საქართველოს კულტურისა და სპორტის სამინისტროს ინიციატივით, კულტურული მემკვიდრეობის ევროპული წლის ფარგლებში, 19 მაისს, აქცია - „ღამე მუზეუმში“ მოეწყობა. აქციის ფარგლებში, საქართველოს თითქმის ყველა მუზეუმი დამთვალიერებელს სრულიად უფასოდ უმასპინძლებს და მრავალფეროვან პროგრამას შესთავაზებს. აქციას უერთდება დადიანების სასახლეთა ისტორიულ-არქიტექტურული მუზეუმი. დირექტორმა ლილი ბერაიამ „ლაივპრესს“ განუცხადა, რომ 18 და 19 მაისს მთელი დღის განმავლობაში მსურველებს შეეძლებათ უფასოდ დაათვალიერონ მუზეუმი.

„გვექნება გამოფენა, რომელიც მიეძღვნება საქართველოს რესპუბლიკის 100 წლისა და კონსტანტინე გამსახურდიას იუბილეს“, - განაცხადა ლილი ბერაიამ.

უფრო დეტალურად 19 მაისის ღონისძიების განრიგი ასეთია: 18:00 - 01:00 18:00 - საათამდე საქართველოს რესპუბლიკის 100 წლისა და კონსტანტინე გამსახურდიას იუბილესთან დაკავშირებული გამოფენა - „დიდოსტატი 125“ გაიმართება. 19:30 საათზე ეროვნული სამოსისადმი მიძღვნილი გამოფენა მოეწყობა, სადაც XIX-XX საუკუნის მუზუემში დაცული დადიანების ფოტომასალა და კოსტიუმების კოლექცია იქნება გამოფენილი.

აქციას „ღამე მუზეუმში“ საფუძველი ჩაეყარა 2005 წელს ევროსაბჭოს მიერ და მას შემდეგ რეგულარულად ტარდება ევროსაბჭოს წევრ ქვეყნებში. მოგვიანებით, აქციამ ფართო მასშტაბი მიიღო და გავრცელდა მსოფლიოს მრავალ ქვეყანაში. აქციის „ღამე მუზეუმში“ ტრადიციად დამკვიდრების ინიციატივით საქართველოს კულტურისა და ძეგლთა დაცვის სამინისტრო 2015 წელს გამოვიდა. Тре­вел-бло­гер Сподін Ігор розповів про столицю українського козацтва острів Хортиця.