ახალი ამბები
პირველი საჯარო სკოლის იუბილე და პუტინის მხარდამჭერისგან მირთმეული საჩუქრები [ვიდეო]
FaceBook Twitter
E-mail Print
ზუგდიდის #1 საჯარო სკოლის 150 წლის იუბილე უხვსაჩუქრიანი გამოდგა, რაზეც ამავე სკოლის კურსდამთავრებულმა, რუსეთში მოღვაწე ბიზნესმენმა მიხეილ ხუბუტიამ იზრუნა. სკოლის იუბილის პარალელურად, ის დღეს საკუთარ დაბადების დღესაც ზეიმობდა. ბიზნესმენმა, რომელიც ცნობილია, როგორც რუსეთის პრეზიდენტის მხარდამჭერი და დაახლოებული პირი, სკოლის წარჩინებულ კურსდამთავრებულებს ძვირადღირებული მობილური ტელეფონები (iPhone 8), ხოლო პედაგოგებს და სკოლის დირექტორს ლეპტოპები გადასცა. დღესვე ახალგაზრდებს ქალაქში საცურაო აუზის მშენებლობას დაჰპირდა.

„მადლობა ქალაქის ხელმძღვანელობას, რომ ხუბულავას ქუჩაზე მოგვცა მიწა. მე აგიშენებთ საცურაო აუზს ოლიმპიური სტანდარტების, როგორც კი გადმოგვცემენ ამ მიწას. ერთ წელიწადში შეგიძლიათ იცურაოთ“, - განაცხადა მიხეილ ხუბუტიამ.

საჩუქარი დღეს მან თავადაც მიიღო. ერთ-ერთმა დაჯილდოვებულმა მოსწავლემ, მას როგორც განსაკუთრებული დამსახურების სტუმარს, ოჯახის მფარველი ხატი აჩუქა, სკოლამ კი საპატიო კურსდამთავრებულის სიგელი მიანიჭა. იგივე სიგელი ბიზნესმენთან ერთად ერგო მერიის თანამშრომელ ლავრენტი კემულარიას, მეოთხე საჯარო სკოლის დირექტორ ნათია ხუფაცარიას და მერის მოადგილე გია გულორდავას.

პედაგოგმა დოდო შერვაშიძემ კი სიტყვით გამოსვლისას, სადაც მან სკოლის წარმატეებებზე და განვლილ სიძნელეებსა თუ დამსახურებაზე ისაუბრა, მიმართა მიხეილ ხუბუტიას, მას დაბადების დღე მიულოცა, ბიზნესმენის დედას კი „კარგი შვილის გაზრდისთვის“ მადლობა გადაუხადა.

თავის მხრივ, მიხეილ ხუბუტიამ მოსწავლეებისა და მასწავლებლების პარალელურად, საჩუქარი მოწვეულ სტუმრებსაც გაუკეთა. ეს იყო კონცერტი თბილისიდან მოწვეული მომღერლების მონაწილეობით. სკოლის ეზოში მოწყობილ სცენაზე იმღერა მანანა თოდაძემ, „ქუჩის ბიჭებმა“, ელენე კალანდაძემ, ბესიკ კალანდაძემ და დავით ძიძიგურმა. მანამდე საათ-ნახევრის განმავლობაში სცენაზე საკუთარი ნომრები წარადგინეს მოსწავლეებმა. სტუმრებს ანსამბლ „ოდოიასთან“ ერთად უმღერა სკოლის დირექტორმა ნინო გოგინავამაც.

ღონისძიების სტუმრებს შორის იყვნენ სკოლის უხუცესი მასწავლებლები, კურსდამთავრებულები და მოსწავლეების მშობლები. მათ სიტყვით მიმართა რესურსცენტრის ხელმძღვანელმა კახა ფარცვანიამ. მან სტუმრებს განათლების მინისტრის, მიხეილ ჩხენკელის სახელით მიულოცა და აღნიშნა, რომ ევროპის ქვეყნებში მივლინების გამო ვერ შეძლო სკოლაში მისვლა.

„ლაივპრესის“ კითხვის საპასუხოდ, როგორ აფასებს მიხეილ ხუბუტიას, როგორც ვლადიმირ პუტინთან დაახლოებული პირის მხრიდან ღონისძიების თანაორგანიზატორობას, იმ ფონზე, როცა ეს მოქალაქეთა ნაწილში გაღიზიანებას იწვევს, აღნიშნა:

„ადამიანები როცა შეფასებებს აკეთებენ, ეს არის მათი ინიდივიდუალური და პირადი. ნეტა მე მქონდეს შესაძლებლობა, მეთერთმეტე საჯარო სკოლის კურსდამთავრებული ყველა ასე გავახარო, როგორც მიხეილმა დღეს გაახარა. ადამიანმა თავისი პიროვნული სურვილით გააკეთა ეს და მე ამაში ვერაფერს ცუდს ვერ ვხედავ“, - განაცხადა კახა ფარცვანიამ.

სკოლის დირექტორ ნინო გოგინავას განმარტებით კი, საგანმანათლებლო დაწესებულებას ხშირად აკითხავენ და ეხმარებიან კურსდამთავრებულები, მათ შორის მიხეილ ხუბუტიაც. თავად ბიზნესმენმა ჟურნალისტებს კომენტარზე უარი განუცხადა.

სკოლის 150 წლის იუბილეზე კონცერტის პარალელურად, სტუმრებისთვის სკოლის ეზოშივე იყო გაშლილი სუფრა. ღონისძიების ბოლოს სიმბოლურად გაჭრეს ტორტი და ცაში გაუშვეს ფერადი ბუშტები.

ცნობისთვის, ზუგდიდელი ბიზნესმენი და „ქართველთა კავშირის“ დამფუძნებელი მიხეილ ხუბუტია, რომელიც წლებია რუსეთში ცხოვრობს, ღიად უჭერს მხარს ვლადიმირ პუტინს. ინტერნეტ სივრცეში იძებნება როგორც მისი შესაბამისი განცხადებები, ასევე ფოტო, სადაც აცვია მაისური რუსეთის პრეზიდენტის გამოსახულებით. რუსული პოლიტიკის მხარდამჭერი განცხადებების გამო ქართველი ბიზნესმენი ხშირად ხდება საზოგადოების მხრიდან კრიტიკის და ლანძღვის ობიექტი. 2014 წელს თბილისში, ერთ-ერთ რესტორანში მას რამდენიმე ადამიანმა სცემა. ხუბუტია მაშინ აცხადებდა, რომ თავდამსხმელები რუსეთს და პუტინს აგინებდნენ. ფეისბუკზე, მის ოფიციალურ გვერდზე კი ამ დრომდე იძებნება ორი თვის წინ ატვირთული ვიდეო, სადაც თბილისის გადაწვეტილებას ეხმაურება, შვეიცარიის საელჩოდან რუსეთის სექციის თანამშრომლის გაძევებაზე. მან საქართველო ბაყაყს შეადარა, რომელიც მოჯირითე ცხენების გვერდით ხტუნავს.

Print E-mail
Twitter
სხვა მასალები
ზუგდიდის საზოგადოებრივი ჯანდაცვის ცენტრის ინფორმაციით,
კორონავირუსზე 56 პირი გამოიკვლიეს.
20:03 / 05.06.2020
ზუგდიდის საზოგადოებრივი ჯანდაცვის ცენტრის ინფორმაციით, კორონავირუსზე 56 პირი გამოიკვლიეს.
საყოველთაო ამნისტიის მოთხოვნით, ზუგდიდის ბულვარში აქია გაიმართა.
19:30 / 05.06.2020
საყოველთაო ამნისტიის მოთხოვნით, ზუგდიდის ბულვარში აქია გაიმართა.
ზუგდიდის საკრებულომ ქუჩების ორიენტირების და ნუმერაციის აღმნიშვნელი
აბრის ახალი ნიმუშები მოიწონა.
18:25 / 05.06.2020
ზუგდიდის საკრებულომ ქუჩების ორიენტირების და ნუმერაციის აღმნიშვნელი აბრის ახალი ნიმუშები მოიწონა.
ჩვენ ვთვლით, რომ ღვთისმშობლის ფრესკა კვართით ხელში, ეს არის ჩვენი
როგორც რელიგიური,
17:58 / 05.06.2020
ჩვენ ვთვლით, რომ ღვთისმშობლის ფრესკა კვართით ხელში, ეს არის ჩვენი როგორც რელიგიური,
ვიდეო
აფხაზეთში მიმავალი ხიდი მგზავრების გარეშე [ვიდეო]
აფხაზეთ-სამეგრელოს დამაკავშირებელ ენგურის ხიდზე
საყიდლებზე და რესტორანში ახალი წესებით [ვიდეო/ფოტო]
მუშაობა განაახლეს პანდემიის გამო 3 თვის წინ დახურულმა
მუნიციპალურმა ტრანსპორტმა ახალი წესებით მუშაობა განაახლა [ვიდეო/ფოტო]
პანდემიის გამო 2 თვის წინ გაჩერებული საზოგადოებრივი
ზუგდიდში სილამაზის სალონების უმრავლესობამ მუშაობა განაახლა [ვიდეო/ფოტო]
საქართველოში დღეიდან, 18 მაისიდან განაახლეს მუშაობა
ზუგდიდის ბოტანიკური ბაღი გაიხსნა [ვიდეო]
საგანგებო მდგომარეობის გამო, დაახლოებით 2 თვის წინ დაკეტილი
ფოტო
როგორ ხედავენ ბავშვები კორონავირუსს [ფოტოამბავი]
კოვიდ-19 მხოლოდ უფროსებს არ ეხებათ და მასზე ბავშვებმაც
ზუგდიდი კარანტინში [ფოტოამბავი]
კორონავირუსის გავრცელების შეჩერების მიზნით, სამეგრელო
ზუგდიდში რესტორნები გატანის სერვისზე გადავიდნენ [ფოტო]
კორონავირუსის გავრცელების რისკების პრევენციისთვის
მგზავრებისგან დაცლილი ენგურის ხიდი [ფოტო]
ოკუპირებული აფხაზეთის და დანარჩენი საქართველოს
მზარეულის მაგიდა
ხარკალია ლებია
ხარკალია, ძველი მეგრული კერძია, რომლის მთავარი ინგრედიენტი
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი მეგრული კერძი,
ესპანური სასმელი საახალწლოდ [ვიდეო]
ესპანური სანგრია, რომელიც სასიამოვნო გემოვნური თვისებებით
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.