ვიდეო
აგროტურისტული ფესტივალი ჩხოროწყუში [ვიდეო]
PLAYER_GET_VIDEOFLASH
ჩხოროწყუში, მუხურის მეფუტკრეობის ბაზაზე პირველი აგროტურისტული ფესტივალი გაიმართა. ფესტივალში მონაწილე ფერმერებს პავილიონებში მეგრული ღვინო, ყველი, თაფლი და სხვა სოფლის მეურნეობის პროდუქტები ჰქონდათ გამოტანილი.

ხალხური საკრავების პავილიონში 17 წლის დიმიტრი ქარჩავამ კოლხური საკრავი ლარჭემი გვიჩვენა, რომელიც მისი თხოვნით, ჩხოროწყუელმა ოსტატმა დემურ ანთიამ დაამზადა.

„ეს არის უძველესი კოლხური საკრავი, რომელიც ჩვენ აღვადგინეთ. ლარჭემს გამოიყენებდნენ მწყემსები. მათ საკრავზე რამდენიმე ბგერის შესრულებით შეეძლოთ დაემორჩილებინათ ნახირი“, - გვითხრა დიმიტრი ქარჩავამ.

ფერმერმა გელა დარჩაგოდაშვილმა მარტვილში დამზადებული ჩაი დაგვაგემოვნებინა.

„ჩაის ვამუშავებთ და ვყიდით საქართველოში, მაგრამ გვაქვს მოლაპარაკებები, რომ პროდუქცია გავიტანოთ ევროპაში. ჩაის ჩაუტარდა ანალიზი და ჩვენი პროდქუცია მისაღები გახდა ევროპისთვის“, - გვითხრა ფერმერმა.


21 წლის სალომე შენგელიას პავილიონში კოწახურით და მშრალი ხილით მომზადებული ყველი ვნახეთ.

„გვაქვს ტრადიციული ყველები, თუმცა ბევრი სახეობა ჩვენი ფანტაზიის შედეგია“, - გვითხრა ფერმერმა.

სოფლის მეურნეობის მინისტრის მოადგილე სოლომონ პავლიაშვილის განცხადებით, მუხურის აგროტურისტული ფესტივალი ხელს შეუწყობს რეგიონში ტურიზმის განვითარებას.

„ეს ფესტივალი კიდევ ერთი დასტურია იმისა, თუ რა პოტენციალი აქვს სოფლის მეურნეობის მეწარმეობის განვითარებას. ასევე, დიდი რესურსია ტურიზმის განვითარების და რაც ყველაზე მნიშვნელოვანია, ასეთი ღონისძიებები აჩენს ახალ ინიციატივებს, რომ მეტი ხარისხიანი პროდუქცია ვაწარმოოთ“, - გვითხრა სოლომონ პავლიაშვილმა.

ფესტივალის ბოლოს მოამზადეს ელარჯი, რომელიც სტუმრებმა დააგემოვნეს.

აგროტურისტული ფესტივალის ორგანიზატორები არიან გარემოს დაცვისა და სოფლის მეურნეობის სამინისტრო, ჩხოროწყუს მუნიციპალიტეტის მერია და „ასოციაცია სოფლის მეურნეობის განვითარებისთვის".
| Print |  E-mail
FaceBook Twitter Google
სხვა მასალები






საზოგადოებას ყოველდღიურ რეჟიმში უწევს მმართველ პარტიაში
19:47 / 05.03.2019
საზოგადოებას ყოველდღიურ რეჟიმში უწევს მმართველ პარტიაში






შიო, ანდრია, ლაზარე, საბიანა, ბარბარე და მარიამი, ჩემი მეექვსე
შვილი
09:29 / 03.03.2019
შიო, ანდრია, ლაზარე, საბიანა, ბარბარე და მარიამი, ჩემი მეექვსე შვილი






ეკატერინეს სასახლეში, ერთ-ერთ საგამოფენო დარბაზში ჭერის ნაწილის
14:35 / 01.03.2019
ეკატერინეს სასახლეში, ერთ-ერთ საგამოფენო დარბაზში ჭერის ნაწილის






ანაკლიასა და მეზობელ სოფლებში ამერიკის შეერთებული შტატების
საერთაშორისო განვითარების სააგენტო
15:24 / 28.02.2019
ანაკლიასა და მეზობელ სოფლებში ამერიკის შეერთებული შტატების საერთაშორისო განვითარების სააგენტო
დღის ფოტო
ცოცხალი ისტორიები
დემეტრე ლიპარტია - აგრარულ მეცნიერებათა დოქტორი
გრიგოლ დაგარგულია - აგვისტოს ომის რეზერვისტი
დიანა ქაჯაია - აბიტურიენტი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.