ახალი ამბები
ნატოს დღეების აღნიშვნა სამეგრელო-ზემო სვანეთის მუნიციპალიტეტებში ხვალიდან დაიწყება
საქართველოში ნატოს დღეები ოფიციალურად დღეს გაიხსნა. დაგეგმილია სხვადასხვა სახის ღონისძიება სამეგრელო-ზემო სვანეთის მუნიციპალიტეტებში, რომელიც უკვე ხვალიდან, 17 აპრილიდან დაიწყება. მათ შორის იქნება საინფორმაციო შეხვედრები ადგილობრივი თვითმმართველობების, არასამთავრობო ორგანიზაციებისა და მედიის წარმომადგენლებთან, პედაგოგებთან, სტუდენტებთან. ნატოს დღეების ფარგლებში გაიმართება ტურნირი მინი-ფეხბურთში „ნატოს თასი“ სამეგრელო-ზემო სვანეთის რეგიონის ადგილობრივი თვითმმართველობების წარმომადგენლების მონაწილეობით.

ზუგდიდში 20 აპრილს, 16:30 საათზე, მერიის შენობაში ადგილობრივი თვითმმართველობის, არასამთავრობო ორგანიზაციების და მედიის წარმომადგენლებისთვის საქართველოს ევროატლანტიკური ინტეგრაციის შესახებ საინფორმაციო შეხვედრა მოეწყობა. მას გაუძღვებიან ნატოს სამეკავშირეო ოფისის წარმომადგენელი კრისტიან კოკვიკი და საქართველოს უსაფრთხოების და განვითარების ცენტრის დირექტორის მოადგილე გიორგი გოგუაძე, რომლებიც ორმხრივი თანამშრომლობის შესახებ ისაუბრებენ.

შეხვედრა შედგება ამავე დღეს შოთა მესხიას სახელობის ზუგდიდის სასწავლო უნივერსიტეტშიც. 24 აპრილს სამხატვრო გალერეაში ნახატები გამოიფინება თემატიკის შესაბამისად.

17 აპრილს ფოთის მერიაში სამეგრელო-ზემო სვანეთის ადგილობრივი თვითმმართველობის წარმომადგენლებისთვის საინფორმაციო შეხვედრა მოეწყობა. ორმხრივ ურთიერთობებზე ნატოს სამეკავშირეო ოფისის წარმომადგენელი ტორსტენ დერიკი ისაუბრებს.

20 აპრილს, 14:00 საათზე, წალენჯიხის მუნიციპალიტეტის კინოთეატრში პედაგოგებისა და ადგილობრივი თვითმმართელობის წარმომადგენლებისთვის საქართველოს ევროატლანტიკური ინტეგრაციის და ანტიდასავლურ პროპაგანდასთან ბრძოლის მეთოდების შესახებ იმსჯელებენ.

ამასთან, სენაკის, მარტვილის და სხვა მუნიციპალიტეტების საჯარო სკოლებში საინფორმაციო შეხვედრები მოეწყობა.

ნატოს დღეები წელს მეთერთმეტედ აღინიშნება. მისი მიზანია ალიანსისა და საქართველოსთან თანამშრომლობის შესახებ მოქალაქეების ინფორმირება.

წელს, ნატოს დღეები ნატოსა და ევროკავშირის შესახებ საინფორმაციო ცენტრის ორგანიზებით, საგარეო საქმეთა სამინისტროს მხარდაჭერით და თავდაცვის სამინისტროსთამ, საქართველოში ნატოს სამეკავშირეო ოფისთან და საქართველოში ბულგარეთის საელჩოსთან თანამშრომლობით იმართება.

ნატოს დღეები 1 მაისამდე გაგრძელდება.
| Print |  E-mail
FaceBook Twitter Google
სხვა მასალები ამ კატეგორიიდან






ზუგდიდის მუნიციპალიტეტი მეორედ დასახელდა ყველაზე სუფთა
მუნიციპალიტეტად.
12:26 / 19.01.2019
ზუგდიდის მუნიციპალიტეტი მეორედ დასახელდა ყველაზე სუფთა მუნიციპალიტეტად.






ოკუპირებულ ტერიტორიებზე მცხოვრები პირებისთვის საქართველოს
10:22 / 19.01.2019
ოკუპირებულ ტერიტორიებზე მცხოვრები პირებისთვის საქართველოს






ნიკოსეული სასახლე ოფიციალურად სავარაუდოდ მარტში გაიხსნება.
17:38 / 18.01.2019
ნიკოსეული სასახლე ოფიციალურად სავარაუდოდ მარტში გაიხსნება.






დიდ დიღომში საცხოვრებელ კორპუსში ბუნებრივი აირის დაგროვების შედეგად
17:34 / 18.01.2019
დიდ დიღომში საცხოვრებელ კორპუსში ბუნებრივი აირის დაგროვების შედეგად
ლაივპრესის სტუდია
ნიკოსეული სასახლის რეკონსტრუქცია დასრულდა, თუმცა ცალკეული სამუშაოები
ვიდეორეპორტაჟი
ცოცხალი ისტორიები
დემეტრე ლიპარტია - აგრარულ მეცნიერებათა დოქტორი
გრიგოლ დაგარგულია - აგვისტოს ომის რეზერვისტი
დიანა ქაჯაია - აბიტურიენტი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.