საზოგადოებრივი თავშეყრის ადგილებში თამბაქოს მოწევასთან დაკავშირებით ზუგდიდში კამპანია ჩატარდა
სიახლის მიხედვით, მწეველები თამბაქოს ვეღარ მოწევენ ნებისმიერი დანიშნულების შენობა-ნაგებობაში, საზოგადოებრივ ტრანსპორტში, საგანმანათლებლო დაწესებულებებსა და 18 წლამდე ასაკის პირებისთვის განკუთვნილ ადგილებში. ასევე, მოწევა იკრძალება სამედიცინო და ფარმაცევტული დაწესებულებების საკუთრებაში არსებულ ტერიტორიებზე, ბენზინგასამართი, გაზგასამართი და გაზგამანაწილებელი სადგურების, მათ კუთვნილ ტერიტორიებზე, სადაც ცეცხლსაშიში ნივთიერებები ინახება.
სამაგეროდ, მოწევა ნებადართული იქნება ტაქსსა და კატერში, ფიზიკური პირის სახლში, სამორინეში, წინასწარი დაკავების იზოლატორში, პენიტენციურ დაწესებულებაში, თამბაქოს კვამლის შემსწავლელ სპეციალიზებულ ლაბორატორიულ დანადგარში, სიგარაბარში, სტაციონარული ფსიქიატრიული და პალიატიური მკურნალობისთვის განკუთვნილ დაწესებულებებში, ხელმძღვანელის სპეციალური ბრძანების შემთხვევაში, აეროპორტის სატრანზიტო ზონაში თამბაქოს მოსაწევად გამოყოფილ ადგილას. სტადიონზე, რომელსაც ჰყავს ადმინისტრაცია.
წესების დარღვევისთვის პირი სხვადასხვა სანქციით დაჯარიმდება. კერძოდ, შენობა-ნაგებობაში ან/და მის კუთვნილ ტერიტორიაზე თამბაქოს მოწევისთვის ჯარიმად 500 ლარია განსაზღვრული.
მრავალბინიანი სახლის სადარბაზოში, სახურავსა და ლიფტში მოწევისთვის მოქალაქე 50 ლარით დაჯარიმდება.
კანონის დარღვევის შემთხვევაში დაწესებულება დაჯარიმდება 500 ლარით.
საზოგადოებრივი ტრანსპორტის მძღოლს ტრანსპორტში მოწევისთვის 500 ლარის გადახდა მოუწევს, ფიზიკურ პირს კი 50 ლარის.
განმეორების შემთხვევაში მოცემული ჯარიმების ოდენობა გაორმაგდება.