პრეზიდენტი: ყოველი დღე გვაახლოვებს ქვეყნის გამთლიანებასთან
„დღეს, როდესაც ვფიქრობთ წარსულზე, ჩვენ ვხედავთ, რომ გამარჯვება და ქვეყნის გამთლიანება უფრო ახლოს არის, რადგან არ გამტყდარა არც ჩვენი მორალი და არც ჩვენი რწმენა და მხარდამჭერების რაოდენობა გაზრდილია“, - აღნიშნა მან მუხათგვერდის ძმათა სასაფლაოზე, სადაც აგვისტოს ომში დაღუპულების ხსოვნას პატივი მიაგო.
პრეზიდენტის თქმით, ყოველი დღე, ყოველი თვე გვაახლოვებს ქვეყნის გამთლიანებასთან და არა პირიქით. ამბობს, რომ ასე ხდებოდა მანამდეც, და ასე იქნება მომავალშიც
სულ, საქართველოს ხელისუფლების ოფიციალური მონაცემებით, შეიარაღებულ დაპირისპირებას 228 სამოქალაქო პირი, 170 სამხედრო მოსამსახურე და 14 პოლიციელი ემსხვერპლა. დაიჭრა 1 747 ადამიანი. დევნილად იქცა 150 ათასი ადამიანი, რომელთაგან 30 ათასი ამ დრომდე იძულებით გადაადგილებული პირია.