ზვიად გამსახურდიას მომხრეები აფხაზეთის ომის მიზეზების გამოძიებას ითხოვენ [ვიდეო]
საქართველოს პირველი პრეზიდენტის ზვიად გამსახურდიას მომხრეები
ითხოვენ აფხაზეთის ომის მიზეზების გამოძიებას. შესაბამისი განცხადება
საქართველოს ეროვნული გვარდიის ყოფილმა სარდალმა ვახტანგ (ლოთი)
ქობალიამ დღეს გააკეთა.
„ვითხოვთ, რომ გამოძიებულ იქნას იმ პროვოკაციული ომის შედეგები, ვინ და როგორ წამოიწყო ის. გვინდა ყველაფერს ნათელი მოეფინოს. ბოლო-ბოლო გვეყო ჩრდილში ყოფნა. გვინდა გაირკვეს და ქართველმა ერმა გაიგოს რა ხდებოდა მაშინ და რა ხდება დღეს“, - განაცხადა ვახტანგ ქობალიამ „ლაივპრესთან“ საუბრისას.
სოხუმის დაცემიდან 24 წლის თავთან დაკავშირებით ზვიად გამსახურდიას მხარდამჭერები დღეს საქართველოს პირველი პრეზიდენტის ძეგლთან შეიკრიბნენ და პატივი მიაგეს მის ხსოვნას. დღესვე მათ აფხაზეთის ომში დაღუპულთა საფლავები მოინახულეს.
შეკრებილებს შორის იყო მღვდელი იაკობ სამაკაშვილი. მისი განცხადებით, სრულად იზიარებს ეროვნული გვარდიის ყოფილი სარდლის მოთხოვნას. სასულიერო პირის თქმითვე, დღეს ის ზუგდიდში საგანგებოდ ჩამოვიდა ჭიათურიდან ზვიად გამსახურდიას ხსოვნისთვის პატივის მისაგებად და აფხაზეთის ომში დაღუპულთა საფლავების მოსანახულებლად.
აფხაზეთის ომი 1992 წლის 14 აგვისტოს დაიწყო და 13 თვეს და 13 დღეს გაგრძელდა. 1993 წლის 27 სექტემბერს კი სოხუმის დაცემა სამ დღეში ქართული საჯარისო შენაერთების მარცხით დასრულდა. ომს ათასობით ადამიანი ემსხვერპლა, ხოლო 300 000-ზე მეტი მშვიდობიანი მოსახლე დევნილად იქცა.
„ვითხოვთ, რომ გამოძიებულ იქნას იმ პროვოკაციული ომის შედეგები, ვინ და როგორ წამოიწყო ის. გვინდა ყველაფერს ნათელი მოეფინოს. ბოლო-ბოლო გვეყო ჩრდილში ყოფნა. გვინდა გაირკვეს და ქართველმა ერმა გაიგოს რა ხდებოდა მაშინ და რა ხდება დღეს“, - განაცხადა ვახტანგ ქობალიამ „ლაივპრესთან“ საუბრისას.
სოხუმის დაცემიდან 24 წლის თავთან დაკავშირებით ზვიად გამსახურდიას მხარდამჭერები დღეს საქართველოს პირველი პრეზიდენტის ძეგლთან შეიკრიბნენ და პატივი მიაგეს მის ხსოვნას. დღესვე მათ აფხაზეთის ომში დაღუპულთა საფლავები მოინახულეს.
შეკრებილებს შორის იყო მღვდელი იაკობ სამაკაშვილი. მისი განცხადებით, სრულად იზიარებს ეროვნული გვარდიის ყოფილი სარდლის მოთხოვნას. სასულიერო პირის თქმითვე, დღეს ის ზუგდიდში საგანგებოდ ჩამოვიდა ჭიათურიდან ზვიად გამსახურდიას ხსოვნისთვის პატივის მისაგებად და აფხაზეთის ომში დაღუპულთა საფლავების მოსანახულებლად.
აფხაზეთის ომი 1992 წლის 14 აგვისტოს დაიწყო და 13 თვეს და 13 დღეს გაგრძელდა. 1993 წლის 27 სექტემბერს კი სოხუმის დაცემა სამ დღეში ქართული საჯარისო შენაერთების მარცხით დასრულდა. ომს ათასობით ადამიანი ემსხვერპლა, ხოლო 300 000-ზე მეტი მშვიდობიანი მოსახლე დევნილად იქცა.