აზიური ფაროსანას მასშტაბური გავრცელების თავიდან აცილების მიზნით, რუსეთი აფხაზეთის დე ფაქტო რესპუბლიკიდან პროდუქტების შეტანაზე შეზღუდვებს აწესებს. სააგენტო „აფხაზია-ინფორმის“ ცნობით, პროდუქტების იმპორტის დროებითი აკრძალვა 2 აპრილიდან ამოქმედდება და ის შეეხება ყველა სახის მცენარეული წარმოშობის ნაწარმს. მათ შორის საუბარია შეფუთულ და დაფასოებულ პროდუქტებზეც.

აფხაზური გამოცემა ასევე წერს, რომ რუსეთი აქტიურად ეხმარება ოკუპირებულ რეგიონს გავრცელებული მავნებლის განადგურებაში. გასულ წელს აზიურმა ფაროსანამ აფხაზეთში, ისევე როგორც დანარჩენ საქართველოში თხილის, სიმინდის და მანდარინის მოსავლის დიდი ნაწილი გაანადგურა.