ახალი ამბები
აფხაზეთის მკვიდრი მცირეწლოვანი ზუგდიდში დარჩება, ვიდრე მის დასაბრუნებლად მშობელი მზად არ იქნება
FaceBook Twitter
E-mail Print
ოკუპირებული აფხაზეთიდან გადმოყვანილი მცირეწლოვანი ბავშვი, რომელსაც სახის არეში გარკვეული სახის დაზიანებები აღენიშნებოდა, გავრცელებული ინფორმაციით ძალადობის კვალი, ზუგდიდში, ერთ-ერთ ოჯახში მინდობით აღზრდით მანამ დარჩება, ვიდრე ბიოლოგიური მშობელი მის დასაბრუნებლად მზად არ იქნება. ასევე, როცა ამ საკითხს შესაბამისი კომპეტენციის ადამიანები მიზანშეწონილად ჩათვლიან. „ლაივპრესთან“ საუბარში სოციალური მომსახურეობის სააგენტოს სამეგრელო-ზემო სვანეთის სამხარეო ცენტრის იურისტი უტა მიქაძე აღნიშნავს, რომ რეინტეგრაცია მოცემული პირობების გათვალისწინებით განხორციელდება. იურისტი ამბობს იმასაც, რომ სახელმწიფო აქტიურად მუშაობს ბავშვის ბიოლოგიურ ოჯახში დასაბრუნებლად.

როგორ უნდა განხორციელდეს დაბრუნების შემდეგ ოჯახზე დაკვირვება და კონტროლი, როცა საუბარია ოკუპირებულ ტერიტორიაზე, უტა მიქაძის თქმით, ვერ დააკონკრეტებს, მცირეწლოვანი აფხაზეთიდანაა, თუ ადგილობრივი მცხოვრებია, პერსონალურ მონაცემთა შესახებ კანონის თანახმად. თუმცა განმარტავს, რომ არსებობს სხვადასხვა სერვისი, რომლის შეთავაზებაც სახელმწიფოს მისთვის შეუძლია.

„ეს არის თავშესაფარი, სხვადასხვა სახის ღონისძიება, რის განხორციელებაშიც სახელმწიფო დაეხმარება ბიოლოგიურ ოჯახს“, - აღნიშნა მან.

რა მოხდა სინამდვილეში და როგორ აღმოჩნდა დაზიანებები ბავშვის სახეზე, ვინ ჩაიდინა ძალადობა, თუკი ასეთი რამ მართლაც მოხდა, უდანაშაულობის პრეზუმფციიდან გამომდინარე, ვიდრე გამოძიება არ დასრულდება, ვერც ამ დეტალზე საუბრობს იურისტი.

სამაგიეროდ, სოციალური მომსახურების სააგენტოს სამეგრელო-ზემო სვანეთის სამსახურის უფროსმა ავთანდილ ცქვიტაიამ გვითხრა, რომ „ჭორის დონეზე“ სმენია - დაზიანებები მცირეწლოვანს მამინაცვალმა მიაყენა.

„დანარჩენს პოლიცია გაარკვევს. ამ ეტაპზე ჩვენ ბავშვს ვერ გავატანდით ვერავის. დედა იქით გადავიდა. მას შვილის მონახულება ნებისმიერ დროს შეუძლია“.

ზუგდიდის რეფერალური საავადმყოფოს სამედიცინო მენეჯერმა ნიკოლოზ ჭეჟიამ „ლაივპრესს“ განუცხადა, რომ მათთან შემოყვანილ ბავშვს თვალზე აღენიშნებოდა ესკორაციები - კანის საფარველის დაზიანება და მცირე შეშუპება, თუმცა რას შეიძლებოდა ეს გამოეწვია, განმარტავს - „თვითდაზიანება შეიძლებოდა, გადმოვარდნილიყო და კარადისთვის მიერტყა, მაგრამ ვინაიდან ორი მხრიდან იყო, ექიმმა ჩათვალა საჭიროდ, მეტი ყურადღება გამოეჩინა ამ საკითხის მიმართ. თორემ იქ ასე ხელაღებით არ ჩანდა, რომ ვიღაცის მიერ იყო ნაცემი, ან სხვა სახის ძალადობა“.

შინაგან საქმეთა სამინისტროში გვითხრეს, რომ გამოძიება სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს და ისჯება თავისუფლების შეზღუდვით ვადით ორ წლამდე, ან პატიმრობით ერთიდან სამ წლამდე.
Print E-mail
Twitter
სხვა მასალები
სამართალდამცველებმა
11:49 / 01.12.2022
სამართალდამცველებმა "ქურდულ სამყაროსთან" კავშირის ბრალდებით 5 პირი დააკავეს. მათგან ორი "ქურდული სამყაროს"
ცენტრი
10:57 / 01.12.2022
ცენტრი "ემპათია" პატიმრობაში მყოფი საქართველოს მესამე პრეზიდენტის, მიხეილ სააკაშვილის ჯანმრთელობის
ორგანიზებული ჯგუფის მიერ ყალბი დოკუმენტებით სახელმწიფოს კუთვნილი
დიდი ოდენობით
11:13 / 30.11.2022
ორგანიზებული ჯგუფის მიერ ყალბი დოკუმენტებით სახელმწიფოს კუთვნილი დიდი ოდენობით
საქართველოს ახალგაზრდა იურისტთა ასოციაციამ ზუგდიდში შეხვედრა
გამართა, სადაც
16:41 / 29.11.2022
საქართველოს ახალგაზრდა იურისტთა ასოციაციამ ზუგდიდში შეხვედრა გამართა, სადაც
კორონავირუსი

საბჭოთა რეპრესიები

ვიდეო
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
რობოტი „თამადა“ და კედლის სათბური - ზუგდიდელი ახალგაზრდების გამოგონება ბაზარზე გასავლელად ემზადება [ვიდეო]
ზუგდიდში ახალგაზრდები მუდმივად უჩივიან შემეცნებით-გასართობი სივრცეების სიმწირეს, სადაც იდეების
როგორ დავსაქმდე - ზუგდიდში სამუშაოს მაძიებლებისთვის ონლაინ პლატფორმა შეიქმნა  [ვიდეო]
უმუშევრობა საქართველოსთვის ერთ-ერთი მთავარი გამოწვევაა. ადამიანები ასაკის და სქესის განურჩევლად სამსახურს ეძებენ,
საოკუპაციო ხაზთან მცხოვრები მოზარდები ცვლილებებისთვის [ვიდეო]
ახალგაზრდებს, რომლებიც სოფლად ცხოვრობენ, გაცილებით მეტი საჭიროებები აქვთ. იმისთვის, რომ განვითარდნენ და გარემო
80 წლის კეკე მასწავლებელი სოფელ ხაბუმედან [ვიდეო]
მერი (კეკე) გულუა უკვე 60 წელია ჩხოროწყუს სოფელ ხაბუმეს სკოლაში ასწავლის. რამდენიმე წლის წინ სახელმწიფოს
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.