ზუგდიდის მთავარი ნაძვის ხე განათდა [ფოტო]
ახალი წლის მთავარი სიმბოლოს განათების ცერემონიალზე მოსწავლე ახალგაზრდობის სასახლის აღსაზრდელებმა მეგრული სიმღერა კირიალესა შეასრულეს.
ზუგდიდის მუნიციპალიტეტის მერიის ინფორმაციით, საახალწლო მორთულობის შესაძენად მიმდინარე წელს თანხა არ დახარჯულა, რადგან თბილისის მერიამ ურთიერთშეთანხმების საფუძველზე, თხოვების ფორმით გადმოსცა ზუგდიდს სადღესასწაულო სანათები და სხვადასხვა სახის კონსტრუქციები.
ქალაქის მერიის ინფორმაციით, უკვე ხვალიდან დაიწყება სხვადასხვა სახის კულტურული ღონისძიებები. 25 დეკემბერს წარმატებული სპორტმსმენების და მათი მწვრთნელების დაჯილდოების ცერემონიალი გაიმართება, 27 დეკემბერს კი მერის საბავშვო-საახალწლო მიღება, 29 დეკემბერი, 14:00 საათი - ბავშვთა ანსამბლების საახალწლო კონცერტი.
31 დეკემბერი, 22:00 საათი - საახალწლო გალა-კონცერტი [სკეიტ-პარკი], 31 დეკემბერი, 24 საათი - ფოიერვერკი, 3 იანვარი, 13:00 საათი - თოჯიონების თეატრი- საახალწლო ზღაპარი ყველაზე პატარა მაყურებლებისთვის [კულტურის ცენტრ ოდიშის დარბაზი], 7 იანვარი, 12:00 საათი - საშობაო ალილო.