ახალი ამბები
მესტიაში მოკლული დეპუტატის საქმეზე ექვს მოწმეს სასამართლო იბარებს
მესტიაში მოკლული საკრებულოს წევრის, ლომარ ნიგურიანის საქმეზე ექვს მოწმეს სასამართლოს უწყებით დაიბარებენ. შესაბამისი შუამდგომლობით პროკურორმა ლევან ფიფიამ მოსამართლე შოთა ბიჭიას მიმართა. მისი განმარტებით, დღევანდელ სხდომაზე ყველა მათგანი დაიბარა, თუმცა ზოგისგან უარი მიიღო, რამდენიმე კი მოსვლას დაჰპირდა, თუმცა უშედეგოდ. მოსამართლემ ეს შუამდგომლობა დააკმაყოფილა.

სასამართლომ ასევე იმსჯელა ბრალდებულ მამუკა ნიგურიანის მიმართ აღკვეთის ღონისძიების შეცვლაზე და პატიმრობაში დარჩენის გადაწყვეტილება კვლავ ძალაში დატოვა. გაიზიარა პროკურორის არგუმენტი, რომ ყველა ის საფრთხე, რის გამოც თავის დროზე მკვლელობაში ბრალდებულს პატიმრობა შეეფარდა, კვლავაც არსებობს. ადვოკატმა როზეტა ზარქუამ კი აღნიშნა, რომ მას მისი დაცვის ქვეშ მყოფთან კონსულტაციები არ გაუვლია, შესაბამისად არ იცის სასამართლოში გამოუცხადებლობის მიზეზი. ამიტომაც ფიქრობს, მის მიმართ აღკვეთის არცერთი ზომა არ უნდა გამოიყენონ.

პროკურორ ლევან ფიფიას დღეს კიდევ ორი შუამდგომლობა ჰქონდა -  სამი ექსპერტის დისტანციურად დაკითხვა, რომლებიც სამსახურებრივი საქმიანობის გამო ზუგდიდში ჩამოსვლას ვერ ახერხებენ და ასევე მაისის თვეში მიღებული ბალისტიკური და ბიოლოგიური ექსპერტიზების საქმის მასალებისთვის დართვა. ორივე შუამდგომლობა მოსამართლემ დააკმაყოფილა.

დღეს სულ ორი მოწმე დაიკითხა. ექსპერტებმა სასამართლოს მიაწოდეს ინფორმაცია, მათ მიერ განხორციელებული საგამოძიებო მოქმედებების შესახებ.

სხდომას გარდაცვლილის ოჯახის წევრები არ დასწრებიან. საქმის განხილვა 10 აგვისტოს, 14:00 საათზე განახლდება.

შინაგან საქმეთა სამინისტროს ინფორმაციით, 25 დეკემბერს დაბა მესტიაში, აგრარული ბაზრის მიმდებარე ტერიტორიაზე, პირადი კონფლიქტის საფუძველზე დაწყებული ურთიერთშელაპარაკებისას, 1978 წელს დაბადებულმა მ.ნ.-მ ავტომატური ცეცხლსასროლი იარაღიდან რამდენიმე გასროლით მესტიის საკრებულოს წევრს, მუცლის არეში რამდენიმე ჭრილობა მიაყენა და შემთხვევის ადგილიდან მიიმალა. ლომარ ნიგურიანი საავადმყოფოში გადაიყვანეს, სადაც მიყენებული ჭრილობების შედეგად გარდაიცვალა. მომხდართან დაკავშირებით, სამეგრელო-ზემო სვანეთის პოლიციის დეპარტამენტში გამოძიება განზრახ მკვლელობის ფაქტზე დაიწყო.

მოკლულის ოჯახი ფიქრობს, რომ საქმეზე გამოძიება თავიდანვე არასწორად დაიწყო და აქვთ ბევრი კითხვა, რომლებზეც პასუხებს ითხოვენ.
| Print |  E-mail
FaceBook Twitter Google
სხვა მასალები ამ კატეგორიიდან






ოკუპირებულ ტერიტორიებზე მცხოვრები პირებისთვის საქართველოს
10:22 / 19.01.2019
ოკუპირებულ ტერიტორიებზე მცხოვრები პირებისთვის საქართველოს






ნიკოსეული სასახლე ოფიციალურად სავარაუდოდ მარტში გაიხსნება.
17:38 / 18.01.2019
ნიკოსეული სასახლე ოფიციალურად სავარაუდოდ მარტში გაიხსნება.






დიდ დიღომში საცხოვრებელ კორპუსში ბუნებრივი აირის დაგროვების შედეგად
17:34 / 18.01.2019
დიდ დიღომში საცხოვრებელ კორპუსში ბუნებრივი აირის დაგროვების შედეგად






ზუგდიდის რაიონულმა გამოძიებისთვის ცრუ ინფორმაციის მიწოდებაში
ბრალდებული
16:53 / 18.01.2019
ზუგდიდის რაიონულმა გამოძიებისთვის ცრუ ინფორმაციის მიწოდებაში ბრალდებული
ლაივპრესის სტუდია
ნიკოსეული სასახლის რეკონსტრუქცია დასრულდა, თუმცა ცალკეული სამუშაოები
ვიდეორეპორტაჟი
ცოცხალი ისტორიები
დემეტრე ლიპარტია - აგრარულ მეცნიერებათა დოქტორი
გრიგოლ დაგარგულია - აგვისტოს ომის რეზერვისტი
დიანა ქაჯაია - აბიტურიენტი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.