საქართველოში შიდა ფრენები გაძვირდა. ცვლილება დღეიდან ამოქმედდა. „საქართველოს აეროპორტების გაერთიანების“ ინფორმაციით, ქუთაისი-მესტიის ფრენის ღირებულება (ერთი გზა) 10 ლარით გაძვირდა და გახდა 50 ლარი. ნატახტარი-მესტიის მიმართულებით (ერთი გზა) გაზრდილია 25 ლარით და 90 ლარი გახდა. 35 ლარით მეტია თბილისი-ბათუმის ფრენის ღირებულება - გახდა 125 ლარი (ერთი გზა). უცვლელია მხოლოდ ნატახტარი-ამბროლაურის მიმართულების ფასი (50 ლარი).

შიდა ფრენებს ავიაკომპანია „აკ-ეარი“ ახორციელებს, რაზეც „საქართველოს აეროპორტების გაერთიანებასთან“ ხელშეკრულება აქვს გაფორმებული.