ახალი ამბები
შსს: სამეგრელოში ქალებზე ძალადობის სტატისტიკა მაღალია [ვიდეო]
FaceBook Twitter
E-mail Print
შინაგან საქმეთა სამინისტროს ადამიანის უფლებათა დაცვის დეპარტამენტის და ომბუდსმენის წარმომადგენლებმა ზუგდიდის დემოკრატიული ჩართულობის ცენტრში ისაუბრეს ქალთა ძალადობისა და დისკრიმინაციის მიმართულებით ქვეყანაში არსებულ მდგომარეობაზე.

შსს-ს წარმომადგენლის, ბელა ფიფიას განცხადებით, სამეგრელოს რეგიონში სამეგრელოს რეგიონში ოჯახში ქალთა ძალადობისა და  მომართვიანობის სტატისტიკა მაღალია.

„ზოგადად, გასულ წლებთან შედარებით, სტატისტიკა არის გაზრდილი. სულ უფრო მეტი ქალი მიმართავს პოლიციას ძალადობისა და დისკრიმინაციის გამო. სამეგრელოს რეგიონში ამ ტიპის დანაშაულებების სტატისტიკა მაღალია“, - აღნიშნა სამინისტროს წარმომადგენელმა.

შეხვედრის ორგანიზატორის, დემოკრატიული ჩართულობის ცენტრების ქსელის დირექტორ ნინა ხატისკაცის განცხადებით, მიმართვიანობის სტატისტიკის ზრდა მეტყველებს მოქალაქეების ცნობიერების გაზრდაზე, თუმცა სახელმწიფოს ქალთა მიმართ ძალადობისა და დისკრიმინაციული დანაშაულებების შესამცირებლად მეტი ნაბიჯები აქვს გადასადგმელი.

„მიმართვიანობის სტატისტიკა არის ზრდადი, რაც ერთის მხრივ მეტყველებს იმაზე, რომ ცნობიერება არის გარკვეულწილად გაზრდილი, რომ ადამიანებს უკვე ნაკლებად ეშინიათ, ძალადობის ან დისკრიმინაციის შემთხვევებში მიმართონ ოფიციალურ უწყებებს, თუმცა ეს საკმარისი არ არის და დღეს სწორედ იმაზე ვსაუბრობთ, თუ რა გამოწვევები არსებობს და სახელმწიფომ რა ნაბიჯები უნდა გადადგას შემდეგში“, - აღნიშნა მან.

მისივე თქმით, ამ მიმართულებით მნიშვნელოვანია ადგილობრივი თვითმმართველობის ორგანოების ჩართულობა.

შეხვედრაზე მყოფმა მერიის წარმომადგენელმა გოგი რევიამ ისაუბრა იმ პროგრამებზე, რომელიც ზუგდიდის მუნიციაპლიტეტში ძალადობის მსხვერპლი ქალებისთვის ხორციელდება.

„მერია ძალადობის მსხვერპლი ქალებისთვის 800 ლარიან ერთჯერად ფულად დახმარებას გასცემს. ასევე უზრუნველყოფს ბინის ქირას“, - განაცხადა გოგი რევიამ.

შეხვედრის მონაწილე მოქალაქეებმა და არასამთავრობო ორგანიზაციების წარმომადგენლებმა ქალთა უფლებების მხრივ რეგიონში არსებულ მდგომარეობაზე ისაუბრეს.

მოქალაქე თეონა ქარდავას თქმით, ქალთა უფლებებზე საინფორმაციო შეხვედრები არა მხოლოდ ფოკუს ჯგუფებში, არამედ სოფლად მოსახლეობაში უნდა ტარდებოდეს.

„თანასწორობის მოძრაობის“ ზუგდიდის ოფისის ხელმძღვანელი ემზარ კვარაცხელია დაინტერესდა, თუ რას აკეთებს სახელმწიფო და კერძოდ შსს, როცა საჯარო მოხელეები და პოლიციის თანამშრომელები სოციალურ ქსელებში ავრცელებენ ჰომოფობიურ და სიძულვილის ენის შემცველ განცხადებებს.

პასუხად შსს-ს წარმომადგენელმა განაცხადა, რომ ძალადობისა და დისკრიმინაციის შემთხვევებზე სამინისტროში მუშაობს ცალკე დეპარტამენტი, რომელიც მომართვიანობის შემთხვევაში მსგავს ფაქტებზე რეაგირებს.

მისივე ცნობით, უწყებაში მიდის მუშაობა ასევე იმ მიმართულებით, რომ ევროპული ქვეყნების მსგავსად, საქართველოშიც დაინერგოს მოძალადეებისთვის სპეციალური, ელექტრონული სამაჯურების ტარების პრაქტიკა.

„მიმდინარეობს მუშაობა, თუმცა ამ ეტაპზე გვაქვს სამაჯურების შეზღუდული რაოდენობა. ამიტომ არ ვართ ჩამოყალიბებულები, შემაკავებელი ორდერის გამოწერის დროს გავუკეთოთ სამაჯური მოძალდეს, თუ მსჯავრის მოხდის შემდეგ. ალბათ უახლოეს მომავალში არასამთავრობო ორგანიზაციებთან მსჯელობის შემდეგ გადავწყვეტთ“, - განაცხადა ბელა ფიფიამ.

საინფორმაციო შეხვედრა ქალთა უფლებების, ოჯახში ძალადობის და დისკრიმინაციის საკითხებზე, დემოკრატიული ჩართულობის ცენტრების ქსელის ორგანიზებით გაიმართა.

Print E-mail
Twitter
სხვა მასალები
5 იანვრამდე საქართველოში უმეტესად უნალექო ამინდია მოსალოდნელი.
გარემოს ეროვნული
13:55 / 30.12.2022
5 იანვრამდე საქართველოში უმეტესად უნალექო ამინდია მოსალოდნელი. გარემოს ეროვნული
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც
უკრაინისა და საქართველოსთვის
10:28 / 30.12.2022
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც უკრაინისა და საქართველოსთვის
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი
მედლით დააჯილდოვა
16:13 / 29.12.2022
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი მედლით დააჯილდოვა
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.