვიტეს.
ფესტივალის ადმინისტრაციის მხრიდან საპროტესტო აქციაზე გაჟღერებული მოთხოვნების საპასუხოდ განმარტებები არ გაკეთებულა. GEM Fest-ის საზოგადოებასთან ურთიერთობის სამსახურის წარმომადგენელმა მაია სიხარულიძემ „ლაივპრესს“ 14 აგვისტოს უთხრა, გაერკვეოდა საქმის დეტალებში და განცხადებას მოგვიანებით გააკეთებდა. მას შემდეგ ის სატელეფონო ზარებს არ პასუხობს.
ელექტრონული მუსიკის ფესტივალის GEM Fest-ის დამფუძნებელმა გიორგი სიგუამ გასულ კვირაში განცხადება გაავრცელა, სადაც ფესტივალის ფინანსურ წარუმატებლობაზე ისაუბრა.