შალვა დადიანის სახელობის დრამატული თეატრის 70 წლის შენობა დანგრეულია. ახლის მშენებლობა რამდენიმე დღეში დაიწყება. სამუშაოების დასრულების სავარაუდო ვადა 2020 წელია. როგორც ზუგდიდის თეატრის დირექტორმა „ლაივპრესს“ განუცხადა, შენობის დანგრევის გადაწყვეტილება ექსპერტიზის შედეგების გაცნობის შემდეგ მიიღეს. სპეციალისტების დასკვნით, ფუნდამენტი მყარი არ იყო და რეკონსტრუქციას არ ექვემდებარებოდა.

სამუშაოებს ფონდი „ქართუ“ აფინანსებს, რისთვისაც ჯამში 12 მილიონი ლარია გამოყოფილი. პროექტის თანახმად, თეატრს ექნება ევროპული სტანდარტების ორი დარბაზი, საგრიმიორო, მუზეუმის განყოფილება და კაფე. სამშენებლო სამუშაოებს კომპანია „ატუ“ ატარებს.

ნახეთ, როგორი იქნება თეატრი ორ წელიწადში, გადაწიეთ ისარი.