ზუგდიდში ნატოს თემაზე ნახატების კონკურსი გაიმართა [ვიდეო/ფოტო]
„მუშაობის დაწყებამდე ორი სიტყვით ვესაუბრებით მათ, მაგრამ ხატვის მომენტში ისინი თვითონ ირჩევენ ფორმებს“, - გვითხრა სამხატვრო სკოლის დირექტორმა ჯანსუღ ჭურღულიამ.
ხატვის პედაგოგ ნინო ჟვანიას თქმით, ბავშვები ნახატებში ძალიან საინტერესოდ წარმოადგენენ თავიანთ ხედვებს ნატოს შესახებ.
კონკურსში 40-მდე სხვადასხვა სკოლის მოსწავლემ მიიღო მონაწილეობა. გამოვლინდნენ გამარჯვებულები, რომლებიც სიგელებით დააჯილდოვეს.
„მუნიციპალიტეტის სხვადასხვა სკოლის მოსწავლეებმა მიიღეს მონაწილეობა ნახატების კონკურსში. ჟიურიმ სამი გამარჯვებული გამოავლინა. მინდა ყველა მონაწილეს ვუსურვო წარმატება და ასევე მადლობას ვუხდი ამ ღონისძიების ყველა პარტნიორს და მხარდამჭერს“, - განაცხადა ნატოსა და ევროკავშირის საონფორმაციო ცენტრის წარმომამდგენელმა ანა ცანავამ.