ახალი ამბები
აზიური ფაროსანას წინააღმდეგ მთავრობას ახალი სტრატეგია აქვს
FaceBook Twitter
E-mail Print
სოფლის მეურნეობის სამინისტრომ აზიურ ფაროსანასთან საბრძოლველად ახალი სტრატეგია შეიმუშავა. „ნეტგაზეთის“ მიერ გავრცელებული ინფორმაციის მიხედვით, მავნებელთან ბრძოლა სამი მიმართულებით იგეგმება: მოსახლეობის ინფორმირება, მონიტორინგი და ქიმიური შეწამვლა.

სოფლის მეურნეობის სამინისტროს ინფორმაციით, აზიურ ფაროსანასთან საბრძოლველად ჯამში დაახლოებით 50 მლნ ლარი დაიხარჯება, თუმცა ამ თანხის ნაწილი, დაახლოებით 35 მლნ ლარის დახარჯვა 2017 წლის დეკემბერში მოხდება.

სამინისტროს განცხადებით, მიმდინარე წლის დეკემბერში წამლის და მანქანების შეძენა მოხდება. 2018 წლის ბიუჯეტში ფაროსნას წინააღმდეგ ბრძოლისთვის 14 მლნ გამოიყოფა. სამინისტროში განმარტავენ, რომ საერთო ჯამში მავნებელი მწერის წინააღმდეგ სახელმწიფო დაახლოებთ 50 მლნ ლარს დახარჯავს.

„მომავალი წლისთვის, ნაცვლად 12-სა 132 მანქანა გვექნება. ეს არის ჩვენი პარკის სერიოზული გაძლიერება, რათა დროის მოკლე მონაკვეთში ეფექტურად განვახორციელოთ მავნებელზე დარტყმა. ამავე მიზნებისთვის ჩვენ დაახლოებით 16 მლნ ლარის წამალს ვყიდულობთ,”-აცხადებს სოფლის მეურნეობის მინისტრის მოადგილე გიორგი ხანიშვილი.

სოფლის მეურნეობის სამინისტრო მავნებლის წინააღმდეგ პირეტროიდული ჯგუფის ბიფეტრინის შემცველ პრეპარატებს გამოიყენებს. კითხვაზე – საკმარისია თუ არა დაახლოებით 50 მლნ ლარი ფაროსნას წინააღმდეგ საბრძოლველად, გიორგი ხანაშვილი გვპასუხობს, რომ ეს თანხა საკმარისია წამლის და ტექნიკის შესაძენად.

„ჩვენ გვაქვს რაიონები, სადაც შეიძლება ერთი ფაროსანა იყოს ან ორი. ბუნებრივია, აქ მასიური ბრძოლა და მილიონების ხარჯვა ამ ეტაპისთვის საჭირო არ არის,”-აცხადებს გიორგი ხანიშვილი.

მინისტრის მოადგილე განმარტავს, რომ 2017 წელს სამინისტრო მონიტორინგს მთელი საქართველოს მასშტაბით ახორციელებდა და ეს მონიტორინგი 2018 წელსაც გაგრძელდება. მონიტორინგის ფარგლებში, დაგეგმილია სპეციალური დამჭერი ხაფანგების (ფერომონების) განთავსება. მონიტორინგის შედეგების მიხედვით დაიგეგმება შესაბამისი ღონისძიებები, როგორიცაა ქიმიური წამლობა. გიორგი ხანაშვილის თქმით, მონიტორინგი 30-40 ათასი ფერომონების დაყენებას გულისხმობს, რაც ინფორმაციის მიღებას მთელი საქართველოდან უზრუნველყოფს.

„იმ რაიონებში, სადაც დამაზიანებელი რაოდენობის ფაროსანა იქნება, მის წინააღმდეგ ბრძოლა წარიმართება როგორც აღმოსავლეთ, ისე დასავლეთ საქართველოში. მომავალ წელს მნიშვნელოვანი იქნება მოსახლეობა როგორ იბრძოლებს მავნებლის წინააღმდეგ, რადგან 800 ათასი ფერმერის გასაკეთებელს სახელმწიფო ვერ გააკეთებს,”- აცხადებს გიორგი ხანიშვილი.
შვეიცარიაში ბიოლოგიური კონტროლის ლაბორატორიის ხელმძღვანელია ტიმ ჰეი კი ხელისუფლებას ურჩევს გააგრძელოს მონიტორინგი და ნარგავების ქიმიური დამუშავება.

„შვეიცარიაში ამ წლამდე ფაროსანა არ გამოჩენილი, თუმცა იტალიაში ეს დიდი ხანია არსებობს და სერიოზული პრობლემაა. ქიმიური საშუალებების გამოყენება ეფექტურია, მაგრამ ფაროსანა ვრცელდება ბუნებაშიც, სადაც ქიმიურ წამალს ვერ გამოიყენებ. ამიტომ ჩვენ ვცდილობთ ქიმიური და ბიოლოგიური საშუალებები გამოვიყენოთ. მაგალითად, წელს ვაპირებთ ჩინეთიდან შემოვიყვანოთ ჩინური კრაზანა, რომელიც ანადგურებს ფაროსანას კვერცხებს. იმედი გვაქვს ეს კარგ შედეგს გამოიღებს,”- აცხადებს ტიმ ჰეი.

მისივე თქმით, ბუნებრივი მტრის გავრცელებას რამდენიმე წელი სჭირდება, თუმცა ეს მეთოდი საკმაოდ ეფექტურია. აზიური ფაროსანა დასავლეთ საქართველოში 2015 წელს დაფიქსირდა.

სურსათის ეროვნული სააგენტოს ინფორმაციით, 2016 წელს მავნებელმა მწერმა მეთხილეობის დარგს 50–60 მილიონი ლარის ზარალი მიაყენა. რა თანხა იზარალეს ფერმერებმა 2017 წელს ჯერჯერობით უცნობია.
Print E-mail
Twitter
სხვა მასალები
ინტერნეტგამოცემა
11:47 / 01.02.2023
ინტერნეტგამოცემა "ლაივპრესი" ინფორმაციას, რეგიონში, თუ ქვეყნის მასშტაბით მიმდინარე მოვლენებზე,
5 იანვრამდე საქართველოში უმეტესად უნალექო ამინდია მოსალოდნელი.
გარემოს ეროვნული
13:55 / 30.12.2022
5 იანვრამდე საქართველოში უმეტესად უნალექო ამინდია მოსალოდნელი. გარემოს ეროვნული
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც
უკრაინისა და საქართველოსთვის
10:28 / 30.12.2022
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც უკრაინისა და საქართველოსთვის
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი
მედლით დააჯილდოვა
16:13 / 29.12.2022
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი მედლით დააჯილდოვა
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.