ახალი ამბები
ექსპერტი: საკრებულოები წაუკითხავად აკოპირებენ დადგენილებებს, რაზეც კურიოზები მეტყველებს
გარდაცვლილის მჯდომარე მდგომარეობაში დაკრძალვის შესახებ ჩანაწერი ზუგდიდის მუნიციპალიტეტის ტერიტორიაზე სასაფლაოების მოწყობისა და მოვლა-პატრონობის წესში საკრებულოს 2011 წლის დადგენილებაშიც იყო.

საკანონმდებლო მაცნეში გამოქვეყნებული დოკუმენტის მიხედვით, 2011 წლის 12 ოქტომბრის №34 დადგენილების მე-8 მუხლში, სათაურით - "საფლავების მოწყობა და ექსპლუატაცია", მე-6 პუნქტად წერია, რომ გარდაცვლილის მჯდომარე მდგომარეობაში დაკრძალვისას მიწის შრე გვამზე საფლავსზედა ყრილის ჩათვლით უნდა იყოს სულ ცოტა 1 მეტრი.

დადგენილება დამტკიცებულია ზუგდიდის საკრებულოს თავმჯდომარე ლევან კონჯარიას მიერ, თუმცა მან „ლაივპრესთან“ საუბარში განაცხადა, რომ ამ ჩანაწერის შესახებ არაფერი იცის.

როდის გაჩნდა პირველად ასეთი ჩანაწერი მუნიციპალიტეტების დადგენილებებში, თვითმმართველობის ექსპერტის, კოტე კანდელაკისთვის უცნობია.

ის ვარაუდობს, რომ სასაფლაოების მოწყობის შესახებ მუნიციპალიტეტებმა დადგენილება თბილისის საკრებულოს მიერ მიღებული წესიდან გადმოიტანეს.
„ფაქტიურად ჩვენთან ეს წესები არ არსებობდა. თბილისში იყო გარკვეული მოთხოვნები სასაფლაოების მიმართ, პატარა ქალაქებსა და სოფლებში ეს ძალიან სტიქიურად ხდებოდა. ეს აქტიც მის დარეგულირებას ეხება, მაგრამ ის, რომ მუნიციპალიტეტების საკრებულოები თბილისიდან აკოპირებენ დადგენილებებს ისე, რომ არ კითხულობენ, ამაზე მეტყველებს თუნდაც ის კურიოზი, როცა ახმეტის საკრებულომ მეტროსადგურის სახელწოდებების შესახებ მიიღო ნორმატიული აქტი. რომ წაეკითხათ, ხომ არ მიიღებდნენ“, - გვითხრა კოტე კანდელაკმა.

მისივე თქმით, თუ მუნიციპალიტეტების საკრებულოებს დადგენილებების მიღებისას ექნებათ მეტი დასაბუთებული განმარტებები, თავიდან აიცილებენ საზოგადოების მხრიდან იმ გაუგებრობასა და ქილიკს, რაც სასაფლოების მოწყობის წესში მიცვალებულის მჯდომარე დაკრძალვის წესის შესახებ ჩანაწერის შეტანას მოჰყვა.

ზუგდიდის მუნიციპალიტეტის ტერიტორიაზე სასაფლაოების მოწყობისა და მოვლა-პატრონობის წესში შესული ჩანაწერი გარდაცვლილის მჯდომარე მდგომარეობაში დაკრძალვის შესახებ, სოციალურ ქსელში ხუმრობის მიზეზად იქცა.

საკრებულოს იურიდიულ, სამანდატო და ადამიანის უფლებათა დაცვის საკითხთა კომისიის თავმჯდომარე სანდრო სორდიას განმარტებით, სასაფლაოების მოწყობისა და მოვლა-პატრონობის წესში მსგავსი ჩანაწერი გამონაკლისი შემთხვევებისთვის გაკეთდა.

„არსებობს განსაკუთრებული შემთხვევები, როცა გარდაცვლილის ჰორიზონტალურ მდგომარეობაში დაკრძალვა შეუძლებელია. მაგალითად, ასეთი შეიძლება იყოს კატასტროფა, შეიძლება ადამიანი გაიყინოს და ა.შ. ეს არის გამონაკლისი შემთხვევებისთვის. არსებობს კიდევ რელიგიური კონფესიები, რომლებსაც განსხვავებული წესები აქვთ. შესაბამისად, დადგენილებაში არ არის ჩამოთვლილი ყველა სავარაუდო შემთხვევა იმიტომ, რომ ამომწურავი ჩამონათვალი შეუძლებელია დადგენილებაში იყოს. ამიტომ, ეს წესი არის მიღებული საგამონაკლისო შემთხვევებისთვის. ამავდროულად, ეს წესი ამ ფორმით მიღებულია სხვადასხვა მუნიციპალიტეტში. მას აქვს ყველანაირი სამართლებრივი ექსპერტიზა გავლილი, მათ შორის სამართლებრივი ზედამხედველობის ორგანოში", - განმარტა მან.
| Print |  E-mail
FaceBook Twitter Google
სხვა მასალები ამ კატეგორიიდან






წითელას ვირუსის გავრცელება

დაავადებათა კონტროლის ეროვნული ცენტრის ინფორმაციით, საქართველოში
წითელას ეპიდაფეთქებაა. ცენტრის მონაცემებით, ქვეყანაში მწვავე
ინფექციური ვირუსული დაავადების არეალები ძირითადად კახეთი, იმერეთი
და სამეგრელოა.

ზუგდიდის მუნიციპალიტეტის საზოგადოებრივი ჯანდაცვის ცენტრის
ხელმძღვანელის ნანა ოდიშარიას განცხადებით, სამეგრელო-ზემო სვანეთის
რეგიონის მასშტაბით, წითელას ვირუსის შემთხვევებმა დეკემბრიდან იმატა.
უკვე ინავრის თვეში კი 90-ზე მეტი შემთხვევა დაფიქსირდა.

საქართველოს მთავრობის გადაწყვეტილებით, წითელას აცრა საქართველოს
ყველა მოქალაქისთვის უფასოა.

სად უნდა მიხვიდეთ აცრებზე

ზუგდიდის მუნიციპალიტეტის საზოგადოებრივი ჯანდაცვის ცენტრის
ინფორმაციით, სამეგრელო-ზემო სვანეთის მასშტაბით სამედიცინო
დაწესებულებები უზრუნველყოფილი არიან შესაბამისი ვაქცინებით. ნანა
ოდიშარიას თქმით, ისინი 24 საათიან რეჟიმში, შაბათ-კვირის ჩათვლით
მუშაობენ.

რეგიონში აცრები ძირითადად პოლიკლინიკებში და „ ევექსის“ კლინიკებში
ტარდება. ასევე, შესაძლებელია აცრების თაობაზე მოქალაქეებმა მიმართონ
უბნის და სოფლის ექიმს.

პაციენტების მომართვინობა ხდება ასაკობრივი ჯგუფების შესაბამისად.
მაგალითად 15 წლამდე მოზარდების შემთხვევაში, აცრები გაკეთდება
პოლიკლინიკებში.

ვის ეხება აცრები

წითელას ვაქცინაცია შეეხება მოქალაქეებს, რომლებიც არ არიან აცრილები,
ან ვისაც არ ახსოვს, გაუკეთდა თუ არა შესაბამისი ვაქცინა ბავშვობაში.
პროფილაქტიკური აცრების ეროვნული კალენდრის მიხედვით, წითელას
საწინააღმდეგო აცრები ტარდება 1 წლის და 5 წლის ასაკში, ან,
არაგეგმიურად, ნებისმიერ სხვა დროს.

მოქალაქეებს, ვისაც ეს აცრა ერთჯერადად აქვს გაკეთებული, შეუძლიათ ამ
პროცესის მეორედ გავლა. ექიმები ირწმუნებიან, რომ ეს არ არის საფრთხის
შემცველი.

ვისაც გადატანილი აქვს წითელას ვირუსი, მას უკვე აქვს იმუნიტეტი
მასზე, თუმცა ნანა ოდიშარია ამბობს, რომ ასეთი მოქალაქეებიც უნდა
აიცრან, რადგან ვაქცინა, რომელიც ახლა კეთდება, არის წითელასთან
ერთად, წითურას და ყბაყურას საწინააღმდეგო. აცრილი ადამიანი მეტწილად
დაცულია წითელას ვირუსისგან, დაინფიცირების შემთხვევაში ვირუსი
მისთვის საფრთხეს არ წარმოადგენს და მარტივად იტანს.

რა არის წითელა?

წითელა მწვავე ვირუსული დაავადებაა. ვრცელდება სწრაფად. გადადის
ჰაეროვანი გზით და/ან დაავადებულთან უშუალო კონტაქტით. ახასიათებს
ცხელება, გამონაყარი, ხველება, რინიტი ან კონიუნქტივიტი.

იწყება ტემპერატურის მომატებით, რომელსაც თან ახლავს - ხველა, რინიტი,
კონიუნქტივიტი. სიმპტომების დაწყებიდან დაახლოებით 2-3 დღის შემდეგ
პირის ღრუში შეიძლება გაჩნდეს წვრილი, თეთრი გამონაყარი; 5-6 დღის
შემდეგ კი ავადმყოფის სხეულზე ჩნდება ვარდისფერი გამონაყარი.
თავდაპირველად სახეზე (შუბლზე), შემდეგ ვრცელდება მთელ სხეულზე,
ზემოდან ქვევით (კისერი, ტანი, ხელები, ფეხები, ტერფები).
12:40 / 19.01.2019
წითელას ვირუსის გავრცელება

დაავადებათა კონტროლის ეროვნული ცენტრის ინფორმაციით, საქართველოში წითელას ეპიდაფეთქებაა. ცენტრის მონაცემებით, ქვეყანაში მწვავე ინფექციური ვირუსული დაავადების არეალები ძირითადად კახეთი, იმერეთი და სამეგრელოა.

ზუგდიდის მუნიციპალიტეტის საზოგადოებრივი ჯანდაცვის ცენტრის ხელმძღვანელის ნანა ოდიშარიას განცხადებით, სამეგრელო-ზემო სვანეთის რეგიონის მასშტაბით, წითელას ვირუსის შემთხვევებმა დეკემბრიდან იმატა. უკვე ინავრის თვეში კი 90-ზე მეტი შემთხვევა დაფიქსირდა.

საქართველოს მთავრობის გადაწყვეტილებით, წითელას აცრა საქართველოს ყველა მოქალაქისთვის უფასოა.

სად უნდა მიხვიდეთ აცრებზე

ზუგდიდის მუნიციპალიტეტის საზოგადოებრივი ჯანდაცვის ცენტრის ინფორმაციით, სამეგრელო-ზემო სვანეთის მასშტაბით სამედიცინო დაწესებულებები უზრუნველყოფილი არიან შესაბამისი ვაქცინებით. ნანა ოდიშარიას თქმით, ისინი 24 საათიან რეჟიმში, შაბათ-კვირის ჩათვლით მუშაობენ.

რეგიონში აცრები ძირითადად პოლიკლინიკებში და „ ევექსის“ კლინიკებში ტარდება. ასევე, შესაძლებელია აცრების თაობაზე მოქალაქეებმა მიმართონ უბნის და სოფლის ექიმს.

პაციენტების მომართვინობა ხდება ასაკობრივი ჯგუფების შესაბამისად. მაგალითად 15 წლამდე მოზარდების შემთხვევაში, აცრები გაკეთდება პოლიკლინიკებში.

ვის ეხება აცრები

წითელას ვაქცინაცია შეეხება მოქალაქეებს, რომლებიც არ არიან აცრილები, ან ვისაც არ ახსოვს, გაუკეთდა თუ არა შესაბამისი ვაქცინა ბავშვობაში. პროფილაქტიკური აცრების ეროვნული კალენდრის მიხედვით, წითელას საწინააღმდეგო აცრები ტარდება 1 წლის და 5 წლის ასაკში, ან, არაგეგმიურად, ნებისმიერ სხვა დროს.

მოქალაქეებს, ვისაც ეს აცრა ერთჯერადად აქვს გაკეთებული, შეუძლიათ ამ პროცესის მეორედ გავლა. ექიმები ირწმუნებიან, რომ ეს არ არის საფრთხის შემცველი.

ვისაც გადატანილი აქვს წითელას ვირუსი, მას უკვე აქვს იმუნიტეტი მასზე, თუმცა ნანა ოდიშარია ამბობს, რომ ასეთი მოქალაქეებიც უნდა აიცრან, რადგან ვაქცინა, რომელიც ახლა კეთდება, არის წითელასთან ერთად, წითურას და ყბაყურას საწინააღმდეგო. აცრილი ადამიანი მეტწილად დაცულია წითელას ვირუსისგან, დაინფიცირების შემთხვევაში ვირუსი მისთვის საფრთხეს არ წარმოადგენს და მარტივად იტანს.

რა არის წითელა?


წითელა მწვავე ვირუსული დაავადებაა. ვრცელდება სწრაფად. გადადის ჰაეროვანი გზით და/ან დაავადებულთან უშუალო კონტაქტით. ახასიათებს ცხელება, გამონაყარი, ხველება, რინიტი ან კონიუნქტივიტი.

იწყება ტემპერატურის მომატებით, რომელსაც თან ახლავს - ხველა, რინიტი, კონიუნქტივიტი. სიმპტომების დაწყებიდან დაახლოებით 2-3 დღის შემდეგ პირის ღრუში შეიძლება გაჩნდეს წვრილი, თეთრი გამონაყარი; 5-6 დღის შემდეგ კი ავადმყოფის სხეულზე ჩნდება ვარდისფერი გამონაყარი. თავდაპირველად სახეზე (შუბლზე), შემდეგ ვრცელდება მთელ სხეულზე, ზემოდან ქვევით (კისერი, ტანი, ხელები, ფეხები, ტერფები).






ზუგდიდის მუნიციპალიტეტი მეორედ დასახელდა ყველაზე სუფთა
მუნიციპალიტეტად.
12:26 / 19.01.2019
ზუგდიდის მუნიციპალიტეტი მეორედ დასახელდა ყველაზე სუფთა მუნიციპალიტეტად.






ოკუპირებულ ტერიტორიებზე მცხოვრები პირებისთვის საქართველოს
10:22 / 19.01.2019
ოკუპირებულ ტერიტორიებზე მცხოვრები პირებისთვის საქართველოს






ნიკოსეული სასახლე ოფიციალურად სავარაუდოდ მარტში გაიხსნება.
17:38 / 18.01.2019
ნიკოსეული სასახლე ოფიციალურად სავარაუდოდ მარტში გაიხსნება.
ლაივპრესის სტუდია
ნიკოსეული სასახლის რეკონსტრუქცია დასრულდა, თუმცა ცალკეული სამუშაოები
ვიდეორეპორტაჟი
ცოცხალი ისტორიები
დემეტრე ლიპარტია - აგრარულ მეცნიერებათა დოქტორი
გრიგოლ დაგარგულია - აგვისტოს ომის რეზერვისტი
დიანა ქაჯაია - აბიტურიენტი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.