ნონა გაფრინდაშვილს საპატიო ზუგდიდელის წოდება მიენიჭა [ვიდეო]
ზუგდიდის მერმა ირაკლი გოგოხიამ ჭადრაკის ხუთგზის ჩემპიონს,
ნონა გაფრინდაშვილს ზუგდიდის საპატიო მოქალაქის წოდება მიანიჭა.
„ის უკვე არის თბილისის, ბათუმის საპატიო მოქალაქე და დღეს ზუგდიდის საპატიო მოქალაქე გახდა. ნებისმიერი ოჯახი ზუგდიდში, ყოველთვის ღია იყო ქალბატონი ნონასთვის და ახლაც ასე იქნება“, - განაცხადა მერმა.
მოჭადრაკისთვის საპატიო მოქალაქის წოდების მინიჭების ცერემონიალს, ზუგდიდის გამგებელი და „ქართული ოცნება - დემოკრატიული საქართველოს“ ზუგდიდის მერობის კანდიდატი ლაშა გოგია ესწრებოდა. მან ჩემპიონს არსებული ჭადრაკის სასახლის ახალი პროექტი გააცნო.
„ზუგდიდის მერიამ უკვე მოამზადა ჭადრაკის სასახლის პროექტი, რომელსაც ჩვენ მომავალ წელს განვახორციელებთ და სასახლის გახსნის დღეს თქვენი ნებართვით გავხსნით თქვენი სახელობის ვარსკვლავს“, - განაცხადა ლაშა გოგიამ ცერემონიალზე.
მოგვიანებით, ნონა გაფრინდაშვილი ჭადრაკის სასახლეში მივიდა და აღსაზრდელებთან ჭადრაკი ითამაშა.
„მე მაჩვენეს ახალი ჭადრაკის სასახლის მაკეტი, რაც ძალიან მახარებს. ზუგდიდიდან ძალიან ბევრი მოჭადრაკე წამოვიდა, უპირველესად ანდრია დადიანი უნდა აღვნიშნოთ და შემდეგ ძალიან საინტერესო მოჭადრაკეები იყვნენ ზუგდიდში. ამიტომ ამ ქალაქმა დაიმსახურა, რომ ახალ თაობას კარგი ჭადრაკის სახლი ჰქონდეს“, - განაცხადა ნონა გაფრინდაშვილმა.
„ის უკვე არის თბილისის, ბათუმის საპატიო მოქალაქე და დღეს ზუგდიდის საპატიო მოქალაქე გახდა. ნებისმიერი ოჯახი ზუგდიდში, ყოველთვის ღია იყო ქალბატონი ნონასთვის და ახლაც ასე იქნება“, - განაცხადა მერმა.
მოჭადრაკისთვის საპატიო მოქალაქის წოდების მინიჭების ცერემონიალს, ზუგდიდის გამგებელი და „ქართული ოცნება - დემოკრატიული საქართველოს“ ზუგდიდის მერობის კანდიდატი ლაშა გოგია ესწრებოდა. მან ჩემპიონს არსებული ჭადრაკის სასახლის ახალი პროექტი გააცნო.
„ზუგდიდის მერიამ უკვე მოამზადა ჭადრაკის სასახლის პროექტი, რომელსაც ჩვენ მომავალ წელს განვახორციელებთ და სასახლის გახსნის დღეს თქვენი ნებართვით გავხსნით თქვენი სახელობის ვარსკვლავს“, - განაცხადა ლაშა გოგიამ ცერემონიალზე.
მოგვიანებით, ნონა გაფრინდაშვილი ჭადრაკის სასახლეში მივიდა და აღსაზრდელებთან ჭადრაკი ითამაშა.
„მე მაჩვენეს ახალი ჭადრაკის სასახლის მაკეტი, რაც ძალიან მახარებს. ზუგდიდიდან ძალიან ბევრი მოჭადრაკე წამოვიდა, უპირველესად ანდრია დადიანი უნდა აღვნიშნოთ და შემდეგ ძალიან საინტერესო მოჭადრაკეები იყვნენ ზუგდიდში. ამიტომ ამ ქალაქმა დაიმსახურა, რომ ახალ თაობას კარგი ჭადრაკის სახლი ჰქონდეს“, - განაცხადა ნონა გაფრინდაშვილმა.