ყინულის სახლის რეკონსტრუქციისთვის 387 ათას 453 ლარის გამოყოფაზე დღეს ზუგდიდში საკრებულოს სხდომაზე იმსჯელეს.

საფინანსო-საბიუჯეტო და სარევიზიო კომისიის თავმჯდომარე დავით გახარიას განცხადებით, თანხა საქართველოს რეგიონული პროექტების ფონდიდან გამოიყო.

„წარმოდგენილია მუნიციპალიტეტის 2018 წლის ბიუჯეტის ცვლილებები, რომლის თანახმად, საქართველოს რეგიონში განსახორციელებელი პროექტების ფონდიდან გამოყოფილი თანხის 7 მილიონ 337 ათს 151 ლარი გადიდდება 387 ათას 453 ათასი ლარით, ეს თანხმა კი მიმართულია ზუგდიდის მუნიციპალიტეტში არსებული ყინულის მოედნის რეაბილიტაციისათვის“, - აღნიშნა მან.

ზუდიდის მუნიციპალიტეტის საკრებულომ მიმდინარე წლის თებერვალში მოიწონა ყინულის მოედნის რეკონსტრუქციის პროექტი, რომელიც მთავრობას გადაეგზავნა.

ზუგდიდის ყინულის მოედანი წლებია არ ფუნქციონირებს. მერიის ეკონომიკისა და ინფარსტრუქტურის განვითარების სამსახურში „ლაივპრესს“ შარშან დეკემბერში განუცხადეს, რომ მოედანი იანვრის თვეში გაიხსნებოდა. დაწესებულების აღდგენის სამუშაოებისთვის შარშან ადგილობრივი ბიუჯეტიდან 154 ათასი ლარი გამოიყო.