ახალი ამბები
საია მოუწოდებს ზუგდიდის მერიას, შეასრულოს სასამართლოს გადაწყვეტილება
FaceBook Twitter
E-mail Print
ახალგაზრდა იურისტთა ასოციაცია მიმართავს ზუგდიდის მერიას, აღადგინოს თანამდებობებზე 2016 წელს გამგეობიდან გათავისუფლებული რვა პირი. ამის შესახებ საიას ადგილობრივი ორგანიზაციის ხელმძღვანელმა ჯემალ ჭკადუამ ბრიფინგზე ჟურნალისტებს განუცხადა. მისი თქმით, ქუთაისის სააპელაციო სასამართლოს 2017 წლის 11 ოქტომბრის გადაწყვეტილების დასაბუთებული გადაწყვეტილება მხოლოდ ახლა მიიღეს, რომლის მიხედვითაც, დათხოვნის ბრძანებები ბათილად ცნეს, ეს ადამიანები კი ზუგდიდის მერიამ პოზიციებზე უნდა აღადგინოს:

„როგორც კი გამოიტანა ეს გადაწყვეტილება, გაკეთდა განცხადება, რომ ზუგდიდის გამგეობას არავითარი ვალდებულება არ ეკისრებოდა საჯარო მოხელეთა მიმართ. მაგრამ, სააპელაციო სასამართლომ თავის გადაწყვეტილებაში განმარტა, მას შემდეგ, რაც ზემდგომი ორგანო, ან სასამართლო ბათილად ცნობს საჯარო მოხელეების სამსახურიდან გათავისუფლების აქტს, საჯარო სამსახურის შესახებ 118-ე მუხლით ადმინისტრაციულ ორგანოს, ამ შემთხვევაში ზუგდიდის გამგეობას ვალდებულება ეკისრება, აღნიშნული პირები იმავე თანამდებობაზე აღადგინოს“.

ჯემალ ჭკადუას თქმით, იმ შემთხვევაში, თუ ეს თანამდებობები არ არსებობს, უნდა მოხდეს მათი ტოლფას პოზიციებზე აღდგენა. ხოლო, თუ ესეც არ მოქმედებს, მაშინ საჯარო ბიუროს უნდა მიმართონ და ეს პირები სხვა ადმინისტრაციულ ორგანოში ტოლფას სამუშაო ადგილებზე დასაქმდნენ. პარალელურად, საიას წარმომადგენლის თქმით, უნდა მოხდეს განაცდურის ანაზღაურებაც.

ჯემალ ჭკადუას თქმით, როგორც მათთვის არის ცნობილი, შესაძლოა ეს გადაწყვეტილება მერიამ უზენაეს სასამართლოში გაასაჩივროს. თუმცა, დარმუნებული არიან, რომ სააპელაციოს მიერ მიღებული გადაწყვეტილება ძალაში დარჩება, რადგან ამ საქმეზე დასაბუთებული გადაწყვეტილება უკვე არსებობს.

„თუ მაინც იტყვიან უარს აღდგენაზე, გამოვითხოვთ სააღსრულებლო ფურცელს და მივმართავთ აღსრულების ბიუროს, უზრუნველყოს ამ გადაწყვეტილების აღსრულება“, - განმარტა საიას ზუგდიდის ოფისის ხელმძღვანელმა.

თავის მხრივ, ზუგდიდის გამგეობიდან გათავისუფლებულმა თანამშრომელმა ალიოშა ალანიამ განმარტა, რომ თავის დროზე, როცა ქუთაისის სასამართლოს გადაწყვეტილების შესახებ ინფორმაცია ფეისბუკის გვერდზე განათავსა, მას ჯერ კიდევ გამგეობის ადმინისტრაციული სამსახურის იურიდიული განყოფილების უფროსმა ნათია ჩიტაიამ სიცრუე უწოდა.

„სიცრუეში დამდო ბრალი, რომ მოვიგონე. გამოვითხოვე ქუთაისიდან აუდიოჩანაწერი და ავტვირთე. ახლა გამოჩნდა, რომ ეს სიცრუე არ იყო“, - აღნიშნა მან.

მაშინ ნათია ჩიტაიამ განაცხადა, რომ ქუთაისის სააპელაციო სასამართლომ ზუგდიდის რაიონული სასამართლოს გადაწყვეტილება მცირედით შეცვალა, თუმცა ეს არ შეხებია სარჩელის იმ ნაწილს, რომელიც ატესტაციის შედეგად დათხოვნილთა სამსახურში აღდგენას და მათი სახელფასო განაცდურის ანაზღაურებას გულისხმობდა.

სოფელ ყულიშკარის, ახალაბასთუმნის, ერგეტის, ოქტომბერის, ჩხოუშის, კოკის და შამგონის ყოფილი წარმომადგენლების, ასევე გამგეობის შემოსავლების განყოფილების ყოფილი უფროსის მტკიცებით, მათი გათავისუფლება პოლიტიკური მოტივით მოხდა. გამგეობაში ამ ბრალდებას თავიდანვე უარყოფდნენ და აცხადებდნენ, რომ გათავისუფლების მიზეზი კონკურსანტების არადამაკმაყოფილებელი შედეგებიდან გამომდინარე მიიღეს. ზუგდიდის გამგეობაში ატესტაცია 17, 18 და 19 ნოემბერს ჩატარდა. შედეგად 28 თანამშრომელი გათავისუფლდა, მათგან 11-მა ეს გადაწყვეტილება სასამართლოში გაასაჩივრა.

ზუგდიდის რაიონულმა მიმდინარე წლის 15 მაისს სასამართლომ ნაწილობრივ დააკმაყოფილა მუნიციპალიტეტის გამგეობიდან გათავისუფლებული 8 ყოფილი თანამშრომლის სარჩელი. ლაურა მიქავას გადაწყვეტილებით, ბათილად იქნა ცნობილი გამგებლის წარმომადგენლების სამსახურიდან დათხოვნის ბრძანება. ასევე, გამგეობის შემოსავლების განყოფილების თანამშრომლის, კახა კვარაცხელიას გათავისუფლება. ამ გადაწყვეტილების თანახმად, გამგებლის ყველა წარმომადგენელს ხელახლა უნდა ჩატარდეს კონკურსი. თუმცა ეს არ ეხება კახა კვარაცხელიას, რადგან მისი პოზიცია გაუქმებულია. მოსამართლემ არ დააკმაყოფილა სარჩელის ნაწილი, რომელიც განაცდურის ანაზღაურებას შეეხებოდა.

აღნიშნულთან დაკავშირებით მერიის კომენტარს მოგვიანებით შემოგთავაზებთ.
Print E-mail
Twitter
სხვა მასალები
ხობის მუნიციპალიტეტის სოფელ ხამისკურში ორსართულიანი საცხოვრებელი
სახლი ნაწილობრივ დაიწვა.
17:49 / 14.10.2019
ხობის მუნიციპალიტეტის სოფელ ხამისკურში ორსართულიანი საცხოვრებელი სახლი ნაწილობრივ დაიწვა.
რა დონეზეა მშვიდობის მშენებლობის სწავლება საქართველოში,
17:25 / 14.10.2019
რა დონეზეა მშვიდობის მშენებლობის სწავლება საქართველოში,
სადაც ხდება იმ ადამიანების შეწყალება, რომელზეც მთელი ქვეყანა მერე
დუღს, თუხთუხებს,
17:06 / 14.10.2019
სადაც ხდება იმ ადამიანების შეწყალება, რომელზეც მთელი ქვეყანა მერე დუღს, თუხთუხებს,
სასმელი წყლის მიწოდება ქალაქ გალს ერთი
13:37 / 14.10.2019
სასმელი წყლის მიწოდება ქალაქ გალს ერთი
ვიდეო
ბოტანიკური ბაღი გახსნამდე ერთი თვით ადრე [ვიდეო]
ზუგდიდის განახლებული ბოტანიკური ბაღი,
ბაღის იატაკი - საძინებელი თუ „მოსვენების კუთხე“?
ზუგდიდის მუნიციპალიტეტის სოფელ დარჩელის საბავშვო ბაღში უარყოფენ ბრალდებას,
თხილი ხარისხით ფასდება [ვიდეო]
სამეგრელოში თხილის მოსავლის აღება აქტიურად მიმდინარეობს.
27 წლის თვითნასწავლი ოსტატი ურთიდან [ვიდეო]
ზუგდიდის მუნიციპალიტეტის სოფელ ურთაში
ფოტო
გაფერადებული სვანეთი
სვანეთი წელიწადის ყველა დროს ლამაზია.
სპორტული მოედნები ზუგდიდში [ფოტო]
ზუგდიდის ცენტრალურ უბნებში სპორტული მოედნების ნაწილი დაზიანებულია,
ფოტოამბავი ოკუპირებული გალიდან
როგორ გამოიყურება ოკუპირებული ქალაქ გალის ცენტრი დღეს,
სახიფათო ორმოები საჯიჯაო-ნარაზენის გზაზე [ფოტო]
ზუგდიდის სოფელ ნარაზენის და ხობის მუნიციპალიტეტის
მესტიელი გიდი ტურისტებს ქორულდის ტბებზე ეპატიჟება [ფოტო]
სოციალურ ქსელში დაწყებული კამპანიის „გაატარე ზაფხული
მზარეულის მაგიდა
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.